Lá spraoi san Ardchathair

1. Lá spraoi san Ardchathair www.isfeidirleat.ie

2. Pictiúr a hAon www.isfeidirleat.ie

3. Abairtí simplí do Phictiúr a hAon • Bhí na daoine anseo ag Aerfort Bhaile Átha Cliath. • Bhí an triúr ag cur fáilte roimh an Spáinneach darb ainm Ana. • Bhí áthas an domhain ar gach duine mar bhí siad ag smaoineamh ar an lá sa chathair. www.isfeidirleat.ie

4. Forbairt foclóra ar Phictiúr a hAon • Bhí sé déanach san oíche nuair a shiúil Ana isteach trí na doirse slándála in Aerfort Bhaile Átha Cliath. • Bhí sí tagtha ar deireadh thiar thall. • Seans go raibh an triúr a bhí ann a rá ‘Is fearr déanach ná choíche’ • Bhí chuile dhuine ríméadach agus bhí an bheirt chailín, Ana agus Caitríona, ag tnúth go mór leis an lá mór san Ardchathair. www.isfeidirleat.ie

5. Pictiúr a Dó www.isfeidirleat.ie

6. Abairtí simplí do Phictiúr a Dó • Bhí Caitríona agus Ana ar thuras bus ar fud na cathrach. • Bhí siad ina suí ar an dara hurlár de bhus dúbailte. • Bhí siad ag dul síos Sráid Uí Chonaill. Bhí an spíce agus Ardoifig an Phoist le feiceáil sa chúlra. www.isfeidirleat.ie

7. Forbairt Foclóra ar Phictiúr a Dó. • Lá breá tirim a bhí ann agus bhí Caitríona agus Ana ag dul timpeall na cathrach ar thuras bus. • Bhí siad ag baint taitnimh as na radhairc agus as an atmaisféar. • Bhí an iliomad struchtúr nua-aoiseach agus foirgneamh seanaimseartha le feiceáil ar Shráid Uí Chonaill. • Tóg mar shampla Ardoifig an Phoist agus an spíce. • Tógadh go leor grianghraif de na radhairc stairiúla. www.isfeidirleat.ie

8. Pictiúr a Trí www.isfeidirleat.ie

9. Abairtí simplí do Phictiúr a Trí • Chuaigh siad go dtí Coláiste na Tríonóide. • Thóg siad turas timpeall an choláiste. Bhí an leabhar Cheanannais agus an leabharlann le feiceáil ann. • D’ith siad sa bhialann. www.isfeidirleat.ie

10. Forbairt Foclóra ar Phictiúr a Trí • Bhí slua mór sa phictiúr seo ag siúl timpeall Choláiste na Tríonóide. • Is dócha go raibh siad ag iarraidh cuairt a thabhairt ar an Leabhar Cheanannais agus ar an Leabharlann Fhada. • Tá clú agus cáil ar an Leabhar Cheanannais ar fud an domhain. • Bhí Ana stiúgtha leis an ocras i ndiaidh na leabharlainne agus ba í sin an chúis a ndeachaigh siad isteach sa bhialann. www.isfeidirleat.ie

11. Pictiúr a Ceathair www.isfeidirleat.ie

12. Abairtí simplí do Phictiúr a Ceathair • Thug an bheirt acu cuairt ar Mhúsaem Pháirc an Chrócaigh. Chonaic siad a lán staire ann. • Ina dhiaidh sin chuaigh siad go dtí an Staid Aviva. Ansin, ar aghaidh leo go dtí Gairdín na nAinmhithe. • Tar éis é sin chuaigh siad ar aghaidh go dtí Caisleán Bhaile Átha Cliath. www.isfeidirleat.ie

13. Forbairt Foclóra ar Phictiúr a Ceathair. • Thug an bheirt acu cuairt ar Mhúsaem Pháirc an Chrócaigh. Bhí an áit lán le stair shuimiúil, spéisiúil an Chumainn Lúthchleas Gael. • Ar aghaidh leo ansin go dtí an Staid Aviva. Ba staid nua í a bhí díreach nuathógtha le háiseanna den chéad scoth. • Shiúil siad timpeall Ghairdín na nAinmhithe ina dhiaidh sin. Bhí bláthanna agus plandaí de gach saghas le feiceáil. • Ansin stop siad ag Ardeaglais Naomh Phádraig. www.isfeidirleat.ie

14. Pictiúr a Cúig www.isfeidirleat.ie

15. Abairtí simplí do Phictiúr a Cúig • Stop an bheirt bhan ag bialann darb ainm Burkes agus d’ith siad béile deas. • Bhí ocras agus tuirse orthu faoin am seo. Bhain siad taitneamh as a scíth a ligean. • I ndiaidh an bhéile lean siad ar aghaidh ag siopadóireacht ar Shráid Ghrafton. www.isfeidirleat.ie

16. Forbairt Foclóra ar Phictiúr a Cúig • Bhí an bheirt bhan mharbh ar a gcosa agus spíonta amach nuair a shroich siad an bhialann. • Bhain siad an-taitneamh as an seans a scíth a ligean agus béile deas a bheith acu. • Bhí siad stiúgtha leis an ocras agus mar a deir an seanfhocal ‘is maith an t-anlann an t-ocras’. • Leanadh ar aghaidh leis an tsiopadóireacht i ndiaidh an bhéile ar Shráid Ghrafton. • Bhí siad millte leis an rogha fhairsing siopaí a bhí ar an tsráid sin. www.isfeidirleat.ie

17. Pictiúr a Sé www.isfeidirleat.ie

18. Abairtí simplí do Phictiúr a Sé • Bhí sé a cúig chun a hocht nuair a shroich na cailíní Amharclann na Mainistreach. • Bhí The Field le John B Keane ag tosú ar a hocht a chlog. • Cheannaigh siad na ticéid ag an Deasc Ticéad agus d’fhág siad na cótaí i Seomra na gCótaí. www.isfeidirleat.ie

19. Forbairt Foclóra ar Phictiúr a Sé • Cuireadh deireadh leis an lá le cuairt a thabhairt ar Amharclann na Mainistreach. • Bhí sé cúig chun a hocht agus chuile sheans go raibh an dráma The Field le John B Keane le bheith ag tosú ar a hocht a chlog. • Ceannaíodh na ticéid ag an Deasc Ticéad agus fágadh na cótaí i Seomra na gCótaí. • Ba dheireadh síochánta suaimhneach é do lá scléipeach gníomhach. www.isfeidirleat.ie

20. Ceisteanna www.isfeidirleat.ie

21. Ceisteanna Samplacha • Meas tú cén chaoi a raibh Ana ag mothú nuair a tháinig sí tríd an doras ag an aerfort i bPictiúr a hAon? • Céard a bhí le feiceáil ar chúl Phictiúir a Dó? • Ainmnigh an dá staid ar thug siad cuairt orthu i bPictiúr a Ceathair? • Meas tú an raibh siad ag baint taitnimh as an mbéile i bPictiúr a Cúig? Cén fáth? • Céard a bhí ar siúl san Amharclann i bPictiúr a Sé? • Céard a bhí scríofa ar an dá chomhartha a bhí ar dheis i bPictiúr a Sé? www.isfeidirleat.ie