Gevaangenisdeur in Mestreech

1. Eus eige leedsjes Deilke 14 Gevaangenisdeur in Mestreech December 2011 Klikke um wijjer te goon

2. ’t Leedsje vaan de sjoesterjónges Ze lappe, ze pappe, Ze houwe op dee pin. En al die sjoesterjónges, Höbbe ummer, höbbe ummer, En al die sjoesterjónges, Höbbe ummer goje zin ! Falderie-faldera Sjnaps is good veur de kollera ! Falderie-faldera Bijj de Ert al op de Wal ! De sjoesterjónges (sjeunmekers) oet ’t leedsje zinge tot zjenever good is tege de kollera (cholera). In de jaore 1830 - 1840 woort zjenever in Duitsland aonbevole es middekamint tege kollera en oet deen tied stamp ’t gezègkde:”Sjnaps is good veur de kollera”. Mestreech is versjeije kiere getroffe door ’n kollera-epidemie. De vollekswieke wie de Boschstraot en umgeving hadde ’t mieste te lijje. In 1866/1867 waore in gans Mestreech 298 kolleraslachoffers, boevaan allein al 150 in de Raomstraot ! En dao woort in deen tied toch behuurlik get zjenever achtereuver geslage !Dat heet dus neet väöl gehollepe. ”De Ert op de Wal” waor ’ne bekinde kaffee op d’n Oeverwal in Wiek. Veendelzwejjer mèt de Mestreechsen drappo 1545

3. Sjoenste Meike, aordig prijjke, Blaank vaan vel wie e veers gelag eijke. Dörref iech 't waoge, diech te vraoge, Ao keend de wèts neet Wieste miech kins behaoge. Iech dink aon diech fiolie fiola Daag en nach fiolie fiola Iech dink aon diech fiolie fiejoleine Daag en nach fiolie fiolon. Leefste Lieske, aordig bieske, Stabel bin iech nao die poez’lig geziechske. Höb erberreme mèt mie kerreme, Och weur mien vrouw Iech draag diech op mien erreme. Iech dink aon diech fiolie fiola Daag en nach fiolie fiola Iech dink aon diech fiolie fiejoleine Daag en nach fiolie fiolon. Meh wat huur iech, wat versjrik miech, 't Is dee krómme, iech geluif 't werechtig. Krómme rakker, erreme stakker, Gaank nao dien hoes Want de maaks miech wakker. Gaank nao dien hoes fiolie fiola En haw dien snoets fiolie fiola Gaank nao dien hoes fiolie fioleine en haw dien snoets fiolie fiolon. Innaome vaan Mestreech door Lodewijk XIV in 1673 Gravure vaan Daniël Marot

4. D’n Hertog vaan Parma belegert in 1579 Zoere, laot miech ins loere Ofste gewasse bis achter dien oere Tralalalala Tralalalala Stiene, laot ins ziene Wieväöl drek höbstiech tösse d'n tiene Tralalalala Tralalalala

5. 1673 Intoch vaan Lodewijk XIV in Mestreech En ... Wieske, Wieske, Wieske mós ins piese, piese, piese op d'n ummer, op d'n ummer. En ... Wieske, Wieske, Wieske mós ins piese, piese, piese op d'n ummer, veur de deur. En d'n ummer dee waor vol en eus Wieske had zoe 'n lol. Van je tra-la-la-la-la-la-la-la-la-la. En d'n ummer dee waor vol en eus Wieske had zoe'n lol. Van je tra-la-la-la-la-la-la-la-la-la. Dit leedsje woort gezónge op 't ind vaan d'n aovend es d’n hospes de kaffee wouw slete en ederein nao hoes mós goon. Meuj gezete, sjeel gegaap en daan goon veer nao eus brak en daan drejje veer nog ’ne fillem aof op de ressorebak en daan drejje veer nog ’ne fillem aof op de ressorebak. Volleges Endepols: ressorebak = springverematras

6. Volleges A.Olterdissen is dit leedsje 'n verbastering vaan ’n aajd Frans leedsje boe-in ”Lever de Louis XIV”, ’t opstoon vaan de keuning, bezónge weurt. Eine valet de riz veur 't poejere mèt poudre de riz en ’ne valet de raz veur 't sjere. ’t Is meugelik tot dit leedsje hijj is blieve haange nao de belegering en innaome vaan Mestreech door Lodewijk XIV in 1673. Lodewijk XIV veur Mestreech in 1673 Mestreechs Frans: Eelesenjon, selewie, selewieselawon, Eelesenjon, selewie, selewiesalewon. Voor je rikkemandie falederie, Voor je rikkemanda faledera. Eelesenjon, selewie, selewieselawon, Eelesenjon, selewie kie rie. Riechtig Frans: Et le signant, Sire Louis, Sire Louis se levant, Et le signant, Sire Louis saluant, Je recommandie; valet de riz, Je recommanda; valet de raz, Et le signant, Sire Louis, Sire Louis se levant, Et le signant, Sire Louis qui rit.

