"Accademia d ''o musc' magnà"

1. "Accademia d ''o musc' magnà" 'Nzalata 'e "Purpo co''e ppatane" Si ringrazia R.Viviani per lo splendido file di accompagnamento Monsù Tina by Aflo

2. Prima di tutto accattamm’ nu purp’ vivo adda essere circa 1 Kg… attenzione chist’ha capito e se ne vo’ fuì

3. Piglia ‘o purpo… acchiappal’ o se ne fuie

4. L’amm’ purtat’ a casa… mò pulezzammece a capa, luvammece ll’uocchie e a vocca… e sciacquammol’ bbuono

5. ‘O purp è pronto, facimm vollere l’acqua int’ a nu pignatiello

6. Calamm’ e aizamm’ ‘o purp int’ all’acqua

7. Fino a che ‘e rranfe s’arricciano… nun me spiate pecchè, nunn’ ‘o ssaccio ma se coce meglio assaie

8. Mo’ lassamm’lo quieto int’a tiella pe’ 20-25 minuti… s’adda cocere ma nunn’ adda essere muollo

9. Si ce mettimmo ‘o cupierchio è meglio

10. Passato ‘o tiempo s’è fatto russ-russ

11. Aspettamm’ ca se fa fridd’ int’ a tiella

12. Aropp’ sculamm’ e mettimmel’ int’a nu piatto

13. Pigliamm’ 3-4 patane ròsse vecchie ammunnammule

14. E mettimmele a scavurà int’ ‘o bbroro do’ purpo

15. Po’ tagliammele e facimmele raffreddà core a core co’ purpo

16. Quanno sò fredde tagliatele a pezzull’…è chiaro pure ‘o purpo… mettitece pure nu poco r’uoglio d’aulive, petrusino, aglio fatt’ picc’rill e 3 o 4 cucchiari ‘e bbroro ‘e purpo

17. E chest’è e si ve pare poco nunn’at’ capito niente… assaggiate e po’ me ricite …e buona fame a tutti sempre alla faccia ‘e chi sapimm’ nuie da monsù Tina e da Aflo