Biux Mengh Waac – Introduction Naaiv zaang Singx Nzung Sou se Aa^saapc fiev weic dorh mienh

1. Life Principle 13: Muangx Tin-Hungh nyei waac se longc jienv haic nyei jauv, se hnangv mbuo caux Tin-Hungh yangh jauv nor (Singx Nzung 81:8). Listening to God is essential to walking with God( Psalm 81:8). www.sunnysidechurchofchrist.com

2. Ging-Sou: Singx Nzung 81:8 “O yie nyei baeqc fingx aah! Muangx yie kuinx meih mbuo maah! O I^saa^laa^en Mienh aah! Feix duqv meih mbuo muangx yie gorngv nyei waac.” “Listen to me, O my people, while I give you stern warnings. O Israel, if you would only listen!

3. Biux Mengh Waac – Introduction Naaiv zaang Singx Nzung Sou se Aa^saapc fiev weic dorh mienh cengx baaix Tin-Hungh nyei nzung. Naaiv diuh nzung se njaaux taux i nyungc jauv: (1) se njaaux mienh ceng Tin-Hungh, taaih Tin-Hungh nyei jauv, (2) se njaaux mienh oix zuqc muangx Tin-Hungh nyei waac.

4. Naaiv zaang Ging-Sou njaaux nyei jauv se maaih hnangv naaiv: (1)Longc qaqv longc lorh nzoz longc daanh baah nyei jauv ceng Tin-Hungh (ys.1- 4). • Tin-Hungh tengx ninh nyei mienh fai baeqc fingx mborqv jaax (ys.5-6). (3) Dongh mbuo buangh zuqc naanc zingh nyei ziangh hoc, mbuo tov Ziouv ninh yaac oix dau mbuo nyei daux gaux waac tengx mbuo (ys.7).

5. Oix zuqc muangx Tin-Hungh nyei waac caux leiz (ys. 8-9). (5) Ziouv dongh ziux goux mbuo wuov Dauh (ys.10-11). • Maiv muangx Ziouv nyei waac wuov Deix oix zuqc dingc zuiz (ys. 12-16).

6. I. Muangx Tin-Hungh Nyei Waac Listening To God’s Word 1. Muangx Tin-Hungh nyei waac ziouc maiv zuqc dingh zuiz – Listening to God our lives will be spared Yo^su^waa 7:6-13:“Yo^su^waa caux I^saa^laa^en Mienh nyei zuangx mienh gox nzauh haic, ziouc betv ninh mbuo nyei lui, puoqv njiec Ziouv nyei Laengz Ngaengc Waac Faang nza'hmien maengx yiem taux lungh maanz-hmuangx. Ninh mbuo aengx zorqv nie-mbung hiaamx jienv ganh nyei m'nqorngv.

7. 7 Yo^su^waa naaic Ziouv, “O Ziouv Tin-Hungh aah! Weic haaix diuc dorh naaiv deix baeqc fingx jiex naaiv bung Jor^ndaen Ndaaih daaih? Weic zorqv yie mbuo jiu bun yiem Aa^mo^lai Mienh nyei buoz-ndiev zuqc mietc fai? Feix duqv yie mbuo buangv eix yiem wuov bung Jor^ndaen Ndaaih. 8 Ziouv aah! Yie oix zuqc hnangv haaix nor gorngv weic zuqc I^saa^laa^en Mienh ih zanc zuqc ninh mbuo nyei win-wangv zunc biaux.

8. 9 Kaa^naa^an Mienh caux naaiv norm deic-bung yietc zungv nyei baeqc fingx duqv haiz naaiv deix fienx, ninh mbuo oix daaih weih jienv daix nzengc yie mbuo. Wuov zanc meih oix hnangv haaix nor zoux weic beu jienv meih hlo haic nyei mengh?” 10 Ziouv gorngv mbuox Yo^su^waa, “Souv jiez sin daaih maah! Meih weic haaix diuc puoqv njiec taux ndau mingh?