7. Dibbets waor bezope, Nao geweente zaat. Deende ziene keuning, Mèt de vollekshaat. Refr: Dibbets zaat, Dibbets zaat , ha ha ha Dibbets zaat, Dibbets zaat, ha ha ha Heer heet us mishandeld, Nege jaore laank. En noe wèlt m'ch Holland, Ouch nog eise daank. Wèlle niks mie wete, Vaan dat verreke. Stop de maan vergete, In de Werreke. Slaove zien de minse, Die de slaonde hand. Vaan dee rakker pune, 8 Veur 't Vaderland. Treeg, hoeg op dien kleure, Hoeg op Wit en Roed. Laot d'ch neet verdrökke, Treeg, tot in d'n doed. Dit ”Leedche vaan ’t Maastreegter Volk” oet ’t jaor 1925 is gemaak op Ginneraol Dibbets dee vaan 1830 -1839 kómmendant vaan de vesting Mestreech waor. Heer heet Mestreech weite te behawwe veur Keuning Willem I en dat weurt häöm door väöl Mestreechtenere neet in daank aofgenómme. Miejer hijjeuver op mien websaajd. Spaonse Furie in Mestreech

8. D'n dikke en d'n dunne Die gónge same zwumme Ze goejde ziech tesame in de Maos. D'n dikke dee góng ónder Dat waos ouch gaar gei wónder 't Water stónt 'ne meter euver zien blaos. Meh aon d'n euverkant, Dao woende tant Merie En wie ze aon 't verzoepe waore Repe ze alletwie .... Merie zat z'ch achter e struukske Óndeeg ziech vaan häör pruukske Deeg los toen ouch häör sjeun en ‘r zjartèl Toen dach ze: “Iech höb vergete Te kieke nao mien ete Want op de kachel steit 'ne frikkedèl”. Ze wouw toen nog ins trök goon Meh dat deeg ze toen neet mie Umtot ze toezjoer hèlder hoort 't Sjriewe vaan die twie .... Heer zónk mer altied deper En op 't lès toen reep 'r: “Es tant Merie neet gaw kump Gaon iech doed”. Toen pakde häöm d'n dunne Nog effe bijj zien humme En trok häöm nog ins bove 't water oet. D'n dikke zónk direk weer En briesde wie 'ne liew: “Mien tant liet miech verzoepe” En toen leet heer weer ‘ne sjriew .... Ze góng toen mer weer wijjer Mèt 't oetdoen vaan häör kleijer Dao laog noe al häör bluuske En häöre rok. Toen nog häöre buustehawwer Daan zwóm ze zoeväöl gawwer Op 't lèste nog häör breukske en ónderrok. Dao stónt ze toen gans fris en blaank Es redder in de noed En oet 't water hoort ze weer Twie stumme hiel erreg koed .... Ze zaoge mer niks kómme En dachte :”Wel verdómme Eus tant die liet us in de steek ! 't Is bijjnao twellef ore Es dat nog lang mót dore Daan ligke veer hijj nog de aander week”. Meh eind'lik aon d'n euverkant Dao zaoge miech die twie Ei mins dat väöl eweg had Vaan hun eige tant Merie .... Merie goejde ziech in 't water En e paar menute later Toen laog ze in 't midde vaan de Maos. “Kóm gaw” zag toen d'n dikke “Want iech bin al aon 't stikke Miene boek dee is zoe dik al wie 'n blaos”. Merie die wouw häöm pakke Meh ze verzope alle twie! D'n dunne deeg 't zellefde En toen zóng ouch niemes mie .... Merie leep ziech te peiger Ze vloog haos wie 'ne reiger De trappe aof en toen euver d'n diek Iech mót miech noe gaw spoje En miech in 't water goeje Want es iech noe neet gaw kóm vin 'ch e liek. Ze loerde iers 't water aof Ze zaog ze gaar neet mie. Meh wie ze toen ins luusterde Toen hoort ze z' alletwie .... Refrein: Tant Merie, tant Merie Kóm toch gaw Want veer verzoepe alletwie twie twie. Tant Merie, tant Merie Kóm veer hawwen 't neet mie! In 1937 woort bijj Bloemendaal de 5e Wereldjamboree gehawwe. De Mestreechtenere hadde ’nen eige teks op ’t offisjeel leedsje gemaak. Mestreech is es einige stad geneump in ’t 11e koeplèt vaan ’t Wilhelmus.

9. Aoch mien leefste Mettilde, En este ins wis wat iech wèlde. Es iech vaan mien leefde vertèlde, Mettilde, Mettilde. Aoch mien leefste Mettilde, En este ins wis wat iech wèlde. Es iech vaan mien leefde vertèlde, Jao daan waor iech kóntent.

