Galw a Chyflenwad Galw

1. Galw a ChyflenwadGalw Cromlin galw’r farchnad Mae’r galw am nwydd neu wasanaeth penodol yn cynrychioli faint y bydd pobl yn fodlon ei brynu am wahanol brisiau. Dangosir galw yn graffigol fel cromlin sy’n goleddu i lawr gyda phris ar yr echelin fertigol a maint ar yr echelin lorweddol.

2. Yn gyffredinol mae’r berthynas rhwng pris a maint yn negyddol. Hynny yw, po uchaf yw’r pris, isaf i gyd fydd maint y galw; po isaf yw’r pris, uchaf i gyd fydd maint y galw. Cromlin galw’r farchnad

3. Cyflenwad Mae cyflenwad y farchnad neu gyfanswm y cyflenwad yn cynrychioli’r meintiau y bydd cynhyrchwyr yn fodlon eu gwerthu dros ystod o brisiau dros unrhyw gyfnod penodol. Cyfanswm y cyflenwad yw cyfanswm y meintiau unigol o’r cynnyrch y bydd pob cynhyrchydd yn eu rhoi ar y farchnad. Cromlin cyflenwad y farchnad

4. Cromlin cyflenwad y farchnad Yn y rhan fwyaf o achosion bydd cynnydd yn y pris yn achosi i gynhyrchwyr ddymuno cynyddu maint y cynnyrch y byddant yn ei roi ar y farchnad, felly mae’r berthynas rhwng y pris a maint y cyflenwad yn bositif.

5. Pris Cytbwys Cydbwysedd y farchnad Os plotiwn y cromliniau galw a chyflenwad, yna lle byddan nhw’n croestorri gwelwn gydbwysedd y farchnad. Mae’r cydbwysedd hwn yn dangos pris y farchnad a maint y cyflenwad i’r farchnad.

6. Symudiadau Cromliniau Galw a Chyflenwad Gall cromliniau galw a chyflenwad symud, hynny yw symud i’r chwith neu i’r dde. Pan fydd cromlin y galw neu gromlin y cyflenwad yn symud, yna am bob pris bydd newid yn y galw neu’r cyflenwad. Cromlin galw’r farchnad yn symud

7. Ffactorau sy’n Symud Cromlin y Galw • Newid yn incwm real defnyddwyr. Gan fod incwm yn cyfyngu ar alw defnyddiwr am nwyddau a gwasanaethau, bydd lefelau uwch o incwm yn caniatáu i’r defnyddiwr brynu mwy o gynhyrchion. Pan fydd hynny’n digwydd bydd cromlin y galw yn symud i’r dde. Pan fydd y gwrthwyneb yn digwydd, gostyngiad mewn incwm real, bydd hynny’n symud cromlin y galw i’r chwith. Pan fydd yr economi’n mynd i mewn i enciliad a bydd mwy o bobl yn ddi-waith, bydd cromlin y galw am lawer o nwyddau a gwasanaethau yn symud i’r chwith.

8. 2. Newid yn y boblogaeth: Bydd cynnydd yn y boblogaeth yn symud cromlin y galw i’r dde. • 3. Dewisiadau defnyddwyr: Os bydd dewisiadau defnyddwyr yn newid o blaid nwydd arbennig, bydd cromlin y galw am y nwydd hwnnw’n symud i’r dde.

9. 4. Prisiau nwyddau cysylltiedig: Os bydd prisiau nwyddau cysylltiedig yn newid, gall cromlin y galw am y nwydd gwreiddiol newid hefyd. Gall nwyddau cysylltiedig fod naill ai’n amnewidion neu’n gyfategolion. • Amnewidyn yw nwydd sy’n gallu cael ei dreulio yn lle un arall. Os bydd pris yr amnewidyn yn codi, bydd cromlin y galw am y nwydd gwreiddiol yn symud i’r dde. • Cyfategolion yw nwyddau sy’n cael eu treulio gyda’i gilydd fel arfer. Os bydd pris cyfategolyn yn cynyddu, bydd cromlin y galw am y nwydd gwreiddiol yn symud i’r chwith. Os bydd pris cyfategolyn yn gostwng, bydd cromlin y galw am y nwydd gwreiddiol yn symud i’r dde. Er enghraifft, os bydd pris cyfrifiaduron yn gostwng, bydd cromlin y galw am feddalwedd gyfrifiadurol yn symud i’r dde.

