Diwygio’n gweithdrefnau cymhwyster i ymarfer

1. Diwygio’n gweithdrefnau cymhwyster i ymarfer Newidiadau i’r ffordd rydym yn delio ag achosion ar ddiwedd ymchwiliad Sleidiau trafod i gleifion a’r cyhoedd

2. Rôl y GMC • Ein rôl yw diogelu, hybu a chynnal • iechyd a diogelwch y cyhoedd gan • sicrhau safonau priodol mewn • meddygaeth trwy: • gadw cofrestrau diweddar o feddygon cymwys. • meithrin arfer meddygol da. • hybu addysg feddygol safon uchel. • delio’n gadarn ac yn deg gyda meddygon yr amheuir eu cymhwyster i ymarfer.

3. Ein proses gwrandawiadau presennol • Ar hyn o bryd, cyfeiriwn fwyafrif yr achosion at wrandawiad ac mae hyn yn cynnwys rhai achosion lle nad oes anghydfod ynghylch y ffeithiau arwyddocaol. • Mae gwrandawiadau’n llawn straen i bawb sydd ynghlwm. • Caiff cyhuddiadau y gallai’r panel gasglu eu bod yn ddi-sail yn nes ymlaen eu cyhoeddi yn y cyfryngau weithiau.

4. Ein rôl • Ein rôl yw diogelu’r cyhoedd, nid cosbi meddygon. • Golyga hyn bod ein ffocws ni ar gymhwyster meddyg i ymarfer ar hyn o bryd ac yn y dyfodol ac nid ar ddisgyblu meddygon am gamymddygiad yn y gorffennol. • A allwn gyflawni hyn yn gynt ac yn fwy cymesur a heb yr angen am wrandawiad cyhoeddus?

5. Ein cynigion • Trafodaethau gyda meddygon - annog meddygon i dderbyn ein cosb arfaethedig. • Rhagdybiaeth o ddilead am gollfarnau troseddol difrifol. • Gwaharddiad awtomatig i feddygon sy’n gwrthod cydweithredu gyda’n hymchwiliad er gwaethaf ymdrechion cyson i geisio cael cyswllt ganddynt.

6. Trafodaethau gyda meddygon • Cynigiwn fwy o drafodaethau gyda meddygon a rheiny’n gynharach i’n helpu ni i ddeall natur a difrifoldeb y pryderon. • Byddwn yn datgelu’r cyhuddiadau i’r meddyg a’r gosb briodol yn ein barn ni. • Bydd y meddyg a’i gynrychiolydd cyfreithiol yn cael amser i ddatgelu unrhyw ffactorau lliniarol i ni. • Os bydd y meddyg yn derbyn ein cosb arfaethedig, ni fydd angen cyfeirio’r achos at wrandawiad.

7. Diogelwch cleifion yw’n blaenoriaeth gyntaf • Byddwn yn penderfynu pa gosb sy’n angenrheidiol i ddiogelu cleifion, yn seiliedig ar y ffeithiau. • Ni fydd unrhyw fargeinio pledion. • Os bydd y meddyg yn gwrthod derbyn y gosb arfaethedig, byddwn yn cyfeirio’r achos at wrandawiad cyhoeddus. • Os oes unrhyw anghydfod arwyddocaol dros y ffeithiau, byddwn yn cyfeirio’r achos at wrandawiad cyhoeddus.

8. Sut bydd y cyfarfodydd gyda’r meddyg yn cael eu hwyluso? Rydym yn ystyried ystod o ddewisiadau: • Cyfryngu (cyfryngwr niwtral hyfforddedig sy’n cynorthwyo’r partïon i’r anghydfod er mwyn culhau’r gwahaniaethau rhwng eu safleodd dynodedig a chytuno ar ganlyniad trwy drafod). • Hwyluswyr annibynnol (yn debygol o fod yn gostus). • Rhestr o hwyluswyr hyfforddedig (wedi’u contractio i’r GMC i fod ar gael i hwyluso cyfarfodydd).

9. Cyfathrebu gyda chleifion sy’n gwneud cwyn • Ein rôl yw cymryd unrhyw weithred sy’n angenrheidiol i ddiogelu’r cyhoedd, yn hytrach na cheisio gwneud iawn i gleifion unigol. • Ni chynigiwn fod y person a wnaeth y gŵyn am y meddyg yn bresennol mewn cyfarfodydd gyda meddygon. • Byddwn yn rhoi gwybod i’r achwynydd y bwriadwn gwrdd â’r meddyg, a gofynnwn a oes ganddynt unrhyw sylwadau. • Ar ôl y cyfarfod, byddwn yn ysgrifennu i roi gwybod iddynt am y canlyniad.

10. Pa wybodaeth ddylem ei chyhoeddi? Cynigiwn gyhoeddi ar ein gwefan: • Y gosb a dderbynnir gan y meddyg. • Disgrifiad o’r materion a roddwyd i’r meddyg. • Unrhyw wybodaeth a gefnogir gan dystiolaeth a ddarparwyd gan y meddyg sy’n effeithio ar ddifrifoldeb y pryderon.

