ການຝຶກອົບຮົມເພື່ອສ້າງຄວາມເຂັ້ມແຂງ ໃຫ້ແກ່ຜູ້ທີ່ເຮັດວຽກບໍລິຫານຫ້ອງການ

1. ການຝຶກອົບຮົມເພື່ອສ້າງຄວາມເຂັ້ມແຂງໃຫ້ແກ່ຜູ້ທີ່ເຮັດວຽກບໍລິຫານຫ້ອງການການຝຶກອົບຮົມເພື່ອສ້າງຄວາມເຂັ້ມແຂງໃຫ້ແກ່ຜູ້ທີ່ເຮັດວຽກບໍລິຫານຫ້ອງການ ຫົວບົດ: ການເປັນພະນັກງານວິຊາການຄົ້ນຄວ້າທີ່ດີ ສະເໜີໂດຍ: ທ່ານຄູນມີ ພົມມະນິມິດ ຜູ້ອໍານວຍການສະຖາບັນພັດທະນາ ການບໍລິຫານການສຶກສາ E-mail: pkhounmy@yahoo.fr

2. ຫົວບົດ: ການເປັນພະນັກງານວິຊາການຄົ້ນຄວ້າທີ່ດີ ບົດນີ້ປະກອບດ້ວຍ 4 ພາກຄື: ພາກທີ 1: ນິຍາມ ແລະຄວາມໝາຍ ພາກທີ 2: ຕຳແໜ່ງງານແລະໜ້າທີ່ຂອງລັດຖະກອນ ພາກທີ 3: ຄຸນລັກສະນະຂອງນັກວິຊາການທີ່ດີ 3.1. ຄວາມຮູ້ 3.2. ຄວາມສາມາດ 3.3. ປະສົບປະການແລະຄວາມຊຳນິຊຳນານ 3.4. ຄຸນສົມບັດ ແລະຄວາມຮັບຜິດຊອບ 3.5. ຄວາມສະຫງວນມັກ ພາກທີ 4: ສະຫລຸບ.

3. ພາກທີ 1. ນິຍາມ ແລະຄວາມໝາຍ 1. ນິຍາມ: ຄຳວ່າ “ລັດຖະກອນ”ຂອງ ສປປລາວ ແມ່ນບຸກຄົນທີ່ໄດ້ຖືກບັນຈຸ ແລະໄດ້ຮັບການແຕ່ງຕັ້ງໃຫ້ເຮັດວຽກງານປະຈຳຢູ່ໃນບັນດາກະຊວງ, ອົງ ການຂອງສູນກາງ, ທ້ອງຖິ່ນ ຫຼື ໄປປະຈຳຢູ່ສຳນັກງານຜູ້ຕາງໜ້າ ສປປລາວ ຢູ່ຕ່າງປະເທດ,ໄດ້ຮັບເງິນເດືອນ,ເງິນອຸດໜູນຈາກງົບປະມານແຫ່ງລັດ. ທະຫານ,ຕຳຫລວດ ບໍ່ໄລ່ເຂົ້າໃນບັນຊີລັດຖະກອນ ແລະຈະມີລະບຽບສະເພາະ.ບຸກຄົນທີ່ເຮັດວຽກໃຫ້ລັດແບບມອບເໝົາ ຫລືແບບເບ້ຍມື້ຕາມສັນຍາຈ້າງບໍ່ມີຖານະເປັນລັດຖະກອນ. ຄຳວ່າ “ພະນັກງານ”ແມ່ນລວມເອົາທັງລັດຖະກອນ,ທະຫານແລະບຸກຄົນທີ່ເຮັດວຽກໃຫ້ລັດທັງໝົດ. ສະນັ້ນ “ລັດຖະກອນຂະ ແໜງການສຶກສາ” ກໍ່ແມ່ນພະນັກງານຂອງລັດ.