10. Ffactorau sy’n Symud Cromlin y Cyflenwad • Newid yng nghostau mewnbwn: Bydd cynnydd yng nghostau mewnbwn yn symud cromlin y cyflenwad i’r chwith. Bydd cyflenwr yn cyfuno defnyddiau crai, cyfalaf a llafur i gynhyrchu’r cynnyrch. Os bydd gwneuthurwr dodrefn yn gorfod talu mwy am bren, yna, â phopeth arall yn gyfartal, bydd elw’n gostwng. Oherwydd bod y cyfleoedd elw yn llai atyniadol bydd y cynhyrchydd yn gostwng y cynnyrch. Enghraifft arall yw gwneuthurwr ceir yn gorfod talu costau llafur uwch. Â phopeth arall yn gyfartal, bydd y costau llafur uwch yn lleihau elw. Am bris penodol am gar, efallai y bydd y gwneuthurwr yn gostwng y cynnyrch, gan symud cromlin y cyflenwad i’r chwith. Os bydd costau mewnbwn yn lleihau, bydd cwmnïau’n ymateb drwy gynyddu’r cynnyrch. Efallai y bydd y gwneuthurwr dodrefn yn cynyddu’r cynnyrch os bydd costau pren yn gostwng.

11. 2. Newid ym maint y diwydiant: Os bydd maint diwydiant yn cynyddu, bydd cromlin y cyflenwad yn symud i’r chwith. Wrth i fwy o gwmnïau fynd i mewn i ddiwydiant penodol, bydd y cynnyrch yn cynyddu hyd yn oed â’r pris heb newid. Er enghraifft, cynyddodd y diwydiant bwydydd cyflym yn aruthrol yn ail hanner yr ugeinfed ganrif wrth i fwy a mwy o gadwyni bwydydd cyflym fynd i mewn i’r farchnad. Wrth i faint diwydiant grebachu bydd cromlin y cyflenwad yn symud i’r chwith. Er enghraifft, gostyngodd cyflenwad teipiaduron llaw yn ddramatig yn yr 1990au wrth i nifer y cynyrchwyr leihau.

12. 3. Cynnydd mewn technoleg: Bydd cynnydd mewn technoleg yn symud cromlin y cyflenwad i’r dde. Bydd cynnydd technolegol yn caniatáu i gwmnïau gynhyrchu eitem benodol am gost is. Mae prisiau cyfrifiaduron, er enghraifft, wedi gostwng yn sylweddol wrth i dechnoleg wella, gan ostwng eu costau cynhyrchu. Mae gwelliannau yn nhechnoleg cyfathrebu wedi gostwng costau telathrebu dros amser. Gyda datblygiad technoleg, bydd cromlin cyflenwad nwyddau a gwasanaethau yn symud i’r dde.

13. Cromlin y cyflenwad yn symud Pan fydd galw neu gyflenwad yn newid, bydd y pris cytbwys yn newid. Er enghraifft, fel arfer bydd tywydd gwael yn gostwng cyflenwad ffrwythau. Gyda chromlin y cyflenwad yn symud i’r chwith, bydd symudiad ar hyd cromlin y galw i bris cytbwys newydd. Bydd defnyddwyr yn prynu llai oherwydd y pris uwch. Gellir dangos hyn ar ffurf graff fel y gwelwch yma: £30 £20

14. Bydd symudiad cromlin y cyflenwad i’r chwith, er enghraifft o ganlyniad i gynnydd mewn costau neu gynhaeaf gwael, yn arwain at bris cytbwys newydd ar lefel uwch nag o’r blaen a chynnyrch cytbwys newydd ar lefel is nag o’r blaen.

15. Pe bai cromlin y galw yn symud i’r dde oherwydd cynnydd mewn incwm real, byddai cydbwysedd newydd y farchnad ar bris uwch a lefel cynnyrch uwch na’r cydbwysedd blaenorol.

16. Galw: Symudiad Cromlin neu Symudiad ar hyd Cromlin Mae’n hanfodol gwahaniaethu rhwng symudiad ar hyd cromlin alw a symudiad cromlin alw. Bydd newid yn y pris yn achosi symudiad ar hyd cromlin alw benodol. Gelwir hyn yn newid ym maint y galw. Er enghraifft, efallai y bydd codiad ym mris rhentu fideos o £3 i £4 yn gostwng maint y galw o 30 uned i 20 uned. Mae’r newid hwn yn y pris yn arwain at symudiad ar hyd cromlin alw benodol. Bydd newid mewn unrhyw newidyn arall sy’n dylanwadu ar alw yn achosi i gromlin y galw symud. Bydd symudiad cromlin y galw yn newid y safle cytbwys.

17. Cyflenwad: Symudiad Cromlin neu Symudiad ar hyd Cromlin Yn yr un modd ag yn achos cromliniau galw, mae’n hanfodol gwahaniaethu rhwng symudiad ar hyd cromlin gyflenwad benodol a symudiad cromlin gyflenwad. Bydd newid yn y pris yn achosi symudiad ar hyd cromlin gyflenwad benodol. Gelwir hyn yn newid ym maint y cyflenwad. Er enghraifft, pe bai pris rhentu fideos yn codi o £3 i £4, byddai maint y cyflenwad yn cynyddu o 30 i 40 uned. Bydd newid mewn unrhyw newidyn arall sy’n dylanwadu ar gyflenwad yn achosi i gromlin y cyflenwad symud.