1 / 25

Rich or Poor Maiv Gunv Butv Zoih fai Jomc

Rich or Poor Maiv Gunv Butv Zoih fai Jomc. Luke 16:19-31 Lugaa 16-19-31.

matia
Download Presentation

Rich or Poor Maiv Gunv Butv Zoih fai Jomc

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Rich or PoorMaiv Gunv Butv Zoih fai Jomc Luke 16:19-31 Lugaa 16-19-31

  2. 19 "Maaih dauh domh butv-zoih mienh zuqv ciouh zuqv dunc nyei lui-houx hnangv. Hnoi-hnoi nyanc orv hopv diuv njien-youh haic. 20 "Aengx maaih dauh ndortv naanc mienh, mbuox heuc Laa^saa^latv, butv faang butv laaix buangv nzengc yietc sin. Mienh zanc-zanc dorh ninh mingh taux wuov dauh butv-zoih mienh nyei gaengh ndaangc

  3. 21 zuov hnaangx-hmeiv-ndortv nyanc. Juv yaac daaih mbiec ninh nyei faang. 22 "Zoux gau, naaiv dauh ndortv naanc mienh daic mi'aqv. Fin-mienh dorh ninh mingh caux ninh nyei ong-taaix-ngaeqv, Apc^laa^ham, yiem. "Butv-zoih mienh yaac daic mi'aqv, biopv jienv.

  4. 23 Ninh mingh yiem yiemh gen zuqc diev mun diev kouv. Ninh ziouc cau hmien buatc Apc^laa^ham yiem go nyei, yaac buatc Laa^saa^latv caux Apc^laa^ham yiem wuov. 24 Ninh ziouc heuc Apc^laa^ham, 'Ong aah! Tov korv-lienh yie, mbuox Laa^saa^latv daaih longc buoz-ndoqv coqv wuom daaih ndiepv yie nyei mbietc laangh deix, weic zuqc yiem naaiv douz buov jienv yie mun haic, kouv haic.'

  5. 25 "Apc^laa^ham dau ninh, 'Fun aac, meih oix zuqc jangx taux meih yiem seix zaangc wuov zanc meih nyungc-nyungc yaac duqv longx haic. Laa^saa^latv yaac kungx duqv waaic nyei hnangv. Ih zanc Laa^saa^latv duqv longx, njien-youh haic aqv. Daaux nzuonx meih ih zanc zuqc siouc kouv.

  6. 26 Corc aengx maaih nyungc. Maaih diuh domh zuonx maanc zungx ndo nqaeqv jienv. Haaix dauh yiem naaiv bung oix jiex meih mbuo wuov bung, jiex maiv duqv. Haaix dauh yiem wuov bung oix jiex yie mbuo naaiv bung yaac jiex maiv duqv.'

  7. 27 "Butv-zoih mienh aengx gorngv, 'Ong aac, wuov nyungc tov meih paaiv Laa^saa^latv mingh taux yie nyei die nyei biauv. 28 Yie corc maaih biaa muoz-dorn yiem wuov. Tov bun Laa^saa^latv mingh kuinx ninh mbuo maiv dungx daaih naaiv siouc kouv nyei dorngx.'

  8. 29 "Apc^laa^ham dau, 'Ninh mbuo zungv maaih Mose caux Tin-Hungh nyei Douc Waac Mienh nyei Sou niaa. Meih nyei muoz-doic oix zuqc muangx ninh mbuo nyei waac.' 30 "Butv-zoih mienh aengx dau Apc^laa^ham, 'Ong aac, mbuoqc naaiv maiv gaux. Se gorngv maaih laanh mienh daic mingh aengx nangh daaih mingh taux yie nyei muoz-doic wuov, muoz-doic zungv oix goiv hnyouv guangc zuiz.'

  9. 31 "Apc^laa^ham gorngv, 'Se gorngv ninh mbuo maiv muangx Mose caux Tin-Hungh nyei Douc Waac Mienh nyei waac nor, maiv gunv maaih laanh mienh daic mingh aengx nangh daaih, ninh mbuo yaac maiv muangx lorqc.' "

  10. Biux Mengh Waac Norm-norm deic bung ih hnoi maaih domh sic taux zinh nyanh nyei jauv, mbuo buatc nyaanh-lamz zuqc guon, mbuo buatc siou nyaanh nyei mienh ndortv, weic goux nyaanh biauv nyei mienh mauv…Longx nyei yaac maaih: Mbuo buatc lunx nyei mienh gapv huon, ninh mbuo laengz hnamv doic maiv gunv butv-zoih fai jomc.

