Isumassarsiorfik

1. Isumassarsiorfik Meeqqanut inersimasunullu 2011

2. Sammisaq Allanngortitsineq pisariaqalerpoq

3. Aallarniut Innuttaasut akornanni imigassartoriaasitta / imigassamik atuinermi ileqqugut pillugit oqallinnissaq sapaatip akunnera 18 – 2011-imi aallarnisarfittut atorneqassaaq. Imigassartoriaaserput pillugu innuttaasut akornanni oqallinnerit isummersornerillu tikkuusissapput imigassartoriaaserput pillugu siunissami pitsaannguutinik suliniutaasinaasunut iliuusissanullu kajumissaarutilik.

4. nang…. Ilisimavarput innuttaasut ilaat imigassamik ajornartorsiuteqanngitsut, taamakkaluartoq imigassamik ajornartorsiut, tamatta sussasaqarfigaarput. Misissuinerit misilittakkallu takutippaat pinerliinerni amerlanerpaani minnerpaamik inuk akuusoq ataaseq aalakoornartortalimmik imersimasartoq. Peqqinnissaqarfiup ilisimatitsissutigaa, nakorsiani aalakoorlutik saaffiginnittuni amerlanerit tarnimikkut, inuuniarnermi ajornartoornikkut, imminnut toqqunnissamik siorasaaserinikkut, ajutoornerni kiisalu nakuusernernut tunngatillugu amerlanerusartut.

5. nang…. Imigassaq pillugu isumasioqatigiinissaq 11.-13. september 2011-imi Nuummi ingerlanneqassaaq. Samminneqassalluni: Kalaallit Nunaanni Imigassamik atuinermi ileqqut. Nunatsinni imigassamik atuinermi ileqqut nutaajulluinnarput, tamanna nunanut allanut naleqqiullugu ukiuni untritilinni arlalinni imigassamik atuinermi misilittagaqarsimasunut.

6. nang… Isumassarsiorfik una suliarineqarpoq, sapaatip akunnera 18-imi aaqqissuussinissanut atatillugu iliuusissanik aallarniinissanut isumassarsiorfittut. Sap. ak. 18 pillugu najoqqutassaq: Najukkani pinaveersaartitsinermut ataatsimiititaliat, peqqinnisaqarfiit, atuarfiit, peqatigiiffiit, innuttaasut il.il. sap. ak. 18-imi imigassartaqanngitsumik aaqqissuinissaannik kajumissaarneqarput, tassanilu imigassartortarneq imigassartortarnermilu ileqqut aamma aanngajaarniutit allat qitiutillugit oqallitsitsinernik aallartitsisussanik sammisaqartitseqquneqarlutik.

7. nang…. Mappersakkap immikkoortuani siullermi suut aaqqereersimagaanni aaqqissuiniarnerup oqinnerusarnera eqqartorneqarput. Tullerai siunnerfigisat assigiinngitsut iliuuserisinnaanerannut siunnersuutit qanoq iliornikkut piviusunngortinneqarsinnaanerannik siunner-suutitallit skemanngorlugit aaqqissukkat. Iluuserisinnaasat siunnerfigisanut aalajangersimasunut tunngatitat soorunami allanittaaq atorneqarsinnaapput.

8. Aallaavitut qulequtaq ataani siunnersuutitut allassimasut, tassa ullummikkut imigasamik atuinermi ajornartorsiutigut – qanoq ilorraap tungaanut allanngortitsinaavagut • Ilaqutariit qanga maannalu • Meeqqat inuusuttuaqqallu ilaqutariinni • Ilaqutariit ataatsimooriaasaat • Atuarfiit / Ilinniagaqarfiit, qanoq ilillutik imigassartoriaatitsinnut allanngortitseqataasinnaappat • Meeqqeriviit / atuarfiit / illinniagaqarfiit imigassaq pillugu politikkeqassappat • Suliffeqarfiit tamarmik imigassaq pillugu politikkeqassappat • Inuttut namminneerluta akisussaanerput/pisussaaffipput qanoq nukittorsassavarput • Imigassamut Inatsit ullumimut naleqquppa • Illoqarfitsinni/nunaqarfitsinni imigassanik nioqquteqarsinnaasut / sassaallersinnaasut qanoq amerlassuseqassappat

9. nang… • Silaarunnissap tungaanut imigassartortarneq ajunngila – sooruna taama imigassartortigisugut • Qanoq ililluta angerlarsimaffinni eqqissiviilliornerit, nakuusernerit, toqutsinerit naapertuuilluanngitsuliorfigitinnerit unitsisinnaavagut • Imigassamut katsorsaanernut neqeroorutit qanoq isumaqarfigaagut • Imigassamut katsorsaariaatsit suut neqeroorutigineqassappat • Paasisitsiniaanerit suut suliarineqassappat - kikkullu tamakku naammassiniassavaat