9. 11 I^saa^laa^en Mienh baamz zuiz mi'aqv. Ninh mbuo ngaengc yie caux ninh mbuo laengz jiex nyei ngaengc waac, dongh yie hatc ninh mbuo ei jienv zoux. Ninh mbuo nzepv cuotv oix zuqc fungx dangx bun yie nyei ga'naaiv. Ninh mbuo nimc, ninh mbuo gorngv-baeqc yaac zorqv wuov deix ga'naaiv dorh mingh caux ninh mbuo ganh nyei ga'naaiv siou.

10. 12 Weic naaiv I^saa^laa^en Mienh cingx daaih maiv haih mborqv maiv hingh ninh mbuo nyei win-wangv. Ninh mbuo oix zuqc daaux nqaang biaux weic ninh mbuo benx zuqc mietc nyei ga'naaiv mi'aqv. Yiem naaiv mingh yie maiv caux meih mbuo yiem aqv, cuotv liuz meih mbuo mietc nzengc dongh fungx dangx bun yie wuov deix ga'naaiv. 13 “Mingh aqv! Mingh tengx baeqc fingx saax nzengc uix.

11. 2. Mbuo Oix zuqc muangx Tin-Hungh nyei waac – We must listen to God’s Word Nzamc Leiz-Latc 27:9-10: “Mose caux Lewi Sai-Mienh gorngv mbuox I^saa^laa^en nyei zuangx mienh, “O I^saa^laa^en Mienh aac, oix zuqc sekv-sekv nyei muangx longx. Ih hnoi meih mbuo benx Ziouv, meih mbuo nyei Tin-Hungh, nyei baeqc fingx. Weic naaiv meih mbuo oix zuqc muangx Ziouv, meih mbuo nyei Tin-Hungh, nyei waac yaac ei jienv ninh nyei leiz-latc caux lingc, dongh yie ih hnoi jiu bun meih mbuo nyei leiz.”

12. 3. Muangx fai haiz, oix zuqc ei jienv zoux Yaagorpc 1: 22-25: “Maiv dungx nduov ganh laaic haiz liuz doz ziouc gaux aqv. Daaux nzuonx oix zuqc ei jienv zoux. 23 Haaix dauh haiz liuz doz yaac maiv ei jienv zoux, se hnangv dauh mienh longc gingx mangc ninh ganh nyei hmien.

13. 24 Mangc liuz, ziouc mingh mi'aqv. Yaac liemh zeih la'kuqv nzengc ninh ganh nyei hmien-mueic hnangv haaix nor. 25 Tin-Hungh dunh yunh nyei leiz-latc bun mienh duqv zoux bungx nqoi nyei mienh. Haaix dauh zaah mangc, yaac zanc-zanc zaah jienv, maiv la'kuqv ninh haiz nyei leiz, haiz liuz ziouc ei jienv zoux, wuov nyungc mienh yiem ninh zoux nyei sic ziouc duqv orn-lorqc.”

14. 4. Muangx haiz oix zuqc ei jienv zoux Laauc Yaangh 1:3:“Doqc naaiv buonv sou nyei mienh maaih orn-lorqc aqv. Muangx haiz naaiv deix douc daaih nyei waac yaac ei jienv zoux nyei mienh yaac maaih orn-lorqc, weic zuqc naaiv deix sic oix cuotv nyei ziangh hoc taux fatv aqv.”

15. II. Ging-Sou Dau Maengc Naaic Nyei Waac Bible Answers to Life’s Questions 1. Yie hnangv haaix nor haih hiuv duqv gorngv naaic se Tin-Hungh nyei qiex maiv zeiz gauh nyungc ga’naaiv nyei qiex? 1 Saa^mu^en 3:19-20: “Saa^mu^en hlo jienv faaux, Ziouv yaac caux ninh yiem, bun ninh gorngv nyei joux-joux waac maiv bungx ndortv. 20 Yiem Ndaan mingh taux Mbe^e^qe^mbaa, I^saa^laa^en nyei zuangx mienh hiuv duqv Ziouv liepc Saa^mu^en zoux ninh nyei douc waac mienh.”