4. ພາກທີ 1. ນິຍາມ ແລະຄວາມໝາຍ (ຕໍ່). 2. ຄວາມໝາຍ: ລັດຖະກອນ ເປັນບຸກຄະລາກອນສ່ວນລວມຂອງລັດ ມີພາລະກິດຮັບໃຊ້ຊາດ, ຮັບໃຊ້ປະຊາຊົນ ໂດຍແມ່ນອົງການຈັດຕັ້ງຂອງລັດຂັ້ນຕ່າງໆມີໜ້າທີ່ຄຸ້ມຄອງ,ນຳໃຊ້ ຕາມຂອບເຂດສິດຂອງຕົນ. ລັດຖະກອນທຸກປະເພດ, ທຸກຂັ້ນມີກົດໝາຍຄຸ້ມຄອງໃນການປະຕິບັດໜ້າທີ່ ແລະຈະມີການຕິດຕາມ,ກວດກາ,ປະເມີນຜົນງານຜົນງານໃນທຸກໆປີ. ລັດຖະກອນທຸກຄົນ ປະຕິບັດໜ້າທີ່ຕາມທີ່ນິຕິກຳກ່ຽວຂ້ອງໄດ້ກຳນົດ, ການປະຕິບັດໜ້າທີ່ທີ່ຂັດກັບນິຕິກຳກ່ຽວຂ້ອງນັ້ນ ລ້ວນແຕ່ເປັນການລະເມີດລະບຽບກົດໝາຍ. ການກະທຳທີ່ລະເມີດຕໍ່ໜ້າທີ່ ຫລື ການປ່ອຍປະລະເລີຍຕໍ່ໜ້າທີ່ ລ້ວນແຕ່ເປັນຂໍ້ບົກພ່ອງໃນການປະຕິບັດວຽກງານ.

5. ພາກທີ 1. ນິຍາມ ແລະຄວາມໝາຍ (ຕໍ່). ລັດຖະກອນທຸກຄົນ ໄດ້ຮັບເງິນເດືອນ,ເງິນນະໂຍບາຍ,ເງິນອຸດໜູນ,ນະໂຍບາຍແລະສະຫວັດດີການຕ່າງໆຈາກລັດ ຕາມທີ່ລະບຽບລັດຖະກອນກຳນົດໄວ້. ໃນຫລັກວິຊາການບໍລິຫານ ໂດຍສະເພາະແມ່ນວິຊາ“ອົງການຈັດຕັ້ງ ແລະການພັດທະນາອົງການຈັດຕັ້ງ” ໄດ້ກ່າວວ່າເຖິງສາຍພົວພັນລະຫວ່າງມະນຸດກັບອົງການຈັດຕັ້ງວ່າ:“ມະນຸດອາໃສອົງການຈັດຕັ້ງກໍ່ເພາະວ່າອົງການ ຈັດຕັ້ງມີຄວາມສາມາດຊ່ວຍເຫລືອເຂົາເຈົ້າໃຫ້ມີຄວາມໝັ້ນຄົງໃນຊີວິດໄດ້ ແລະອົງການຈັດຕັ້ງອາໃສມະນຸດ ກໍ່ເພື່ອພັດທະນາອົງການຈັດຕັ້ງໃຫ້ບັນລຸວັດຖຸປະສົງຕາມທີ່ຕົນໄດ້ກຳນົດໄວ້”. ສາຍພົວພັນນີ້ ເປັນສາຍພົວພັນດຽວກັນດຽວກັນລະຫວ່າງ ລັດຖະກອນ ແລະອົງການຈັດຕັ້ງທີ່ຕົນສັງກັດ.

6. ພາກທີ 2: ໜ້າທີ່ຂອງລັດຖະກອນ ລັດຖະກອນທີ່ຖືກບັນຈຸເຂົ້າໃນອົງການຈັດຕັ້ງຕ່າງໆຂອງລັດ ລ້ວນແຕ່ມີຕຳແໜ່ງ, ໜ້າທີ່ ແລະ ຂອບເຂດສິດຂອງຕົນຕໍ່ອົງການຈັດຕັ້ງທີ່ຕົນສັງກັດ. ຕົວຢ່າງຕຳແໜ່ງ. ໃນກົມໜຶ່ງ ຈະມີຕໍາແໜ່ງຫົວໜ້າກົມ, ຮອງຫົວໜ້າກົມ, ຫົວໜ້າພະແນກ,ຮອງຫົວໜ້າພະແນກ, ພະນັກວິຊາການຕຳແໜ່ງ ເລຂານຸການ, ພະນັກວິຊາການບັນຊີ, ພະນັກງານວິຊາການປະຖົມ ສຶກສາ,ພະນັກງານວິຊາການສັງລວມ,ພະນັກງານວິຊາການສະຖິຕິ, ພະນັກງານວິຊາການວິເຄາະວິໄຈຂໍ້ມູນ, ພະນັກງານວິຊາການຄົ້ນ ຄວ້າສັງລວມ ແລະອື່ນໆ; ຕົວຢ່າງໜ້າທີ່. ໃນຄູ່ມືວິທີເຮັດວຽກຂອງສະຖາບັນພັດທະນາການບໍລິ ຫານການສຶກສາ ພະນັກງານວິຊາການຕຳແໜ່ງຄົ້ນຄວ້າດ້ານນິຕິກຳ ແລະກົງຈັກການຈັດຕັ້ງ ມີໜ້າທີ່ດັ່ງຕໍ່ໄປນີ້:

7. ພາກທີ 2: ໜ້າທີ່ ແລະພັນທະ (ຕໍ່) • ຄົ້ນຄວ້ານິຕິກຳລວມກ່ຽວກັບການບໍລິຫານການສຶກສາ; • ຄົ້ນຄວ້າ, ປັບປຸງນິຕິກຳ ແລະລະບຽບການຕ່າງໆ ເພື່ອຄຸ້ມຄອງສະຖາບັນ; • ຄົ້ນຄວ້າອອກແບບເພື່ອພັດທະນາກົງຈັກການຈັດຕັ້ງຂອງສະຖາບັນ; • ເປັນຄູຝຶກໃນວິຊາທີ່ກ່ຽວຂ້ອງກັບການບໍລິຫານການສຶກສາວິຊາໃດໜຶ່ງ; • ສະເໜີວຽກງານທີ່ຕົນຮັບຜິດຊອບຕໍ່ຄະນະພະແນກ; • ຮັບຜິດຊອບວຽກງານອື່ນໆຕາມການມອບໝາຍຂອງຫົວໜ້າພະແນກແລະຫົວໜ້າໜ່ວຍງານ; • ສາຍຄວາມຮັບຜິດຊອບ: ຂຶ້ນໂດຍກົງກັບຫົວໜ້າໜ່ວຍງານຈັດຕັ້ງແລະພະນັງານ.

8. ພາກທີ 2: ໜ້າທີ່ ແລະພັນທະ (ຕໍ່) • ມາດຕະຖານສະເພາະ: 1. ຈົບປະລິນຍາຕີໃນສາຂາວິຊາບໍລິຫານການສຶກສາ ຫລືຄຸ້ມຄອງ ຊັບພະຍາກອນມະນຸດ ຫລືວິຊາທີ່ໃກ້ຄຽງ; 2. ເຄີບເປັນຜູ້ບໍລິຫານການສຶກສາຂັ້ນໃດຂັ້ນໜຶ່ງມາແລ້ວ 3 ປີ; 3. ມີຄວາມຊຳນິຊຳນານໃນການວາງແຜນ,ການບໍລິຫານ ແລະຢ່າງ ໜ້ອຍຕ້ອງຮູ້ນຳໃຊ້ຄອມພິວເຕີຂັ້ນພື້ນຖານ ແລະ ພາສາຕ່າງ ປະເທດໃນລະດັບໃດໜຶ່ງ; ຕົວຢ່າງທີ 2 ກ່ຽວກັບໜ້າທີ່: ໜ້າທີ່ຂອງຕຳແໜ່ງງານນັກວິຊາການວິໄຈແລະປະເມີນຜົນ. 1. ອອກແບບຮ່າງການວິໄຈແລະປະເມີນຜົນ(Proposal) ດ້ານການ ບໍລິຫານ ແລະ ການຄຸ້ມຄອງການສຶກສາຕາມຫົວຂໍ້ທີ່ໄດ້ ຮັບຮອງຈາກຄະນະ;

9. ພາກທີ 2: ໜ້າທີ່ ແລະພັນທະ (ຕໍ່) 2. ສ້າງເຄື່ອງມືປະເພດຕ່າງໆເພື່ອເກັບກຳຂໍ້ມູນສຳລັບການ ວິໄຈ ແລະປະເມີນຜົນ; 3. ດຳເນີນການເກັບກຳຂໍ້ມູນພາກສະໜາມໃຫ້ໄດ້ຕາມຄວາມ ຕ້ອງການ; 4. ກວດກາ,ລວບລວມ ແລະວິເຄາະຂໍ້ມູນທີ່ເກັບກຳໄດ້ມາຈາກ ພາກສະໜາມ; 5. ສ້າງບົດລາຍງານການວິໄຈ ແລະປະເມີນຜົນຕາມຜົນ ວິເຄາະຂໍ້ມູນ; 6. ສະເໜີຜົນການວິໄຈ ແລະປະເມີນຜົນຕາມຫົວຂໍ້ທີ່ເຮັດ ການວິໄຈ ແລະປະເມີນຜົນ; 7. ເປັນຄູຝຶກໃນວິຊາທີ່ກ່ຽວຂ້ອງກັບການບໍລິຫານການສຶກ ສາວິຊາໃດໜຶ່ງ; 8. ສະຫຼຸບ,ລາຍງານວຽກງານວິໄຈແລະປະເມີນຜົນຕໍ່ຄະນະພະ ແນກ.

