Kū-iok Le̍k-tāi-chì (I) Tē cha̍p-chhit chiuⁿ

1. Pa-khek-lé Siu-tèng-pán Sèng-keng巴克禮修訂版聖經 Kū-iokLe̍k-tāi-chì (I) Tē cha̍p-chhit chiuⁿ 舊約 《歷代志上》 第十七章 I Chronicles

2. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 1 chat 第一節 Tāi-pi̍t tiàm tī i ê kiong-lāi; Tāi-pi̍t tùi sian-ti Ná-tan kóng, Khoàⁿ ah, goá tiàm tī pek-hiuⁿ-chhâ ê kiong-lāi, chóng-sī Iâ-hô-hoa ê iok-kūi tī tiùⁿ-pâng lāi.大衛tiàm tī伊ê宮內； 大衛對先知Ná-tan講，看ah， 我tiàm tī柏香柴ê宮內， 總是耶和華ê約櫃tī帳房內。

3. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 2 chat 第二節 Ná-tan kā Tāi-pi̍t kóng, Kìⁿ-nā tī lí sim-lāi só͘ siūⁿ--ê, thang kiâⁿ i, in-ūi Siōng-tè kap lí tī-teh.Ná-tan kā大衛講， 見若tī你心內所想ê，thang行伊， 因為上帝kap你tī-teh。

4. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 3 chat 第三節 Hit-mî Siōng-tè ê oē lîm-kàu Ná-tan kóng,Hit暝上帝ê話 臨到Ná-tan講，

5. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 4 chat 第四節 Lí khì kā Goá ê lô͘-po̍k Tāi-pi̍t kóng, Iâ-hô-hoa án-ni kóng, Lí boē-tit-thang khí chhù hō͘ Goá tiàm.你去kā我ê奴僕大衛講， 耶和華án-ni講， 你boē得thang起厝hō͘我tiàm。

6. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 5 chat 第五節 In-ūi tùi Goá chhoā Í-sek-lia̍t chiūⁿ-lâi ê ji̍t kàu kin-á-ji̍t, Goá bē-bat khiā-khí chhù-lāi, sī tùi chit ê pò͘-pîⁿ kàu hit ê pò͘-pîⁿ, tùi chit ê tiùⁿ-pâng kàu hit ê tiùⁿ-pâng.因為tùi我chhoā以色列上來ê日 到今á日，我bē-bat khiā起厝內， 是tùi chit-ê布棚到hit-ê布棚， tùi chit-ê帳房到hit-ê帳房。

7. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 6 chat 第六節 Kìⁿ-nā Goá kap Í-sek-lia̍t lâng só͘ kàu ê só͘-chāi, tī Goá só͘ hoan-hù chiàu-kò͘ Goá ê peh-sìⁿ Í-sek-lia̍t ê sū-su tiong, Goá kiám bat tùi in chi̍t-lâng kóng, Lí siáⁿ-sū bô kā Goá khí pek-hiuⁿ-chhâ ê chhù ah?見若我kap以色列人所到ê所在， tī我所吩咐照顧我ê百姓以色列ê 士師中，我kiám bat對in一人講， 你啥事無kā我起柏香柴ê厝ah？

8. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 7 chat 第七節 Taⁿ lí tio̍h khì kā Goá ê lô͘-po̍k Tāi-pi̍t kóng, Bān-kun ê Iâ-hô-hoa án-ni kóng, Goá bat tī iûⁿ-tiâu, tùi lí teh kò͘-iûⁿ lâi tiàu lí, choè Goá ê peh-sìⁿ Í-sek-lia̍t ê jîn-kun.Taⁿ你tio̍h去kā我ê奴僕大衛講， 萬軍ê耶和華án-ni講， 我bat tī羊寮，對你teh顧羊來召你， 做我ê百姓以色列ê人君。

9. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 8 chat 第八節 Kìⁿ-nā lí só͘ bat khì ê só͘-chāi, Goá siông-siông kap lí tī-teh, tī lí ê bīn-chêng châu-bia̍t lí lóng-chóng ê tùi-te̍k; Goá beh hō͘ lí toā chhut-miâ, chhin-chhiūⁿ toē-chiūⁿ chiah ê úi-jîn ê miâ-siaⁿ.見若你所bat去ê所在，我常常 kap你tī-teh，tī你ê面前剿滅你 lóng總ê對敵；我beh hō͘你大出名， 親像地上chiah-ê偉人ê名聲。

10. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 9 chat 第九節 Koh Goá beh kā Goá ê peh-sìⁿ Í-sek-lia̍t tiāⁿ-tio̍h chi̍t ê só͘-chāi, lâi chai-poê in, hō͘ in khiā-khí ka-kī ê só͘-chāi, bô koh chhian-soá; hiong-ok ê lâng iā bô chhin-chhiūⁿ khí-thâu hām-hāi in;Koh我beh kā我ê百姓以色列定tio̍h 一個所在，來栽培in，hō͘ in khiā起 家己ê所在，無koh遷徙；兇惡ê人 也無親像起頭陷害in；

11. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 10 chat 第十節 ia̍h bô chhin-chhiūⁿ Goá bēng-lēng sū-su tī-lí Goá ê peh-sìⁿ Í-sek-lia̍t ê sî chi̍t-iūⁿ; Goá beh hō͘ lí ê tùi-te̍k lóng hâng-ho̍k. Koh goá kā lí kóng, Iâ-hô-hoa beh kā lí kiàn-li̍p chi̍t ê ke.亦無親像我命令士師治理 我ê百姓以色列ê時一樣；我beh hō͘你ê對敵lóng降服。Koh我kā你 講，耶和華beh kā你建立一個家。

12. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 11 chat 第十一節 Kàu lí ê ji̍t-chí moá-chiok, tò-khì lí ê lia̍t-chó͘ hia, Goá beh hō͘ lí ê hō͘-è soà-chiap lí ê ūi; Goá iā beh kian-kò͘ i ê kok-ūi.到你ê日子滿足， tò去你ê列祖hia， 我beh hō͘你ê後裔續接你ê位； 我也beh堅固伊ê國位。

13. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 12 chat 第十二節 I beh kā Goá khí chhù; Goá beh kian-kò͘ i ê chō-ūi kàu éng-oán.伊beh kā我起厝； 我beh堅固 伊ê座位到永遠。

14. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 13 chat 第十三節 Goá beh choè i ê Pē, i beh choè Goá ê kiáⁿ; Goá bô beh hō͘ Goá ê chû-ài lī-khui i, chhin-chhiūⁿ Goá chêng hō͘ i lī-khui hit ê lí í-chiūⁿ ê ông.我beh做伊ê父，伊beh做我ê kiáⁿ； 我無beh hō͘我ê慈愛離開伊， 親像我前hō͘伊 離開hit-ê你以上ê王。

15. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 14 chat 第十四節 Goá iā beh éng-oán kian-kò͘ i tī Goá ê ke, tī Goá ê kok; i ê chō-ūi iā beh kian-kò͘ kàu éng-oán.我也beh永遠堅固伊 tī我ê家，tī我ê國； 伊ê座位也beh堅固到永遠。

16. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 15 chat 第十五節 Ná-tan chiū chiàu chiah ê oē, chiah ê be̍k-sī, khì kā Tāi-pi̍t kóng.Ná-tan就照chiah-ê話， chiah-ê默示， 去kā大衛講。

17. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 16 chat 第十六節 Tāi-pi̍t ông chiū ji̍p-khì, chē tī Iâ-hô-hoa ê bīn-chêng, kóng, Iâ-hô-hoa Siōng-tè ah, goá sī sím-mi̍h lâng, goá sī sím-mi̍h hō ê ke, Lí chiah chhoā goá kàu chit ê tē-pō͘ ah?大衛王就入去，坐tī耶和華ê 面前，講，耶和華上帝ah， 我是甚麼人，我是甚麼號ê家， 你chiah chhoā我到chit-ê地步ah？

18. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 17 chat 第十七節 Siōng-tè ah, Lí khoàⁿ chit-ê, iáu lia̍h-choè sió-khoá, in-ūi Lí koh lūn-kàu Lí ê lô͘-po̍k ê ke kàu tī kú-tn̂g; Iâ-hô-hoa Siōng-tè ah, Lí khoán-thāi goá chhin-chhiūⁿ chun-kùi ê lâng ê tē-ūi.上帝ah，祢看chit-ê，iáu掠做小khoá， 因為祢koh論到祢ê奴僕ê家到tī久長； 耶和華上帝ah，祢款待我 親像尊貴ê人ê地位。

19. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 18 chat 第十八節 Tāi-pi̍t iáu ū sím-mi̍h oē thang tùi Lí kóng kàu Lí ê lô͘-po̍k só͘ tit-tio̍h ê chun-kùi? in-ūi Lí chai Lí ê lô͘-po̍k.大衛iáu有甚麼話thang對祢 講到祢ê奴僕所得tio̍h ê尊貴？ 因為祢知祢ê奴僕。

20. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 19 chat 第十九節 Iâ-hô-hoa ah, in-ūi Lí ê lô͘-po̍k ê iân-kò͘, koh chiàu Lí ê sim-ì, Lí ū kiâⁿ chit ê toā-sū, koh hián-chhut chiah ê toā-sū.耶和華ah，因為祢ê奴僕ê緣故， koh照祢ê心意，祢有行chit-ê大事， koh顯出chiah-ê大事。

21. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 20 chat 第二十節 Iâ-hô-hoa ah, chiàu goán ê hī-khang só͘ thiaⁿ-kìⁿ--ê, bô chi̍t-ê chhin-chhiūⁿ Lí, Lí í-goā bô pa̍t ê Siōng-tè.耶和華ah， 照阮ê耳孔所聽見ê， 無一個親像祢， 祢以外無別ê上帝。

22. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 21 chat 第二十一節 Toē-chiūⁿ ū toh-lo̍h chi̍t-kok chhin-chhiūⁿ Lí ê peh-sìⁿ Í-sek-lia̍t, chiū-sī Siōng-tè chá-ji̍t khì kiù-sio̍k i choè ka-kī ê peh-sìⁿ, hō͘ Lí tùi ke̍k-toā koh thang kiaⁿ ê sū tit-tio̍h miâ, in-ūi koáⁿ-tio̍k lia̍t-kok lī-khui Lí ê peh-sìⁿ, chiū-sī Lí só͘ kiù-sio̍k chhut Ai-ki̍p--ê, ê bīn-chêng.地上有toh落一國親像祢ê百姓以色列， 就是上帝早日去救贖伊做家己ê百姓， hō͘祢tùi極大koh thang驚ê事得tio̍h名， 因為趕逐列國離開祢ê百姓， 就是祢所救贖出埃及ê，ê面前。

23. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 22 chat 第二十二節 In-ūi Lí hō͘ Lí ê peh-sìⁿ Í-sek-lia̍t choè Lí ê peh-sìⁿ, ti̍t-kàu éng-oán; Iâ-hô-hoa ah, Lí iā choè in ê Siōng-tè.因為祢hō͘你ê百姓以色列 做祢ê百姓，直到永遠； 耶和華ah，祢也做in ê上帝。

24. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 23 chat 第二十三節 Iâ-hô-hoa ah, taⁿ Lí só͘ lūn-kàu Lí ê lô͘-po̍k kap i ê ke ê oē, goān i kian-kò͘ kàu éng-oán; kiû Lí chiàu Lí só͘ kóng lâi kiâⁿ.耶和華ah，taⁿ祢所論到祢ê奴僕 kap伊ê家ê話，願伊堅固到永遠； 求祢照祢所講來行。

25. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 24 chat 第二十四節 Goān Lí ê miâ éng-oán kian-kò͘, siū chun choè-toā, kóng, Bān-kun ê Iâ-hô-hoa sī Í-sek-lia̍t ê Siōng-tè, sī choè Í-sek-lia̍t ê Siōng-tè; Lí ê lô͘-po̍k Tāi-pi̍t ê ke beh tī Lí ê bīn-chêng kian-kò͘.願祢ê名永遠堅固， 受尊做大，講，萬軍ê耶和華是 以色列ê上帝，是做以色列ê上帝； 祢ê奴僕大衛ê家beh tī祢ê面前堅固。

26. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 25 chat 第二十五節 Goá ê Siōng-tè ah, in-ūi Lí ū khé-sī Lí ê lô͘-po̍k chai, Lí beh kā i kiàn-li̍p chi̍t ê ke, só͘-í Lí ê lô͘-po̍k hó-táⁿ tī Lí ê bīn-chêng kî-tó.我ê上帝ah， 因為祢有啟示祢ê奴僕知， 祢beh kā伊建立一個家，所以 祢ê奴僕好膽tī祢ê面前祈禱。

27. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 26 chat 第二十六節 Iâ-hô-hoa ah, chí-ū Lí sī Siōng-tè; Lí ēng chit ê hok-khì èng-ún Lí ê lô͘-po̍k.耶和華ah，只有祢是上帝； 祢用chit-ê福氣 應允祢ê奴僕。

28. Le̍k-tāi-chì (I) 《歷代志上》I ChroniclesTē cha̍p-chhit chiuⁿ 第十七章Tē 27 chat 第二十七節 Taⁿ Lí hoaⁿ-hí sù-hok Lí ê lô͘-po̍k ê ke, hō͘ i éng-oán tī Lí ê bīn-chêng. Iâ-hô-hoa ah, in-ūi Lí í-keng sù-hok, tek-khak éng-oán tit-tio̍h hok-khì.Taⁿ祢歡喜賜福祢ê奴僕ê家， hō͘伊永遠tī祢ê面前。耶和華ah， 因為祢已經賜福， 的確永遠得tio̍h福氣。