It-Tromba

1. It-Tromba Carmel G. Cauchi Poeżiji li ma jmutu qatt - Minn Id-Denfil tal-5 Sena, 1974 Nieħdu pjaċir nitgħallmu l-Malti bil-poeżiji

2. Taf tgħidli x’inhi tromba?” Ġakkin staqsa lill-papà, “għax din biċċa mill-homework li lilna l-għalliem ta.” “Ħafifa,” il-papà wieġbu. “U int tafha, imma nsejt. It-tromba tkun bħal kamra Fit-taraġ, fejn il-bejt.”

3. In-nannu ndaħal, “Jiena bla skola u ’njorant, ’ma dejjem ħsibt li tromba hi mnieħer l-iljunfant.” “U le,” qabżet in-nanna hekk kif magħhom ħaditha. “It-tromba tkun l-għonq għoli taż-żarbun goff tax-xita.”

4. U hekk dwar x’inhi tromba tilwima sħiħa bdiet li damet sa flgħaxija, sa xħin waslu z-zijiet. Staqsew liz-ziju u qallhom Li t-tromba ddoqq bl-infiħ, Li hi strument tal-banda, Li ddoqq tassew sabiħ.

5. “U mur!” merietu z-zija. “It-tromba ħerba ġġib; tkun riefnu jdur u jagħqad u tiknes kulma ssib.” U żdiedet it-tilwima dwar x’tista’ tromba tkun, kulħadd jgħajjat u jisħon, kulħadd irid raġun.

6. “Ftakart,” imbagħad qalilhom Ġakkin jibża’ u jirtogħod, “ftakart x’inhija tromba: Strument biex tara ’l bogħod!”

7. It-Tromba ta’ Carmel G. Cauchi Staqsew liz-ziju u qallhom Li t-tromba ddoqq bl-infiħ, Li hi strument tal-banda, Li ddoqq tassew sabiħ. Taf tgħidli x’inhi tromba?” Ġakkin staqsa lill-papà, “għax din biċċa mill-homework li lilna l-għalliem ta.” “Ħafifa,” il-papà wieġbu. “U int tafha, imma nsejt. It-tromba tkun bħal kamra Fit-taraġ, fejn il-bejt.” “U mur!” merietu z-zija. “It-tromba ħerba ġġib; tkun riefnu jdur u jagħqad u tiknes kulma ssib.” In-nannu ndaħal, “Jiena bla skola u ’njorant, ’ma dejjem ħsibt li tromba hi mnieħer l-iljunfant.” U żdiedet it-tilwima dwar x’tista’ tromba tkun, kulħadd jgħajjat u jisħon, kulħadd irid raġun. U hekk dwar x’inhi tromba tilwima sħiħa bdiet li damet sa flgħaxija, sa xħin waslu z-zijiet. “Ftakart,” imbagħad qalilhom Ġakkin jibża’ u jirtogħod, “ftakart x’inhija tromba: Strument biex tara ’l bogħod!” http://malti.skola.edu.mt

8. Saħħa! http://malti.skola.edu.mt