10. ພາກທີ 2: ໜ້າທີ່ ແລະພັນທະ (ຕໍ່) • ສາຍຄວາມຮັບຜິດຊອບ: ຂຶ້ນໂດຍກົງກັບຫົວໜ້າໜ່ວຍງານຂໍ້ມູນຂ່າວສານ,ວິໄຈ ແລະປະເມີນຜົນ. • ມາດຕະຖານສະເພາະ: 1. ຈົບປະລິນຍາຕີໃນສາຂາວິຊາສະຖິຕິ ຫຼື ຂ່າວສານ ຫຼື ວິຊາທີ່ໃກ້ ຄຽງ; 2. ເຄີບເຮັດວຽກຂ່າສານແລະສະຖິຕິຂັ້ນໃດຂັ້ນໜຶ່ງມາແລ້ວ 3 ປີ; 3. ມີຄວາມຊຳນິຊຳນານໃນການອອກແບບຂ່າວສານ ແລະ ຮູ້ນຳໃຊ້ ເຕັກໂນໂລຊີການຂ່າວສານໃນລະດັບດີ. ໝາຍເຫດ: ລັດຖະກອນທຸກຄົນທີ່ບັນຈຸເຂົ້າເຮັດວຽກໃນຕຳແໜ່ງງານໃດໜຶ່ງຕ້ອງເຮັດວຽກຕາມໜ້າທີ່ໃຫ້ປະສົບຜົນສໍາເລັດຕາມວັດຖຸປະສົງຂອງອົງການຈັດຕັ້ງ.

11. ພາກທີ 3: ຄຸນລັກສະນະຂອງນັກວິຊາການທີ່ດີ ການເປັນນັກວິຊາການທີ່ດີນັ້ນ ເປັນຄວາມມຸ້ງຫວັງທັງຂອງອົງການຈັດຕັ້ງທີ່ຕົນສັງກັດແລະເປັນຄວາມມຸ້ງຫວັງຂອງສ່ວນຕົວບຸກຄົນແຕ່ລະຄົນ ໃນການປະຕິບັດໜ້າທີ່ວຽກງານໃຫ້ລັດ ໂດຍສະເພາະການປະຕິບັດໜ້າທີ່ຂອງຕົນໃຫ້ແກ່ອົງການຈັດຕັ້ງທີ່ຕົນສັງກັດ. ແຕ່ຄວາມມຸ້ງຫວັງດັ່ງກ່າວ ຈະປາກົດຜົນເປັນຈິງໄດ້ນັ້ນ ມັນເປັນເລື້ອງທີ່ບໍ່ງ່າຍປານໃດ; ເພາະມັນຂຶ້ນກັບຫລາຍປັດໄຈ ເຊັ່ນ: ຄວາມຮູ້ພື້ນຖານ,ສະພາບແວດລ້ອມ,ນະໂຍບາຍຂອງອົງການຈັດຕັ້ງ. ແຕ່ຢ່າງໃດກໍ່ຕາມ ການຝຶກຝົນຫຼໍ່ຫຼອມຕົນເອງ, ຄວາມເຊື່ອໝັ້ນຕົນເອງ ຍັງເປັນປັດໄຈທີ່ສຳຄັນ ຊຶ່ງມີລັກສະນະຕັດສິນໃນການເປັນພະນັກງານວິຊາການຄົ້ນຄວ້າທີ່ດີ. ໃນຕໍ່ໄປນີ້ຂ້າພະເຈົ້າ ຈະນຳເອົາບັນດາປັດໄຈບາງຢ່າງທີ່ສຳຄັນ ແລະ ຈຳເປັນມາສະເໜີດັ່ງຕໍ່ໄປນີ້:

12. ພາກທີ 3: ຄຸນລັກສະນະຂອງນັກວິຊາການທີ່ດີ(ຕໍ່) 3.1. ດ້ານຄວາມຮູ້: 1. ຕ້ອງມີຄວາມຮູ້ດ້ານວິຊາການສົມຄູ່ກັບຕຳແໜ່ງແລະໜ້າທີ່ທີ່ຮັບຜິດຊອບ.ຄວາມຮູ້ບໍ່ສົມຄູ່ກັບຕໍາແໜ່ງ ແລະ ໜ້າທີ່ພາໃຫ້ເກີດບັນຫາຕາມມາ. ຮັບຜິດຊອບວຽກວາງແຜນ ກໍ່ຕ້ອງມີຄວາມຮູ້ໃນການວາງແຜນ; 2. ຕ້ອງມີຄວາມຮູ້ ແລະ ກຳແໜ້ນແນວທາງນະໂຍບາຍທີ່ກ່ຽວຂ້ອງກັບຕໍາແໜ່ງແລະໜ້າທີ່ນັ້ນ. 3. ຄວາມຮູ້ນັ້ນ ຕ້ອງແມ່ນຄວາມຮູ້ຈິງຮູ້ແທ້ທີ່ເປັນລະບົບ; 4. ມີຄວາມຮູ້ໃນການວິເຄາະ,ວິໄຈບັນຫາຢ່າງເປັນລະບົບ. ທຸກເຫດການ,ທຸກບັນຫາຍ່ອມມີສາຍເຫດ, ແກ້ບັນຫາບົນພື້ນຖານສາຍເຫດ. 5. ແບບວິທີຄົ້ນຄິດທີ່ເປັນໂລຊິກ,ບໍ່ແມ່ນຮູ້ແບບລວມໆ. ຄວາມຄິດທີ່ອະທິບາຍ ອອກສາມາດເອົາ ເປັນເອົາແນວທາງທີ່ສາມາດນໍາໄປໃຊ້ໃນການແກ້ໄຂບັນຫາໄດ້.

13. ພາກທີ 3: ຄຸນລັກສະນະຂອງນັກວິຊາການທີ່ດີ (ຕໍ່) 3.2. ຄວາມສາມາດ. 1. ມີຄວາມສາມາດໃນການຜັນຫຍາຍແນວທາງນະໂຍບາຍທີ່ ກ່ຽວ ກັບຄວາມຮັບຜິດຊອບຂອງຕົນ; 2. ມີຄວາມສາມາດ ໃນການນຳໃຊ້ຄວາມຮູ້ດ້ານວິຊາການທີ່ຕົນມີ ເຂົ້າໃນວຽກງານຕົວຈິງ; 3. ມີຄວາມສາມາດໃນວິເຄາະ,ວິໄຈບັນຫາທີ່ເກີດຂຶ້ນນັ້ນຢ່າງເລິກ ເຊິ່ງສົມຄວນ; 4. ມີຄວາມສາມາດໃນການປະດິດສ້າງສິ່ງໃໝ່ໆ ມາພັດທະນາວຽກ ງານ; 5. ມີຄວາມສາມາດໃນການຂຽນ,ການອະທິບາຍບັນຫາຢ່າງທີ່ເຈນ; 6. ມີຄວາມສາມາດໃນການສະຫລຸບ, ສັງລວມ ແລະລາຍງານຜົນ ການຄົ້ນຄວ້າວິໄຈວຽກງານ.

14. ພາກທີ 3: ຄຸນລັກສະນະຂອງນັກວິຊາການທີ່ດີ (ຕໍ່) 3.3. ປະສົບປະການ: 1. ມີປະສົບປະການໃນການເຮັດວຽກທີ່ກ່ຽວຂ້ອງກັບຕຳ ແໜ່ງນັ້ນ; 2. ມີປະສົບປະການໃນການນຳພາເຮັດວຽກງານເປັນໝູ່ ຄະນະ; 3. ມີປະສົບປະການໃນການຄົ້ນຄວ້າ,ວິໄຈດ້ານວິຊາການໃນ ວຽກທີ່ຕົນຮັບຜິດຊອບ; 4. ມີຄວາມຊຳນິຊຳນານໃນການຂຽນບົດລາຍງານລະດັບໃດ ໜຶ່ງ; 5. ມີຄວາມຊຳນິຊຳນານໃນອະທິບາຍຢ່າງເປັນເຫດເປັນຜົນ; 6. ມີຄວາມຊຳນິຊຳນານໃນການແກ້ໄຂບັນຫາ.

