NO CHEWING GUM

1. Bible Time NO CELL PHONE NO CHEWING GUM Please turn off your cell phone thanks

2. TOPIC: GIVING TO GOD Bun Tin-Hungh Nyei Jauv TEXT: 2 CORINTHIANS 8:1-5 2 Ko^lin^to 8:1-5 June 10, 2007

3. 1 Zuangx gorx-youz aac, yie mbuo oix meih mbuo hiuv duqv Tin-Hungh nyei en hnangv haaix nor tengx Maa^si^ndo^nie Deic-Bung nyei zuangx jiu-baang. 2 Ninh mbuo buangh kuonx naanh camv nyei seix ninh mbuo mv baac ninh mbuo corc njien-youh orn-lorqc haic, cingx daaih maiv gunv ninh mbuo ndongc naaic jomc, ninh mbuo zoux hnyouv jangv cuotv fim gapv nyaanh.

4. 3 Yie haih tengx ninh mbuo zoux zorng-zengx gorngv, ziux ninh mbuo maaih nyei ninh mbuo cuotv fim gapv. Zungv gapv gauh camv naaic. Se ninh mbuo ganh maaih hnyouv zoux. 4 Ninh mbuo qaqv tov yie mbuo bun ninh mbuo maaih buonc nzie Yu^ndie Saengv, Tin-Hungh nyei mienh.

5. 5 Ninh mbuo zungv zoux jiex ndaangc yie mbuo hnamv nyei. Da'yietv ninh mbuo zorqv ganh fungx bun Ziouv Yesu. Nqa'haav ei Tin-Hungh nyei eix, ninh mbuo zorqv ganh fungx bun yie mbuo.

6. Biux Mengh Waac Zinh ndaangc maaih dauh zuov yamv mienh, gorngv diuh gouv nor, ninh gorngv , “Maaih dauh zunh doz mienh gorngv mbuo ninh nyei jiu baang mienh, mbuo oix zuqc gapv nyaanh daaih gomv leiz-baaix dorngh, dongh ndaam mengh gorngv yie se benx sienx Yesu nyei mienh wuov deix, tov longc nzengc meih mbuo nyei hnyouv zoux, dongh mbuo haih zoux duqv nyei.

7. Hnangv naaiv ih hnoi se benx mbuo fongc horc nyei hnoi, tov meih mbuo dauh dauh dorh meih mbuo nyei zinh nyeic mingh dapv fongc horc nyei faang. Jiu baang mienh ziouc dorh ninh mbuo nyei fongc mingh dapv fongc horc nyei faang aqv, yiem wuov maaih dauh sieqv nor, faix nyei, leih maiv go duqv hietc hnyaangx nyei dorngh hnangv, ninh se benx dauh waaic fangx nyei fu’jueiv, yaac jomc nyei, ninh nyei zaux mbai nyei.

8. Dongh naaiv dauh sieqv nyei cuotv seix hnoi fai birth day, ninh nyei gux maaih duqv norm buoz-ndoqv-nzaeng bun ninh. Naaiv dauh sieqv ziouc zuov mienh camv mingh nzengc, ninh nqa’haav gan yiem mingh, yaac hlutv ninh nyei buoz-ndoqv nzaeng daaih dorh mingh dapv yiem fongc horc nyei faang.

9. Mienh camv fongc horc ziangx nyei ziangh hoc, wuov dauh zunh doz mienh, ziouc heuc wuov dauh sieqv bieqc ninh nyei office mingh, yaac zorqv wuov dauh sieqv nyei buoz-ndoqv nzaeng daaih bun ninh, yaac gorngv, “laengz zinh meih oc, mienh camv yaac maiv njapv, dauh dauh nqoi eix fongc horc bun, mbuo maaih gaux longc gomv leiz-baaix biauv aqv, meih gunv siou jienv ninh nyei buoz-ndoqv nzaeng aqv.”

10. Wuov dauh sieqv gorngv mbuox zunh doz mienh, “Naaiv yie dingc hnyouv fungx bun Tin-Hungh mi’aqv, meih hnangv haaix nor, aengx zorqv Tin-Hungh nyei nzuonx? Naaiv norm buoz-ndoqv nzaeng maiv zeiz yie nyei, naaiv se Tin-Hungh nyei, wuov dauh sieqv aengx gorngv, “Fin-saeng aac, yie maiv zeiz bun meih, yie bun Tin-Hungh.”

