1 / 145

Da Leri Abra Satan

Bijbel Baptist Kerk Les. Da Leri Abra Satan. Robert D. Patton. Foeroe soema no wani bribi didibri de. Dem liberal kerki Foeroe preikiman na ini dem “ontwikkeld kondre – 73% foe predicanten na ini da VS Foeroe kerki disi preiki da troe evangelium no taki abra didibri toe

rbrehm
Download Presentation

Da Leri Abra Satan

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Bijbel Baptist Kerk Les Da Leri Abra Satan Robert D. Patton Da Froktoe foe da Jeje: Lobi

  2. Foeroe soema no wani bribi didibri de • Dem liberal kerki • Foeroe preikiman na ini dem “ontwikkeld kondre – 73% foe predicanten na ini da VS • Foeroe kerki disi preiki da troe evangelium no taki abra didibri toe • Didibri lobi hem so: a lobi meki soema twijfel en a wroko moro boen pe soema no loekoe na hem nanga ai, efoe dem taki dati a no de srefi. Les 4 - Da Froktoe foe da Jeje - Pasensi

  3. Da Bijbel taki abra didibri • Sebi Owroe Testamenti boekoe taki abra didibri: Genesis, I Kronieken, Job (12 leisi), dem Psalm, Jesaja, Ezekiel & Zacharia. • 19 Njoen Testamenti boekoe, en ibri skrifiman disi skrifi na ini da Njoen Testamenti taki abra didibri • Masra Jezus Kristus ben taki abra hem 15 leisi. Les 4 - Da Froktoe foe da Jeje - Pasensi

  4. Jezus nanga didibri • Mt. 4:10Dan Jezus ben taki gi hem taki: Komopo na Mi fesi, joe Satan; bikasi Boekoe de taki: Joe sa aanbegi Masra joe Gado, en Hem wawan joe sa dini • .Na ini Mt. 16, Jezus ben sabi dati satan ben wroko na ini Petrus foe vermane Jezus: Mt. 16:23 Ma A ben drai lontoe, en A ben taki gi Petrus taki: Gowe libi Mi, joe Satan; joe de krakeri Mi; bikasi joe no prakseri dem sani disi de foe Gado, ma dem sani disi de foe libisoema. Les 4 - Da Froktoe foe da Jeje - Pasensi

  5. Jezus nanga didibri • Na ini Lukas 22:31, Jezus ben taki ete wan leisi nanga Petrus: En Masra ben taki: Simon, Simon, loekoe, Satan ben wani abi joe, foe a kan wai joe leki aleisi; • .Na ini Lukas 10, Jezus ben si satan fadon: Lk. 10:18En A ben taki gi dem taki: Mi ben si Satan fadon leki dondroe-faja komopo foe hemel. • Jn. 6:70Jezus ben piki dem taki: Mi no ben verkisi oen twalfoe? En wan foe oen de wan didibri? Les 4 - Da Froktoe foe da Jeje - Pasensi

  6. Jezus nanga didibri • Na ini Mt. 25, Jezus ben taki foe da presi pe didibri nanga hem bakaman sa go: Mt. 25:41Dan A sa taki gi dem soema na Hem kroektoeanoesei taki: Komopo na Mi fesi, oen vervloektoe soema, go na ini da faja foe teego, disi de klari kaba gi didibri nanga hem engel. Les 4 - Da Froktoe foe da Jeje - Pasensi

  7. Jezus nanga didibri • .Na ini Johannes 8, Jezus ben taigi dem Fariseeman sondro gado dati didibri ben de dem tata: Jn. 8:44Oen de foe oen tata, didibri, en oen de doe dem lostoe foe oen tata. A ben de wan kiriman sinsi da bigin, en a no ben tan na ini da waarheid, bikasi da waarheid no de na hem ini kwet'kweti. Te a taki leitori, a taki foe hemsrefi, bikasi a de wan leiman, nanga da tata foe lei. Les 4 - Da Froktoe foe da Jeje - Pasensi

  8. Oorsprong foe didibri • Ezek. 28:12-19 12. Soemapikin, meki wan krei-singi abra da kownoe foe Tyrus, en taki gi hem taki: so Masra Gado de taki: Joe de so moi leki Gado ben meki joe; joe lai nanga koni en joe de volmaakt foe di joe de so moi. 13. Joe ben de na ini Eden, da djari foe Gado; ala dem diri ston ben tapoe joe; redi jaspis, chrysoliet nanga prasem, turkoois, chrysopraas nanga nefriet, lazuurston, hematiet, malachiet nanga gowtoe; da wroko foe joe cymbal nanga joe pijp ben klari na ini da dei dati A ben meki joe. 14. Joe de da salfoe cherub disi ben tapoe sani; en Mi ben seti joe so; joe ben de na tapoe da santa bergi foe Gado; joe ben waka kom, waka go na tapoe dem faja-ston. Les 4 - Da Froktoe foe da Jeje - Pasensi

