GURUTZE BIDEA

1. GURUTZE BIDEA

2. Jesus heriotzara galdua

3. Jesus: Bai gauza erraza dela zure kondena gaitzestea....Baina zein nekez entzuten dugun gaur egun kondenatuak direnen garrasia...! Badakigu ezen, Erreinuko balioak bizitzera jotzen badugu, kondenatu egingo gaituztela. Lagundu iezaguzu gerekoikeria eta erosokeria hausten.Emazkiguzu esperantza eta adorea. Lagundu iezaguzu Zu geure bizi egiten eta zure Ebanjelioa bizitzen. Gaur ere heriotzara galdu izaten da Jesus

4. Jesus Gurutzea lepoan duela

5. Bai harrigarria, Jesus: Zu isil-isilik bidean. Ez nuke nekerik izango edozein neke hartzeaz, baldin eta norbaitek nire merezimenduak aitortuko balitu. Baina gurutzea onartu, umilazioa bizi.... eta isilik gelditzea...Gogorra da hori eta, agian, beste ezer baino jasangaitzagoa. Erakuts iezaguzu, Jesus, hau ulertzen: egintzarik eskuzabalena ez dela ezertarako, aldi berean salbazio eskuzabal ez bada.

6. Jesus lehenengoz erori

7. Zenbat aldiz hasi izan naizen zure ondoren bero-bero! Eta zenbat aldiz erori izan naizen! Makina bat aldiz esan izan dut: “Ez da zer eginik”, “ezina da bakea”, “utopia huts dira zuzentasuna eta solidaritatea”... Eta hara ni eroria dena bertan behera uzteko tentazioan! Neure gaitzak eta munduarenak zanpatzen naute, lur jota, erosokeriak jota, pasotismoa... Lagundu iezaguzu zure bideari eusten. Ez dakizkigula nagusitu erorialdiak. Altxaraz gaitzala zugandiko esperantzak, Gainerakoei altxatzen laguntzeko.

8. Jesusek Mariarekin topo

9. Hau bezalako topo egiteak, topo egite hau bera, etengabe errepikatzen dira gure inguruan: hainbat ama odoletan, gaur ere umeentzat jatekorik ez duelako; hainbat ama, beren familiaren oinaze guztia bihotzean duela; hainbat ama, hitzik gabe, maitasuna, maitasun handia duela; hainbat ama, isilean negarrez. Zenbat amaren malko, zuzengabekeriak eraginak, gezurrak..., Azken batean, gizatasun-ezak! Nork neur lezake amaren bihotz batek duen sufritzeko ahalmena? Une honetan, Jauna, bihotzaren hondo-hondotik, eskatzen dizugu: ezar dezazula gure begi-bistan zeure ama, Maria. Harengandik ikas dezagun bihotza ez ixten sufritzen ari denaren aurrean, ikusten dugunak min emango digun arren. Zure amagandik ikas dezagun munduko oinazea geure baitaratzen, haren askapenean parte hartu ahal dezagun.

10. Jesusi lagundu Zirenearrak

11. Jauna, ni ere besteren premian naiz. Hobeto bizi ohi da bat lagunartean. Guztiok dugu elkarren premia. Batzuetan bost axola guri premian diren eskuak. Bihotza ixten dugu halakoak ez ikusteko; bizitza ez korapilatzeko. Gehiago oraindik: batzuetan ez dut nahi izaten eskaintzen didaten laguntza. Emaguzu, Jauna, solidaritatea, maitasunak sortzen duen hori. Gainerakoentzat zerbitzu eta laguntza bihurtzen den solidaritate hori. Gainerakoek eskaintzen diguten laguntza gogotik onartzen duen solidaritate hori.

12. Veronikak Jesusi aurpegia garbitu

13. Jauna: pausaldi luzea, patxadakoa egin nahi nuke egonaldi honetan.Zauden bezala Zu kontenplatu beharra dut: desitxuratua, hautsia. Veronikaren ausardia izan nahi nuke. Baina beti aurkitzen dut arrazoirik neure senideagan zuri ez laguntzeko: “kutsatu nazake”... “zer esango dute nire lagunek!...“hain ezereza da nik egin dezakedana!”... Emadazu, Jauna, kemena egoismoan hesitu ez nadin. Har dezadala parte zure aurpegia lehortzen. Ibil nadila zure bila sufritzen ari direnengan, nire solidaritatea hazten joan dadin, Veronikarena bezala.