11. Mienh muoz doic doix aac, meih hiuv nyei fai? Ziouv Yesu gorngv mbuox mbuo, benx Tin-Hungh nyei buonc mbuo oix zuqc bun nzuonx bun Tin- Hungh, benx hungh jaa nyei buonc, mbuo oix bun nzuonx bun hungh jaa. Mbuo maiv horpc bienx Tin-Hungh nyei nyaanh (Matthew 22:21; Malachi 3:6-10; Romans 13:1-7).

12. I. Tin-Hungh Oix Nyei Jauv - 2 Ko^lin^to 9:7-8 1. Mouz dauh oix zuqc bun ziux ganh nyei hnyouv dingc oix bun nyei. Bun yaac oix zuqc buangv hnyouv, maiv dungx korh fiqv, weic zuqc Tin-Hungh hnamv nyei se nqoi eix bun nyei mienh (vs.7). 2. Tin-Hungh haih ceix fuqv bun meih mbuo nyungc- nyungc maaih camv, meih mbuo ziouc haih zanc-zanc maaih gaux ganh longc, zungv maaih camv weic zoux nyungc-nyungc kuv sic (vs.8).

13. II. Maa^si^ndo^nie Jiu Baang - 2 Ko^lin^to 8:1-5 1. Zuangx gorx-youz aac, yie mbuo oix meih mbuo hiuv duqv Tin-Hungh nyei en hnangv haaix nor tengx Maa^si^ndo^nie Deic-Bung nyei zuangx jiu-baang (vs. 1) 2. Ninh mbuo buangh kuonx naanh camv nyei seix ninh mbuo mv baac ninh mbuo corc njien-youh orn- lorqc haic, cingx daaih maiv gunv ninh mbuo ndongc naaic jomc, ninh mbuo zoux hnyouv jangv cuotv fim gapv nyaanh(vs.3)

14. 3. Yie haih tengx ninh mbuo zoux zorng-zengx gorngv, ziux ninh mbuo maaih nyei ninh mbuo cuotv fim gapv. Zungv gapv gauh camv naaic. Se ninh mbuo ganh maaih hnyouv zoux (vs.3) 4. Ninh mbuo qaqv tov yie mbuo bun ninh mbuo maaih buonc nzie Yu^ndie Saengv, Tin-Hungh nyei mienh(vs.4) 5. Ninh mbuo zungv zoux jiex ndaangc yie mbuo hnamv nyei. Da'yietv ninh mbuo zorqv ganh fungx bun Ziouv Yesu. Nqa'haav ei Tin-Hungh nyei eix, ninh mbuo zorqv ganh fungx bun yie mbuo(vs.5)

15. III. I^saa^laa^en Mienh Nyei Fongc Horc - Exodus 25:1-9 1. Ziouv gorngv mbuox Mose, 2 “Oix zuqc mbuox I^saa^laa^en Mienh dorh ga'naaiv daaih fongc horc yie. Haaix dauh nqoi fim nqoi eix fongc horc, meih oix zuqc zipv daaih weic yie (vs. 1-2). 2. Meih oix zuqc zipv ninh mbuo fongc horc nyei ga'naaiv se jiem, nyaanh, dongh siqv (vs.3)

16. 3. Ba'gi suix mbuov, luoqc, siqv-hongc, la'maah ndie- muonc, yungh biei, 5 yungh gouv ndopv nyomc daaih siqv nyei, fuoqv daaih longx nyei saeng-kuv ndopv, da'suqv ndiangx (vs. 4-5) 4. Caux buov dang nyei ga'lanv youh, ndaang nyei laapc liuc weic zorpc orn mienh nyei youh caux hung, 7 caux yietc nyungc jaaix haic nyei la'bieiv-siqv nzueic nyei caux ziex nyungc la'bieiv weic naetv jienv domh sai mienh nyei e^fotv caux buang la'kuotv wuov kuaaiv ga'naaiv (vs. 6-7)

17. 5. “Zuangx mienh oix zuqc weic yie zoux norm singx dinc, yie ziouc yiem ninh mbuo mbu'ndongx. 9 Naaiv norm ndopv-liuh caux ndopv- liuh gu'nyuoz nyei jaa-dorngx oix zuqc hnangv yie mbuox meih wuov nor zoux (vs. 8-9)

18. Conclusion 1. Fongc horc nyei jauv se benx wuih fuqv fai wuih en nyei jauv. 2. Fongc horc nyei jauv se benx yiem hnyouv oix bun nyei jauv maiv zeiz laaix zuqc aapv bun.

19. 3. Fongc horc nyei jauv se benx zipv fuqv-loqc nyei gorn, Tin-Hungh laengz waac ceix fuqv njiec. 4. Tin-Hungh a’hneiv mienh fongc horc nyei jauv se dongh mienh nqoi eix bun nyei jauv.