16. 2. Yie hnangv haaix nor ceix yie benx dauh muangx Tin-Hungh nyei waac nyei mienh? 1 Hungh Douh 19:11–13: “Ziouv gorngv, “Cuotv mingh yiem mbong gu'nguaaic souv jienv yie nyei nza'hmien.” Ziouv ziouc jiex ninh nyei nza'hmien. Maaih henv haic nyei domh nziaaux buonc daaih bun mbong yiem Ziouv nyei nza'hmien mbaang, la'bieiv yaac mbaaix. Mv baac Ziouv maiv yiem nziaaux. Nziaaux baac, ndau ziouc dongz, mv baac Ziouv maiv yiem ndau-dongz gu'nyuoz.

17. 12 Ndau dongz baac, aengx maaih douz, mv baac Ziouv maiv yiem douz. Douz jiex liuz, maaih qiex faix nyei, suonc nyei. 13 E^li^yaa muangx haiz naaiv deix qiex ziouc zorqv ninh nyei lui-ndaauv buang jienv hmien, cuotv daaih souv jienv kuotv-ndaangc. Maaih qiex caux ninh gorngv, “E^li^yaa aac, meih zoux haaix nyungc yiem naaiv?”

18. 3. Yie oix zuqc hnangv haaix nor zoux cingx daaih duqv haiz Tin-Hungh nyei qiex? 2 Hungh Douh 7:1: “Mv baac E^li^saa gorngv, “Meih mbuo muangx Ziouv nyei waac maah! Ziouv hnangv naaiv nor gorngv, ‘Njang hnoi leih maiv go naaiv norm ziangh hoc, yiem Saa^maa^lie nyei zingh gaengh, siec morqv mbuonv maaic duqv nyic zinh lengh nyaanh. Ziepc hmz morqv mbiauh mbaali yaac maaic duqv nyic zinh lengh nyaanh.”

19. 4. Yie oix zuqc hnangv haaix nor zoux? Yaagorpc 4:8: “Oix zuqc mingh nitv jienv Tin-Hungh, Tin-Hungh ziouc daaih nitv jienv meih mbuo. Zuiz-mienh aah! Oix zuqc nzaaux nzengc buoz. I diuc hnyouv nyei mienh aah! Oix zuqc nzaaux meih mbuo nyei hnyouv cing-nzengc daaih.”

20. “Yie nyei zaux-mbiec kungx gan meih nyei jauv mingh hnangv, yie nyei zaux yaac maiv caaiv piatv” Singx Nzung 17:5 “Ziouv liepc wuonv mienh yangh nyei jauv-caaiv. Ninh yaac a’hneiv wuov dauh yangh nyei jauv” Singx Nzung 37:23

21. III. Maengc Nye Nyungc Zeiv – Life Examples 1. Saa^mu^en nyei nyungc zeiv 1 Saa^mu^en 3:1–10: “Naaiv dauh dorn, Saa^mu^en, yiem Eli nyei nza'hmien fu-sux Ziouv. Wuov jaax lungh ndiev maiv nangc maaih waac yiem Ziouv daaih yaac maiv nangc maaih hinc yaangh nyei jauv. 2 Maaih muonz nor, Eli bueix jienv ninh ganh nyei dorngx. Ninh nyei m'zing mbuov, mangc maiv nangc zien.

22. 3 Tin-Hungh nyei dang maiv gaengh daic. Saa^mu^en bueix jienv Ziouv nyei ndopv-liuh gu'nyuoz, Tin-Hungh nyei Laengz Ngaengc Waac Faang yiem wuov norm dorngx. 4 Ziouv ziouc heuc, “Saa^mu^en aac, Saa^mu^en!” Saa^mu^en dau, “Yie yiem naaiv.” 5 Ninh ziouc tiux mingh taux Eli wuov yaac gorngv, “Meih heuc yie, yie yiem naaiv oc.” Mv baac Eli dau, “Yie maiv heuc meih. Gunv nzuonx mingh bueix aqv.”Ninh ziouc nzuonx mingh bueix jienv.