14. Jesus bigarrenez erori

15. Jauna, lagundu iezaguzu lurrean eroriak diren pertsona guztietan Zu altxatzeko gai izan gaitezen. Lagun iezaguzu, bai. Ahulak gara, erori egiten gara eta, batzuetan, ez dugu indarrik izaten zuri jarraitzeko. Ez ezazu utz bizitzak zanpatu gaitzan, ez gu eta ez beste inor. Ez dezagula behin ere etsi Zutaz,ezta gizakiaz ere,ezta geure buruaz ere.

16. Jesusek emakumeak kontsolatu Jauna: zure sufrimenduez eta munduarenez gupidatzea:oso ondo dakit hori egiten. Hain gustukoa baitut lantuka aritzea! Mundu osoa igarotzen da nire auzi-mahaitik. Beti topatzen dut errudunik: Lanik egin nahi ez duen alferra dela, kriminala, gaizkigilea, terrorista dela...Eta beste hainbat eta hainbat! Guztiak errudun. Guztiak... ni ez beste guztiak.

17. Jesus hirugarrenez erori

18. Jauna: batzuetan zugandik aparte bizi ohi gara. Zugana itzuli nahi izaten dugu; baina behin eta berriz erortzen gara. Helmugara ezin garela iritsi etsita gu ikustean, zatozkigu laguntzera,lagundu ahuldadea gaindi dezagun. Lagundu geure eroritik onera egiteneta zurekiko urruntasuna bertakotasun bihurtzen. Suma zaitzagula ondoan, gure ahuldadean bat eginik! Eutsi beti pizturik gure esperantzari. Harekin, jaikiko gara, bai. Eutsi beti pizturik gure esperantzari eta zurekiko gure konfiantzari.

19. jesus biluzi

20. ...haren jantziak hartu zituzten... Baita haren tunika ere... Jesus biluzik, dena galdu du. Bere gorputza, besterik ez du. Guztiaz hustua, bere burua eskaintzen du. Zer eskaintzen dut nik?

21. gurutzean iltzez josia Jesus

22. Lagundu iezaguzu gurutzea onartzen, bizitzak ezinbestean ekarri ohi duena. Jarrai ezazu gure ahalegina zirikatzenzure maitasun Espirituari gidatzen utz diezaiogun. Gurutzea onartu nahi dugu. Zure bidea jarraitzean etorri ohi den gurutzeaeta guztiekiko solidaritatean eta elkartasunean bizi ohi dena.

23. Jesusek bere bizia eman digu maitasunez .

24. Haren heriotza behin eta berriz ari da gertatzen. Milioika errugabe hiltzen da munduan. Asko eta asko erortzen da bere bizitza hondaturik, bere gosean, bere droga-munduan, bere bakardadean, bere bazterketan... abandonaturik

25. Jesusen gorpua Mariaren besoetan

26. Mariak semearen aurpegian poz- eta bake-keinuasumatu du: zeregina bete izanaren bakea eta poza; azkeneraino leial izanaren bakea eta poza; Erreinuagatik ari izanaren bakea eta poza, Zuzentasuna eta askatasuna, maitasuna, senitartekotasuna eta solidaritatea den Erreinuagatik. Bere atsekabea eta guzti, harro dago Maria bere Semeaz, dena ondo egin duelako. Hurbil gaitezela beti Mariagana, gure kezkak harengan atsedenarazteko. Gure erromesaldia amaitzean, izan gaitezela zure amarentzat harrobide Zu izan zinen bezala.

27. Jesusen hilobiratzea

28. Begira:hau ez da akabera. gizakien hainbat eta hainbat oinaze eta sufrimendu deika ari zaizkigu, ezen Jesusen sufrimendua eta heriotza haren senideengan errepikatzen ari baitira. Ez. Hau ez da akabera. Ezin da amaitu. Beharrezkoena falta da. Jesusen heriotzari eta Jesusen milaka heriotzari zentzua ematen diona falta da. Ez ezazu utz zure heriotzaz negar eginez geldi gaitezen. Jantzi gaitzazu esperantzaz geure senideen oinazeari kontsolamendua eta bakea emateko gai izan gaitezen. Eta emaguzu poza... Poz distiratsu eta bete hori, Zure PIZTUERA sinesten eta bizi dutenena.

29. Hara, piztu da nire Maitasuna eta Esperantza !

30. Aleluia!! Piztu da esan zuen bezala!