10. Suleqatigiissitaliorneq Iliuuseriniakkat annertunerusut inunnit arlaqartunit peqataaffigineqarsinnaasut aaqqissorneri inuup ataasiinnaap ingerlanniassappagit artornarsinnaavoq. Suleqatigiissitaliornikkut peqataasut ataatsiakkaat isumassanik nassaartorsinnaapput assigiinngitsunillu suliaqarsinnaallutik, soorlu inunnik isumaqatiginiakkanik oqaloqatiginninnerit, ininik atugassanik pissarsiornerit, qinnuteqaatinik allagaqarnerit allarpassuillu. Tatigisinnaasariaqarpoq suleqatigiissitaliami ilaasortat ataasiakkat suliassamittut toqqarsimasaminnik naammassinnissinnaanissaat. Taamaattumik pitsaassaaq suleqatigiissitaliami ilaasortat suleqataanissaminnut, piffissaq eqqorlugu takkuttarnissaminnut il.il. Atsiornermikkut neriorsuitinneqarpata.

11. Ataqatigiissitsisussamik toqqaaneq Aaqqissuussinerit tamarmik immikkut ataqatigiissaarisoqartariaqarput. Taassuma isumagissavaa suleqataasut piffissaq eqqorlugu suliassaminnik naammassinnittarnissaat, taamanngippallu allamut suliaritittarnissaat. Ataqatigiissitsisussap qulakkeerniassavaa pilersaarusiap eqquu-tinneqarnissaa. Isumaanngilarli ataqatigiissitsisup suliassat kisimiilluni suliarissagai, taassumami isumagisassaraa suliassat tamarmik ataqatigiissinniarnissaat.

12. Pilersaarusiorneq Pilersaarusiap imarissavai: − suut suliassaanersut − qaqugu suliassaanersut − kina akisussaasuunersoq − kikkut aamma peqataatinneqassanersut − kina missingersuusiussanersoq.

13. Pilersaarusiaq skemanngorlugu sananeqarsinnaavoq – soorlu ima: Ataatsimiigiaqqusut katsersortarfimmi 3. maj 2011 nal. 19.00 – 22.00 innuttaasunut ataatsimiititsisoqassaaq oqallinnertalimmik quleqqutaralugu: Illoqarfitsinni/nunaqarfitsinni imigassanik nioqquteqarsinnaasut / sassaallersinnaasut qanoq amerlassuseqassappat.

14. Ininik pissarsiorneq – Allagartarsuarnik nivinngaassuinissamut akuersissut Tamanut ammasumik aaqqissuussinernut aaqqissuussinernulluunniit annertunerusunut init atugassat siusissukkut inniminnereertariaqarput. Isiginnartitsiviliortoqassappat, allagartarsuarnik nivinngaasoqassappat assigisaannilluunniit pisoqasappat tamakkuttaaq isumaqatigiissu-taareersimassapput. Allagartarsuarnik nivinngaassuiniaraanni politiinit aamma/imaluunniit illumik piginnittumit akuersissummik peqqaartariaqarpoq. Inini attartukkani - katersortarfinni assigisaannilu – maleruagassaqarsinnaavoq allagartarsuit assilissalluunnit qanoq nivingaatinneqarnissaannut.

15. Atortussanik katsersuineq Atortussat tunngaviusussat amerlanertigut pisariaqartarput. Tamatuma nassatarigajuppaa inuit oqaasissaqartitaasullu allat akulerunne-qartarnerat. Eqqaamaneqassaaq paasissutissanik pissarsiniarnermi piffissarujussua atorneqarsinnaammat. Paasissutissat suut atorne-qartussaaneri takuneqarsinnaasariaqarput - pillersaarusiornerup ingerlanerani piaarnerpaamik. Paasissutissanik pissarsiniartussanut erseqqissarluarsinnaagaanni suut atorfissaqartinnerlugit, paasissu-tissat sukumiinerusut pissarsiarineqarsinnaasarput.

16. Tapiissuteqarsinnaasunik pissarsiniarneq Namminersorlutik Oqartussat kommunellu tapiisinnaanerannut maleruagassat misissukkit. Aningaasanik immikkoortitsisoqar-simasinnaavoq, qinnuteqaatillu akuerineqarnissaat ajornan-nginnerussalluni. Aaqqissuussinissalli aningaasartaat siusissukkut missingersuusiortariaqarput aningaasartuutissat pissarsiarinissa-annut periarfissaqarluartariaqarmat. Tapiisussarsiornerit tamatigut allaganngorlugit tunniuttariaqarput. Tapiissutit aningaasaasariaqan-ngillat. Tassaasinnaappummi akeqanngitsumik annonceliisitsinerit, atortussanik tunisinneq, ininik atukkiineq assigisaalluunniit tapiis-suteqartup ilisimaneqaatigisai.