  11. Mbuo buatc ging-sou njaaux gorngv, Weic zuqc mauv zinh mauv nyaanh se nyungc-nyungc orqv sic nyei gorn (1 Ti^mo^tai 6:10). “Maiv dungx bun mauv nyaanh nyei jauv gunv meih mbuo nyei maengc. Meih mbuo maaih nyei, oix zuqc buangv hnyouv weic zuqc Tin-Hungh gorngv, “Yie yietc liuz maiv leih meih, yietc liuz yaac maiv guangc meih” (Hipv^lu 13:5).

  12. Maaih diuh waac-fangx nor gorngv taux butv zoih zoux maiv cuotv haaix nyungc. Maaih dauh mienh lunx mienh gorngv mbuox butv-zoih mienh, “Haaix dauh yaac mueic jieqv gor meih.” Butv-zoih mienh gorngv, “Zoux haaix nyungc mienh mueic jieqv yie? Yie maiv hiuv weic haaix diuc zic duqv mueic jieqv.”

  13. Mienh lunx mienh dau gorngv, “Gengh nor! Meih butv-zoih gor, maaih ziex ziux nyaanh, hnamv mangc gaax yietc hlaax nyiec meih duqv nyaanh bieqc ndongc haaix camv, ziex cin, ziex waanc nyei!”…Butv-zoih mienh gorngv, “Naaic fungc haih faaux duqv mienh mueic jieqv? Yie nyanc nyei, zuqv nyei m’daaih zic duqv yietc dauh mienh nyei buonc hnangv niaa. Meih m’daaih haih maaih nyanc caux zuqv hnangv yie nyei.” Mv baac mienh lunx mienh dau, “Mv baac hnamv mangc gaax meih maaih ziex baeqv norm biauv bun mienh gouv yiem.”

  14. Butv zoih mienh gorngv, “Naaic fungc haih faaux duqv meih mueic jieqv? Yie yietc nzunc kungx haih yiem yietc norm biauv hnangv, nyaanh yie duqv nyei weic mienh gouv yie nyei biauv, maiv zeiz zuqv fai nyanc, kungx haih dorh mingh maaiz ganh norm biauv bun mienh yiem hnangv…”

  15. Butv zoih mienh ziouc huin nzuonx gorngv mbuox mienh lunx mienh, “Yie gorngv nyungc kuv waac mbuox meih, meih maaih nyanc hnangv nor, meih gauh maaih njien-youh. Yie maaih nyei yietc zungv zinh zoih maiv haih maaiz yie nyei maengc ndauv duqv yietc hnoi, maiv haih maaiz bun yie lunx, maiv haih bun yie maiv zuqc daic, yie daic liuz nor niv…haih dorh duqv mingh nyei fai? Youz aac, yie gorngv zien nyei mbuox meih, meih maiv dungx mueic jieqv yie maaih nyei ga’naaiv, maaih nyaanh camv yaac maiv njien-youh, yie maaih deix ziangh hoc weic nyaanh nyei jauv zungv bueix maiv njormh.

  16. I. Dorh Butv-Zoih Caux Jomc Nyei Daaih Mienh Beiv Mangc (1) Maaih deix butv zoih mienh zuqc zioux weic zuqc ninh mbuo dorh ninh mbuo maaih nyei dangv jienv ganh dauh, yaac dangv ninh mbuo ganh fih hnangv. Ninh mbuo maiv duqv bieqc Tin-Hungh nyei guoqv; ninh mbuo leih go Tin-Hungh (Matv^fai. 19:23, 24; Lugaa 18:23) (2) Maaih deix butv zoih mienh gan Yesu yaac tengx Yesu (Matv^tai 27:57; Lugaa 19:2; Lugaa 8:3)

  17. (3) Butv zoih se haih benx longx nyei fuqv se gorngv longc duqv horpc mbuo maaih nyei zinh zoih yaac longc weic mienh (1 Ti^mo^tai 6:17). (4) Jomc wuov joux waac nyei eix leix se njutv jienv - fai njutv jienv tov, jomc nyei mienh haih ziangh weic maaih ganh dauh nzie jienv ninh mbuo hnangv, fai ninh mbuo zuqc bangc mienh.