23. .6 Ziouv aengx heuc, “Saa^mu^en aac.” Saa^mu^en jiez sin daaih mingh Eli wuov aengx gorngv, “Yie yiem naaiv weic zuqc meih heuc yie.” Eli dau, “Yie nyei dorn aac, yie maiv duqv heuc meih. Aengx nzuonx mingh bueix aqv.” 7 Wuov zanc Saa^mu^en maiv gaengh hiuv duqv Ziouv. Ninh yaac maiv gaengh duqv zipv jiex Ziouv nyei waac. 8 Ziouv aengx heuc Saa^mu^en da'faam nzunc. Saa^mu^en aengx jiez sin daaih mingh Eli wuov yaac gorngv, “Yie yiem naaiv weic zuqc meih heuc yie.” Eli ziouc mengh baeqc se Ziouv heuc naaiv dauh dorn.

24. 9 Eli ziouc gorngv mbuox Saa^mu^en, “Gunv mingh bueix aqv. Se gorngv ninh aengx heuc meih, meih oix zuqc gorngv, ‘Ziouv aac, gunv gorngv aqv. Yie, meih nyei bou, muangx jienv nyei.’”Saa^mu^en ziouc nzuonx mingh bueix ninh nyei dorngx. 10 Ziouv daaih souv jienv wuov aengx hnangv zinh ndaangc wuov deix buo nzunc nor heuc, “Saa^mu^en aac, Saa^mu^en!” Saa^mu^en dau, “Gunv gorngv aqv. Yie, meih nyei bou, muangx jienv nyei.”

25. 2. Mbuo qiemx zuqc Tin-Hungh nyei congh mengh Congh Mengh 3:5- 6:“Oix zuqc longc nzengc hnyouv kaux Ziouv, maiv dungx kaux ganh haih mengh baeqc. 6 Yiem meih zoux nyei diuh diuh jauv oix zuqc nyiemc ninh, ninh ziouc dorh meih yangh horpc nyei jauv-louc. Ninh ziouc bun meih yangh nyei jauv-louc yuonh”.

26. 3. Giduc nyei nyungc zeiv Fi^lipv^poi 2: 5-11:“Meih mbuo oix zuqc maaih hnyouv hnangv Giduc Yesu nyei hnyouv. 6 Giduc m'daaih maaih Tin-Hungh nyei fiem-fingx. Ninh caux Tin-Hungh fih hnangv nyei mv baac ninh maiv nzaeng zoux fih hnangv. 7 Daaux nzuonx ninh maaih nyei nyungc-nyungc siev jienv guangc nzengc, zipv nouh nyei fiem-fingx, cuotv seix benx dauh baamh mienh. 8 Za'gengh maaih mienh nyei fangx zeiv. Ninh ganh yaac laengz zoux faix, muangx Tin-Hungh nyei waac taux daic, taux zuqc yiem ziepc nzaangc jaax daic.

27. 9 Weic naaiv Tin-Hungh taaih ninh zoux gauh hlo jiex, yaac bun ninh maaih mbuox gauh hlang jiex maanc mbuox nyei mbuox. 10 Hnangv naaiv, weic taaih Yesu nyei mbuox, yiem tin-dorngh, yiem yaangh gen, caux yiem yiemh gen nyei yietc zungv oix zuqc gueic njiec baaix. 11 Dauh dauh oix nyiemc Yesu Giduc zoux Ziouv, ziouc taaih Zaangc Diex Tin-Hungh.

28. Setv Mueiz Waac – Conclusion 1. Ih hnoi nyei Ging-Sou njaaux taux mbuo oix zuqc muangx Tin-Hungh nyei waac. Muangx waac nyei eix-leiz se Tin-Hungh oix mbuo zoux nyei mbuo ei jienv zoux, maiv camv yaac maiv zoqc, yietc mou yietc setv dongh Tin-Hungh mbuox mbuo zoux nyei jauv.

29. 2. Maiv muangx waac nyei jauv se dongh Tin-Hungh maiv oix mbuo zoux nyei jauv mbuo mingh zoux wuov nyungc. Dongh Tin-Hungh heuc mbuo zoux nyei mbuo maiv zoux nyei jauv, se benx mbuo maiv muangx Tin-Hungh nyei waac.