17. Saqqummiisussat allallu attaveqarfiginissaat il.il. Inuit oqalugiaateqaqqullugit, oqallitsisinermi peqataaqqullugit arlaannilluunniit iliuuseqaqqullugit saaffigigaanni ajunngin-nerpaasarpoq sianerfigeqqaarlugit, kingornalu allaffigalugit sutinniarneqarnersut immaqalu naapeqatigalugit aaqqissuus-siniarneq aaqqivinniarlugu. Eqqaamaneqassaaq saqqum-miussaqartinniakkat saqqummiunniakkaminnut tunngatillugu allattugaatigiunnaakkatik tunniussinnaagaat.

18. Aaqqissuussinerup ingerlanissaa (programmi) Aaqqissuussinerup ingerlanissaa piareertariaqarpoq qaaqqusissutit nassiussuutinnginnerini. Aaqqissuisut nalunngilluinnartariaqarpaat susoqassanersoq, pisussat qanoq sivisutigiumaarnersut, qaqugukkut unikkallartoqassanersoq aamma atortussat atortorissaarutillu suut atorneqassanersut.

19. Skemaliorneq

20. Tusagassiuutinut attaveqarneq Sunaluunniit ingerlakkaanni ilimagisariaqarpoq aaqqissuussinerit immikkut ittut tamatigut kikkunnilluunniit soqutigineqartarmata. Tamanut saqqummiussiniarnermi periarfissat ajornannginnersaraat tusagassiuutitigut nalunaaruteqarneq. Tusagassiuutitigut nalunaarut ima allanneqassaaq pineqartoq qulequtaaniitinnneqassalluni – susoqarniartoruna – ataani aaqqissuussinerup siunertaa, peqataasussat il.il. sukumiinerusumik allaaserineqasapput. Naggataatigullu oqarasuaatip normua, mail adresse atta-vigineqarsinnaasut.Aaqqissuussinissaq pillugu tusagassiuutitigut nalunaarut papialami A-4-miissinnaasariaqarpoq. Soqutiginarpat saaffiginnittoqanngitsoornavianngilaq. Qaaqqusissummik ilanngussi-soqarsinnaavortaaq.

21. Qaaqqusissut Tusasgassiuutitigut nalunaaruteqarneq ilutigalugu qaaqqusissutinik nassiussuisoqassaaq. Qaaqqusissutip isikkua pingaaruteqarpoq. Takujuminartuutinniartariaqarpoq. Ilaqutariit meerartallit amerlanersaasa sapaatip akunnerit tamaasa pappialat sunilluunniit imallit pisarpaat, taamaattumik immikkuullarissuunissaa pisariaqarpoq.

22. Piareersanerit – Aaqqissuussinermi kikkut sulerissappat. Programiliornermi aalajangiunneqassapput aaqqissuussap inger-lanerani suut qaqugukkullu atorfissaqartinneqassanersut. Taakkulu pissarsiarineqassapput. Aalajangerneqassaaq sassaalliinerup sutor-nerullu qanoq ingerlanissaat. Eqqaamaneqassaaq aaqqissuussinermi ikiuuttussat arlariiaanik ataat-sikkut suliaqartinneqassanngimmata. Assersuutigalugu: Oqallititsinermi aqutsisoq imaqarniliortuusinnaanngilaq. Kaffiliortoq oqalugiaateqarsinnanngilaq il.il. (takuuk skema)

23. Aaqqissuussinerup naammassinerani naliliineq Qanoq ingerlasimava? . Piareersarneq, tullissaani pitsaanerusinnaava? . Suut ajunngitsumik ingerlappat, suut pitsaanerusinnaappat? . Suut anguagut? Naliliinersi allanganngorlugu suliarisinnaavarsi ukiup tulliani sapaatip akunnera 18-imi aaqqissuussisussat misilittakkasi iluaqutigisinnaaniassammatigik.

24. Meeqqat atuartut

25. Meeqqat atuartut

26. Inuusuttut 17-25-nik ukiullit

27. Ilinniarfiit

28. Ilinniarfiit

29. Timersoqatigiiffiit

30. Timersoqatigiiffiit

31. Neriniartarfiit imerniartarfiillu, sutorniartarfiit qitigiartarfiillu diskotekit

32. Inersimasut

33. Inersimasut

34. Inersimasut

35. Angajoqqaat

36. Meeqqeriviit

37. Utoqqaanerusut

38. Pitsaaliuinermut siunnersortit Paarisalu Kommunip pitsaaliuinermut siunnersortai Paarisalu attavigineqarsinnaapput, taakku siunnersuillutillu ilitsersuisinnaapput. Aamma Paarisap nittartagaa alakkaruk: www.paarisa.gl