15. ພາກທີ 3: ຄຸນລັກສະນະຂອງນັກວິຊາການທີ່ດີ (ຕໍ່) 3.4. ຄຸນສົມບັດ ແລະຄວາມຮັບຜິດຊອບ. 1. ເປັນຜູ້ທີ່ມີຄວາມຮອບຮູ້ ແຕ່ໃຫ້ຖະໜອມຖ່ອມຕົນ, 2. ເປັນຜູ້ທີ່ມີຄວາມເຊື່ອໝັ້ນ ແລະເຊື່ອຟັງການຈັດຕັ້ງ ຕະຫຼອດຮອດເພື່ອຮ່ວມງານ; 3. ເປັນຜູ້ທີ່ມີຄວາມເຊື່ອໝັ້ນໃນຕົນເອງສູງ; ແຕ່ບໍ່ເປັນ ຄົນໃນຕົວ ແລະມີແນວທາງການເຮັດວຽກທີ່ມີສ່ວນ ຮ່ວມ; 4. ເບິ່ງໂລກແບບວິທະຍາສາດ,ພາວະວິໄສ ແລະບໍ່ຕາຍຕົວ; 5. ມີຄວາມຮັບຜິດຊອບຕໍ່ໜ້າທີ່ສູງ ແລະສະໝໍ່າສະເໝີ; 6. ມີຄວາມຮັບຜິດຊອບຕໍ່ອົງການຈັດຕັ້ງ; 7. ສັດຊື່ບໍລິສຸດຕໍ່ໜ້າທີ່.

16. ພາກທີ 3: ຄຸນລັກສະນະຂອງນັກວິຊາການທີ່ດີ (ຕໍ່) 3.5. ຄວາມສະຫງວນມັກ. 1. ເປັນທີ່ມັກຄິດ, ມັກອ່ານ, ມັກຂຽນ, ມັກສັງເກດ ແລະ ຕັ້ງ ບັນຫາ; 2. ເປັນຄົນທີ່ມັກຮັກໃນໜ້າທີ່ທີ່ຕົນຮັບຜິດຊອບ; 3. ເປັນຄົນທີ່ມັກ ແລະຮັກການຝຶກຝົນຫຼໍ່ຫຼອມຕົນເອງ; 4. ເປັນຄົນທີ່ມັກ ແລະ ມີອຸດົມການທີ່ສູງສົ່ງຕໍ່ການຈັດຕັ້ງ, ມີຄວາມໃຝ່ຝັນຢາກປັບປຸງພັດທະນາອົງການຈັດຕັ້ງ; 5. ມັກປຸກລະດົມ ແລະຂົນຂວາຍໝູ່ເພື່ອນຮ່ວມງານໃນ ການເຮັດເຮັດເປັນທີມງານ; 6. ເປັນຄົນທີ່ດຸໝັ່ນຂະຫຍັນພຽນ, ມີຄວາມພະຍາຍາມສູງ.

17. ພາກທີ 4: ສະຫລຸບ. ສະຫຼຸບຄວາມວ່າ:ຢາກເປັນພະນັກງານວິຊາການຄົ້ນຄວ້າທີ່ດີໄດ້ຕ້ອງ: 1. ຮູ້ສາຍພົວພັນລະຫວ່າງຄວາມຕ້ອງການຂອງຕົນ ແລະ ຄວາມຕ້ອງການຂອງການຈັດຕັ້ງ; (ຕົ້ນກ້ວຍຄ້ຳໄມ້, ໄມ້ ຄ້ຳກ້ວຍ); 2. ຮູ້ໜ້າທີ່ຂອງຕົນຢ່າງເລິກເຊິ່ງ ແລະ ຄວາມຮັບຜິດຊອບ ຕໍ່ໜ້າທີ່ນັ້ນສູງ; 3. ສາມາດປະຕິບັດໜ້າທີ່ນັ້ນໄດ້ຢ່າງມີປະສິດທິພາບ; 4. ມີປະສົບປະການໃນວຽກງານດີພໍສົມຄວນ; 5. ມີຄຸນສົມບັດທີ່ຖືກຕ້ອງເໝາະສົມ ແລະ ມີຄວາມ ຮັບຜິດຊອບສູງຕໍ່ສິ່ງທີ່ຕົນເຮັດ; 6. ມີຄວາມສະຫງວນມັກໃນວຽກງານທີ່ຕົນຮັບຜິດຊອບ.

18. ຂອບໃຈ ຄະຕິປະຈຳໃຈ 1. ຄຸນຄ່າຂອງຄົນ ວັດແທກທີ່ຜົນຂອງການ ປະຕິບັດໜ້າທີ່ວຽກງານ. 2. ໄລຍະທາງພິສູດມ້າ ການເວລາພິສູດຄົນ.