11. Sut dylem ddisgrifio’r trefniadau? • Dilead gwirfoddol yw’r term a ddefnyddiwn pan fydd meddyg yn penderfynu tynnu ei enw oddi ar y gofrestr a lle nad oes gennym unrhyw bryder am ei gymhwyster i ymarfer. • Cynigiwn stopio defnyddio’r term dilead gwirfoddol pan fydd meddyg yn cytuno y dylid tynnu ei enw oddi ar y gofrestr lle ceir pryderon am ei gymhwyster i ymarfer. • Mae gennym ddiddordeb mewn cael awgrymiadau am fwy o derminoleg briodol i’w defnyddio ar gyfer yr achosion hyn. • Un dewis rydym yn ei ystyried yw ‘dilëwyd trwy gytundeb ar y cyd’.

12. Dulliau diogelu ychwanegol mewn achosion camymddygiad • Pan fydd meddyg a ddilëwyd am faterion iechyd neu berfformiad yn ceisio am adferiad i’r gofrestr, mae’n bosibl y gofynnir iddynt ymgymryd ag asesiad iechyd neu berfformiad i ddangos eu bod yn gymwys i ymarfer. • Mewn achosion camymddygiad, lle mae meddyg yn gwneud cais i gael ei adfer i’r gofrestr, ceir risg y gall fod yn anodd profi’r achos yn ei erbyn. • Mae hyn oherwydd bod y dystiolaeth yn aml yn seiliedig ar dystiolaeth gan dystion a hwyrach nad yw’r tystion ar gael bellach neu bod eu hatgofion o’r digwyddiadau wedi pylu. • Er mwyn lleddfu’r risg, cynigiwn ofyn i’r meddyg lofnodi ‘datganiad o’r ffeithiau cytûn’ cyn tynnu eu henw o’r gofrestr.

13. Materion allweddol: trafodaeth gyda meddygon • Sut orau gallwn gyfleu canlyniad y trafodaethau gyda meddygon i’r achwynwyr? • Pa wybodaeth ddylem ei chyhoeddi am ein penderfyniad? • Pa derminoleg ddylem ei defnyddio i ddisgrifio cosb a gytunwyd arni trwy drafodaeth gytûn? • Sut mae lleddfu’r risg o dystiolaeth yn gwaethygu er mwyn cynnal ffydd y cyhoedd?

14. Materion allweddol: trafodaeth gyda meddygon • A ddylai meddygon allu datgelu gwybodaeth yn ystod y trafodaethau ar sail ‘heb ragfarn’? (sy’n golygu na allwn ei defnyddio mewn gwrandawiad yn nes ymlaen os bydd yr ymdrechion i gydweithredu’n methu). • A ddylem allu defnyddio gwybodaeth a ddatgelwyd gan feddyg ar sail ‘heb ragfarn’ i gynnal ymchwiliad pellach a defnyddio unrhyw wybodaeth a ddatgelwyd gan yr ymchwiliad hwnnw yn y gwrandawiad? • Oes unrhyw achosion y dylid eu cyfeirio at wrandawiad er lles y cyhoedd, hyd yn oed pan fydd meddyg yn fodlon derbyn ein cosb arfaethedig?

15. Collfarnau troseddol difrifol • Ar hyn o bryd, rhagdybiwn y dylid cyfeirio unrhyw drosedd sy’n arwain at ddedfryd o garchar at wrandawiad cyhoeddus. • Cynigiwn y dylai fod rhagdybiaeth o ddilead am rai troseddau difrifol. • Golyga hyn y byddai’r meddyg yn cael ei ddileu o’r gofrestr heb yr angen i gyfeirio’r achos at wrandawiad cyhoeddus.

16. Materion allweddol: collfarnau troseddol difrifol • Ydych chi’n cytuno bod rhai collfarnau troseddol sydd mor ddifrifol nad ydynt yn cydfynd â chofrestriad? • Os oes, pa fath o gollfarnau? • Llofruddiaeth. • Blacmel. • Masnachu pobl i’w hecsbloetio. • Trais neu ymosodiad rhywiol yn erbyn oedolyn neu blentyn. • Cam-drin plant: paratoi at bwrpas rhyw, puteindra neu bornograffi. • Unrhyw weithgaredd rhywiol gyda phlentyn o dan 13 oed. • Arall?

17. Methu cydymffurfio â’n hymchwiliad • Mae ein harweiniad i feddygon, Arfer Meddygol Da, yn gofyn i feddygon gydweithredu gydag unrhyw weithdrefn gwyno neu ymchwiliad ffurfiol i’w triniaeth o glaf. • Weithiau, mae gwrthodiad cyson meddyg i gydweithredu’n ein hatal ni rhag bwrw ymlaen â’n hymchwiliad. • Lle mae meddyg yn gwrthod cydweithredu mae’n anodd inni bennu pa risg maent yn ei gyflwyno i ddiogelwch cleifion.

18. Materion allweddol: collfarnau troseddol difrifol • Ydych chi’n credu bod lles i’r cyhoedd mewn cael gwrandawiad cymhwyster i ymarfer lle mae’r materion eisoes wedi’u lleisio’n gyhoeddus trwy’r system cyfiawnder troseddol? • Ydych chi’n credu y bydd y cynnig hwn yn cael effaith gadarnhaol ar ffydd y cyhoedd yn y proffesiwn?

19. Unrhyw gwestiynau?