10. 17 Aprèl 1577 De Spaonse tróppe verlaote Mestreech. Gravure, dinkelik vaan F. Hogenberg En jónges gaot opzijj Vaan Vorst dee kump veurbijj En heer heet 'ne wandelstek En e piepke in z'ne bek En heer is ouch neet allein Want neve häöm löp e zwijn En zoe goon ze nao de raod in de Begaordestraot Sjeel Mieke heet e brèlke 't Is veur 't hèlke,'t Is veur 't hèlke Sjeel Mieke heet e brèlke Hiep hiep hoera, hiep hiep hoera Dit is e sjampleedsje vaan de kattelieke op de propagandis vaan de SDAP, Vaan Vorst. Heer zaot vaan 1908 tot 1910 in de redaksie vaan “De Voorvechter”, e sosjalisties blaad. Kattelieke (blouwe) en sosjaliste (roeje) gedro- ge ziech in deen tied wie kat en hónd. Miejer informasie op mien websaajd.

11. Lodewijk XIV geit aon land in Mestreech. Zouw de meker vaan de gravure oets in Mestreech gewees zien? Die zich gaat bajen die zal zich begajen De bojem van de Maas ligt vol kamajen En als je bajen gaat Schruivel je je graat Helemaal vol snaje op de kijzelplaat. Oet ”Trijn de begijn” vaan F. Olterdissen. In 1912 waor de ierste oetveuring. D’n teks wiek e bitteke aof vaan d’n oersprunkeliken teks.

12. Ets oet 1622 door Jan Peeters Och iech dink zoe dèks ins gere trök Aon die daog vaan mie vreuger jónk leve Wie iech pas waor 'ne knaap vaan nege jaor Mien vrouw die tèlde 'rs pas zeve Geinen daag vaan de week góng um Tot veer neet same späölde Daodoor hadde veer daan ouch väöl plezeer Umtot d'n eine ziech noets aon d'n aandere kräöjde Umtot d'n eine ziech noets aon d'n aandere kräöjde. Saoves in de lange wintertied Lierde iech häör de lotto spèlle En es dat spelle waor gedoon Gónge veer same aon 't vertèlle Vaan d'n daag, dee vaan Sinterklaos, Zie wouw e klèdsje blouw mèt striepe Meh iech wis wee tot Sint - Niklaas waor En dat had dee sjallek hallef begrepe En dat had dee sjallek hallef begrepe. Miene peer dee had e mèsgewaad 'n Bissjopsmöts leet heer miech snijje 'ne Kallekhaok dee gaof heer miech es staaf Um miech es Sinterklaos te kleije 'ne Kallekbak hóng heer op miene rök Vol sókkergood en lekkernijje En zoe marsjeerde iech euver de Lurebrök Um häör ins ónverwachs te verblijje Um häör ins ónverwachs te verblijje. Wie zie miech zaog woort zie warempel bang Vaan sjrik en angs begós zie bijjnao te kriete Meh opins woort zie toch mie astrant Begós miech um mien bein te strieke M'ne kallekbak dee veel vaan miene rök Iech wis neet good wat te beginne Dao laog 't snópgood allein veur häör gelök En al mien sókkerklitse slókde ze binne En al mien sókkerklitse slókde ze binne . D’n teks en hoegs woersjienelik ouch de milledie vaan dit sinterklaosleedsje is gemaak door Hindrik Loontjens, dee geleef heet vaan 1839 - 1917. De familie Loontjens meint tot dit leedsje vaan umstreeks 1885 mót zien. Hindrik Loontjens waor de grampeer vaan Harie Loontjes. Harie waor leedsjessjrijver, zenger, kemediespeu- ler, diechter en prizzenteerde radio-programmaas. Heer heet väöl gedoon veur de Mestreechter kultuur. Boy Loontjens, ’n achterkleikeend vaan de meker vaan dit leedsje, heet oetgelag tot ”De lotto spèlle” e späölselke waor boebijj ‘n rón leesplaank en dobbelstein gebruuk woorte. Daobijj móste wäörd gespeld weure

13. 1576 Plundering vaan Mestreech door de Spaonse seldaote (F. Hogenberg?) Es Olieslegers doed is Daan kriege veer mesjien De hèllef vaan zien duite En ouch zie vleegmasjien Olieslegers, Olieslegers Olieslegers in de loch Olieslegers, Olieslegers Olieslegers in de loch Olieslegers waor ’ne Belzje vleger, dee vaanaof 1909 demonstrasievlöchte gaof bove Nederland. Hijjmèt is heer riek gewore. Heer vloog in ’ne Bleriot mèt op ’t startstök de nómmer 6 gesjèlderd.

14. Dit waor daan weer ’t ind. Veur miejer achtergróndinformasie bijj de leedsjes zouwt geer ins kinne kieke op mien websaajd: www.xs4all.nl/~hfeij Höb geer nog leedsjes of aander matteriaol, boevaan geer dink tot iech ’t gebruke kin, sjik miech daan ezzebleef e beriechske: tinyoetmestreech@xs4all.nl ’t Zouw hiel fijn zien es iech e kopieke daovaan maag make! Tiny Feij