值 tit 咱學 ê 台灣俗語

值tit咱學ê台灣俗語 彰化縣東興國小楊碧蓮 961025

（話頭） 1.俗語就是俗諺。（台語俗諺精采無比，是台灣文化ê結晶）

2.民間流傳ê固定語句，用簡單通俗ê話，反映出深刻ê道理。2.民間流傳ê固定語句，用簡單通俗ê話，反映出深刻ê道理。

3.自古早流傳--落-來，有啟發性ê話語。

4.俗語是一個族群生活經驗ê智慧，mä是一個族群ê風土民情及思想信仰ê縮影，反應一個族群ê特性。4.俗語是一個族群生活經驗ê智慧，mä是一個族群ê風土民情及思想信仰ê縮影，反應一個族群ê特性。

5.俗語原則上用白話音來講；大部分押韻。

ㄧ、教人有孝（孝順）序大人 1.手中抱孩兒，才(tsiah)知父母時。

2.父母疼囝長流 水，囝惜(想）父母樹尾風。

3.在生一粒豆， 卡贏死了拜豬頭。 4.在生食四兩，卡贏死了拜豬羊。

5.父母恩， 長流水。

6.生ê囥(kh¢g) 一邊，養ê恩情卡大天。

7.手摸箸籠， 才知頭重。

8.一塊紅紅， 顧甲變大人。

9.飼子無論飯，飼父母算頓。 10.飼子是義務，食子看新婦。

11.毋是屎， 就是尿；毋是吼(háu)，就是笑。

二、教人惜福、感恩 1.食米飯拜田頭，食果子拜樹頭！

2.紅柿好食， 叨位起蒂？

3.食人一口， 還人一斗。

4.米飯一粒著 拾(khioh)起，拍損五穀雷摃(kòng)死！

5.一粒米， 百粒汗。

6.食米， 毋知影米價。

三、勸人毋通（袂使）跋繳 1.韓信欲死（háu)三聲，繳著愛乎戇ê贏。

2.僥倖錢， 失德了；冤枉錢，跋輸繳！（流汗錢，開袂了！）

3.繳龜攄(lu)， 趁錢袂赴輸。

4.一繳二婊， 傢伙開了了！

5.貪字貧字殼， 賭字貧字心。

6.嫁著跋繳翁， 米甕仔不時弄叮噹！

7.十跋九輸。

四、勸人重視童蒙教育（幼稚教育） 1.三歲雕皮，五歲刻骨。

2. 細漢無雕， 大漢歹矯（tshiâu）。 3. 細漢無ut，大漢ut-büe-曲（khut)。

4. 細漢偷挽匏， 大漢偷牽牛。

5.少年袂曉想， 食老毋成樣。

6.是毋是， 罵家己。

7.承(s„ng)錢 會富，承(s„ng)囝賣厝。

8.也著箠， 也著糜。

9.承(s„ng)豬 夯(giãh)灶，承囝不孝，承雞仔鳥跳灶頭，承查某囝袂落人家教。

10.玉不琢， 不成器；人不學，不知義。

11.捷罵毋驚， 捷拍袂疼。 12.嚴官府，出厚賊；嚴父母，出阿里不達。

13.曲館邊 ê豬母，會曉拍拍 (phah-phik)。

14.頂厝ê人教囝， 下厝ê人囝乖。

15.大人peh牆， 囝仔學樣。（大隻狗盤牆，細隻狗看樣）

16.先生無佇館， 學生起海反。

17.錢銀數萬千， 毋值囝孫出人前。

18.葉無修剪毋成欉， 囝無教示毋成人。

19.三日無念嘴頭生（tshinn）， 三日無寫手頭硬（ng„ ）。

20.三日無liü， 就會peh上樹。

21.好田地， 不如好子弟。

22.學好三年， 學歹（phái）三對時。

五、勸人自立自強，對家己愛有信心 1.家己栽一叢，卡贏看別人。

2.一枝草， 一點露。 3.一個人，九葩尾。

值 tit 咱 學 ê 台灣俗 語