『校園鄉土學習角』每週一句激骨話

『校園鄉土學習角』 每週一句激骨話 97年度台南市復興國小音標：施明勝老師製表：劉淑姿老師

一空掠雙隻 → 好空 • Tsi̍t khang lia̍h siang tsiah → hó-khang.

一粒田螺煮九碗湯 → 無味 • Tsi̍t lia̍p tshân-lê tsú káu uánn thng → bô-bī.

一盤魚脯仔 → 全全頭 • Tsi̍t puânn hî-póo-á → tsuân-tsuân thâu.

二十兩 → 近視，（斤四）引申近視 • Jī-tsa̍p niú → kīn-sī.

十二月天睏厝頂 → 凍霜 • Tsa̍p-jī gue̍h thinn khùn tshù-tíng → tàng-sng.

乞食揹葫蘆 → 假仙 • Khit-tsia̍h phāinn hôo-lôo → ké-sian.

火車坐到基隆 → 盡磅 • Hué-tshia tsē kàu Ke-lâng → tsīn-pōng.

火燒豬頭 → 面熟面熟 • Hué sio ti-thâu → bīn-si̍k bīn-si̍k.

北港媽祖 → 興外庄 • Pak-káng Má-tsóo → hing guā tsng.

半暝仔記數 → 暗算 • Puànn-mê-á kì-siàu → àm-sǹg/suàn

半暝看日頭 → 猶早咧 • Puànn-mê khuànn ji̍t-thâu → iáu tsá--leh.

田螺含水過冬 → 等時機 • Tshân-lê kâm tsuí kuè tang → tán sî-ki.

肉包仔拍狗 → 有去無回 • Bah-pau-á phah káu → ū khì bô huê.

西北雨 → 大落 • Sai-pak-hōo → tuā lo̍h.

囡仔穿大人衫 → 大軀（su）；大輸 • Gín-á tshīng tuā-lâng sann → tuā su.

狗吠火車 → 無路用 • Káu puī hué-tshia → bô-lōo-īng

阿里山坐火車 → 碰壁 （指盡磅） • A-lí-san tsē hué-tshia → pōng-piah.

土地公毋驚風颱 → 老神在在 • Thóo-tī-kong m̄ kiann hong-thai → lāu-sîn-tsāi-tsāi.

恩主公啉燒酒 → 看袂出來 • Un-tsú-kong lim sio-tsiú → khuànn-bē-tshut--lâi.

菩薩著賊偷 → 失神 • Phôo-sat tio̍h-tsha̍t-thau → sit-sîn.

『 校 園 鄉 土 學 習 角 』 每 週 一 句 激 骨 話