Skólareglur

1. Skólareglur Reglur um umgengni, hegðun, ástundun og hvað er gert þegar reglurnar eru brotnar.

2. 1. Umgengni • Nemendum ber að ganga vel um húsnæði skólans og lóð. Þeim ber að fleygja öllu rusli í þar til gerð ílát hvort sem er inni í skólanum eða á lóð hans.

3. 2. Reykingar • Reykingar eru óheimilar í húsnæði skólans og á lóð hans. Það sama á við um tóbaksnotkun af öðru tagi.

4. 3. Meðferð áfengis og fíkniefna • Neysla og meðferð áfengis og annarra vímuefna er óheimil í skólanum og innan vébanda hans að öðru leyti. Þar með eru taldir viðburðir á vegum nemenda sem fara fram annars staðar og ferðalög í nafni skólans.

5. 4. Meðferð á eigum skólans • Nemendum ber að fara vel með þá muni sem þeir fá að láni í tengslum við kennslu eða aðra starfsemi í skólanum. Slíkt lán á að vera með vitund og samþykki kennara eða annarra starfsmanna þegar það á við. Öllum hlutum ber að skila í sama ástandi innan tiltekins tíma.

6. 4. Meðferð á eigum skólans • Eiga slík lán við um hluti á borð við: • - tölvur og annan búnað tölvustofu • - verkfæri og annan búnað af verkstæðum skólans • - kennslutæki af öðru tagi, eins og segulbandstæki, sjónvörp, myndbandstæki • - bækur af bókasafni • - annað, t.d. lykla • Að taka hluti ófrjálsri hendi, hvort sem er úr eigu skólans, starfsmanna hans ellegar nemenda, er þjófnaður sem kann að verða kærður til lögreglu.

7. 5. Hegðun í tímum og á öðrum vettvangi innan vébanda skólans • Truflun í kennslustundum af hvaða tagi sem er (tala saman, sinna ekki fyrirmælum kennara, notkun farsíma o.s.frv.) er með öllu óviðunandi. Ber nemanda að taka tillit til annarra í þeim efnum og gæta þess að hann valdi ekki ónæði.

8. 5. Hegðun í tímum og á öðrum vettvangi innan vébanda skólans • Kennari hefur fulla heimild til þess að taka á slíkum málum. Ef nemandi tekur ekki tillit til athugasemda kennara um slíka hegðun er kennara heimilt að vísa honum úr tíma. • Við endurtekin brot og ef brot telst af einhverjum ástæðum alvarlegt, ber kennara að vísa nemanda til skólameistara eða aðstoðarskólameistara sé sá fyrrnefndi ekki viðlátinn.

9. 6. Ástundun • Þegar nemandi staðfestir umsókn sína um skólavist hefur hann jafnframt samþykkt að fara að þeim reglum sem í skólanum gilda og að leitast við að uppfylla þær kröfur sem skólinn gerir til hans um námið.

10. 6. Ástundun • Ber nemendum því að stunda námið af samviskusemi. Í því felst m.a. að þeir taki þátt í tímum og fylgist með, komi undirbúnir í kennslustundir og vinni og skili verkefnum á tilsettum tíma. Ef í ljós kemur að nemandi stundar ekki námið í einstökum áföngum sem skyldi á hann á hættu að missa próftökurétt sinn.

11. 7. Tölvur • Um notkun nemenda á tölvubúnaði gilda reglur sem gefnar eru út sérstaklega og eru nemendum aðgengilegar. Viðurlög við brotum á þeim eru þau sömu og að neðan greinir um brot af öðru tagi.

12. 8. Neysla matar og drykkjar • Neysla matar og drykkjar í kennslustofum er óheimil nema sérstaklega hafi verið verið samið um slíkt við kennara.

13. 9. Viðurlög • Kennarar og aðrir starfsmenn skólans hafa fullt umboð til þess að tilkynna brot til skólameistara. Verða á þeim vettvangi ákveðin frekari viðurlög.

14. 9. Viðurlög • Ítrekuð brot og þau sem talist geta alvarleg, hvort sem er í tengslum við umgengni, meðferð á eigum skólans eða agabrot í kennslustundum eða annars staðar innan vébanda skólans, geta varðað brottvikningu. Sé málið talið það alvarlegt er fjallað um það á vettvangi skólaráðs áður en endanleg ákvörðun um viðurlög er tekin.

15. 9. Viðurlög • Sé um að ræða brot á borð við eiturlyfjaneyslu, sölu eða dreifingu á slíkum efnum, þjófnað eða innbrot, hvort sem er inn í hús og hirslur skólans ellegar tölvubúnað hans, er mál kært til lögreglu.Skólameistari