  18. II. Butv-Zoih Mienh Hnangv Haaix Nor Ziangh (1) Maaih dauh domh butv-zoih mienh zuqv ciouh zuqv dunc nyei lui-houx hnangv. (Butv zoih fai maaih gauh camv dongh ninh qiemx zuqc nyei, zuqv jaaix nyei liu-houx hnangv)(Lugaa 16:19) (2) Hnoi-hnoi nyanc orv hopv diuv njien-youh haic. (3) Nyungc-nyungc butv-zoih mienh zoux nyei jauv, se ninh zoux longc mengh daauh.

  19. (4) Ninh hnamv taux ninh ganh nyei nza’hmien buonc, ninh ziangh nyei maengc caux zoux nyei sic biux mengh ninh maiv hiuv yaac maiv sienx Tin-Hungh. Butv-zoih mienh yaac daic mi'aqv, biopv jienv. (ys.23) Ninh mingh yiem yiemh gen fai deic nyuoqc, naaiv yaac biux mienh gorngv ninh maiv sienx Yesu (Lugaa 16:23-24).

  20. III. Jomc Nyei Mienh Laa^saa^latv Hnangv Haaix Nor Ziangh (1) Aengx maaih dauh ndortv naanc mienh, mbuox heuc Laa^saa^latv. Ninh mingh yiem wuov dauh butv-zoih mienh nyei gaengh ndaangc, mv baac butv zoih mienh maiv gunv, maiv cau fiem taux ninh (Lugaa 16:20) (2) Butv faang butv laaix buangv nzengc yietc sin (butv gomh huv baengc nyei mienh)

  21. (3) Zuov hnaangx-hmeiv ndortv nyanc. Juv yaac daaih mbiec ninh nyei faang (Lugaa 16:21) Duqv hnaangx-hmeiv ndortv zungv buangh hnyouv nyei nyanc…Maiv daan butv-zoih mienh mangc maiv jiez ninh hnangv, liemh juv zungv mangc maiv jiez. (4) Maiv gunv butv gomh huv baengc, zuqc diev kouv naanc, jomc, nzaauz hnaangx-hmeiv ndortv ninh maiv nqopv, corc sienx Yesu. “Zoux gau, naaiv dauh ndortv naanc mienh daic mi'aqv. Fin-mienh dorh ninh mingh caux ninh nyei ong-taaix-ngaeqv, Apc^laa^ham, yiem (Lugaa 16:22). Naaiv biux mengh gorngv ninh se sienx Yesu nyei mienh.

  22. Setv Mueiz Waac 1. I dauh mienh yiem naaiv (maaih dauh butv-zoih, maaih dauh jomc) benx fangx gorngv taux i nyungc ziangh maengc, i nyungc daic, i nyungc dorngx mingh.

  23. (2) Meih mingh nyei dorngx se dongh meih sienx nyei. Mingh Tin-dorngh weic sienx Yesu, mingh deic nyouqc weic maiv sienx Yesu (Yo^han 3:16). Meih hnangv haaix nor ziangh biux mengh meih sienx nyei (Yaa^gorpc 2:17).

  24. (3) Sienx Yesu nyei mienh haih buangv hnyouv buangv eix ziangh yiem naaiv norm seix zangc weic zuqc ninh mbuo duqv yietc liuz nyei maengc yiem Tin-dorngh maiv gunv butv zoih fai jomc yiem naaiv norm seix. (Yo^han 10:10).

  25. (4) Maiv dungx laaix oix butv zoih yiem naaiv seix zangc torngv jienv meih fai mienh mingh Tin-dorngh nyei jauv. Ih gitv lungh ndiev, maaih mienh bieqc hnyouv dorngc Ging-Sou, laaic duqv sienx liuz Yesu ziouc duqv sin wangc siangx duqv butv zoih, duqv naaiv duqv wuov, naaiv nyungc sienx se maiv doix-diuc caux Ging-Sou njaaux nyei. Mbuo buatc Ziouv gorngv nyei waac, “Hieh juv maaih kuotv yiem, norqc yaac maaih lauz, mv baac yie, Baamh Mienh nyei Dorn, maiv maaih dorngx bueix hitv kuonx. (Matv^taai 8:20; Lugaa 9:58). Giduc mienh maaih orn lorqc weic duqv caux TH horpc hnyouv, maiv gunv buangh zuqc haaix nyungc sic, kouv naanc fai jomc.

More Related