  9. Oorsprong foe didibri… • 15. Joe ben de sondro foutoe na ini joe pasi sinsi da dei A ben meki joe te leki A ben feni sondoe na joe ini. 16. Nanga foeroe seri-wroko dem ben foeroe joe nanga feti, en joe ben doe sondoe; foe dat'ede Mi sa trowe joe leki wan soso sani komopo foe da bergi foe Gado; en Mi sa figi joe poeroe, O cherub disi ben tapoe sani, komopo na mindri foe dem faja-ston. 17. Joe hati ben opo hemsrefi bikasi foe fa joe de moi; joe ben pori joe koni bikasi foe fa joe de brinki; Mi sa trowe joe na gron, en Mi sa saka joe na fesi foe dem kownoe, foe dem kan loekoe na joe tapoe. Les 4 - Da Froktoe foe da Jeje - Pasensi

  10. Oorsprong foe didibri • 18. Joe ben pori joe santa presi nanga joe hipi ogridoe, nanga da sondoe foe joe seri-wroko; foe dat'ede Mi sa meki wan faja komopo na joe mindri; a sa njan joe, en Mi sa meki joe tron asisi na grontapoe na fesi foe ala soema disi de loekoe na joe tapoe. 19. Ala dem soema disi sabi joe kaba na mindri foe dem pipel sa verwondroe bikasi foe joe; joe sa de wan skreki sani; noiti joe sa de moro. Les 4 - Da Froktoe foe da Jeje - Pasensi

  11. Joe de so moi… • Ezek. 28:12 Joe de so moi leki Gado ben meki joe; joe lai nanga koni en joe de volmaakt foe di joe de so moi • Noiti dem taki so wan fasi abra wan libisoema… • Jer. 17:9 Da hati de bedriegi moro leki alasani, en a de toemoesi takroe; soema kan sabi hem? • Rom. 3:23 Bikasi dem alamala ben doe sondoe, en dem mankeri da glori foe Gado. • I Jn. 1:10 Efoe wi taki dati wi no ben doe sondoe, wi meki Hem tron wan leiman, en Hem woortoe no de na wi ini. Les 4 - Da Froktoe foe da Jeje - Pasensi

  12. Joe ben de na Eden… • Versi 13: Joe ben de na ini Eden, da djari foe Gado... Som soema ben denki dati Ezekiel ben taki abra Adam, ma noiti a ben taki abra dem krosi foe Adam abi omeni moi diri ston, disi de na ini moi gowtoe. • Joe pijp en cymbaal – didibri abi wan instrument ingebouwd • Salfoe cherub – dem ben salfoe kownoe, priester & profeti. Kande Lucifer ben de da kownoe nanga profeti… • Wi sabi dati Saul & Uzzia ben kisi strafoe di dem ben proberi foe doe ala toe wroko Les 4 - Da Froktoe foe da Jeje - Pasensi

  13. Dem cherub • Matteus - Kristus leki da leeuw, da kownoe • Markus - Kristus leki da pikin kaw, da dinari • Lukas - Kristus leki da man sondro foutoe • Johannes - Kristus leki Gado, da adelaar (aka). • Wan cherub abi fo fesi… Les 4 - Da Froktoe foe da Jeje - Pasensi

  14. Kande a de leki dem fo libisani • Openbaring 4:6. En wan zee foe grasi disi ben gersi kristal ben de na fesi foe da kownoe-stoeroe, en na mindri foe da kownoe-stoeroe en lontoe da kownoe-stoeroe fo libisani ben de disi ben foeroe nanga ai na fesi en na bakasei. 7. En da fosi libisani ben gersi wan leeuw, en di foe toe libisani ben gersi wan pikin kaw, en di foe drie libisani ben abi wan fesi leki wan mansoema, en di foe fo libisani ben gersi wan aka disi ben frei. 8. En ibriwan foe dem fo libisani ben abi siksi frei lontoe hem, en dem ben abi foeroe ai na dem inisei; en dem no ben teki bro dei efoe neti, ma dem ben taki: Santa, santa, santa, Masra Gado Almakti, Hem disi ben de, en disi de, en disi sa de. Les 4 - Da Froktoe foe da Jeje - Pasensi

  15. Satan – oorsprong • Jes. 14:12-1412. O fa joe ben fadon komopo foe hemel, O Lucifer, manpikin foe mamanten! Fa A ben koti joe trowe na tapoe da gron, joe disi ben meki dem natie kom swaki!13. Bikasi joe ben taki na ini joe hati taki: Mi sa opo go na ini hemel; mi sa opo mi kownoe-stoeroe moro hei leki dem stari foe Gado; mi sa sidon toe na tapoe da bergi foe da komakandra, na da sei foe da noord;14. Mi sa opo moro hei leki dem wolkoe; mi sa de leki da Moro Hei Wan. • Ma Gado taki: Nono, kwet’kweti: 14:15Tokoe A sa trowe joe go na ini dedekondre, na da sei foe da peti. Les 4 - Da Froktoe foe da Jeje - Pasensi

  16. Meki wi loekoe na dem 5 “mi sa” • Mi sa opo go na ini hemel: Dja satan ben bedoel da di foe drie hemel, da presi pe Gado de. Paulus ben taki abra disi na ini II Kor. 12:2Mi sabi wan soema na ini Kristus moro leki tien-na-fo jari kaba, (efoe a ben de na ini da skin, mi no sabi; efoe na dorosei foe da skin, mi no sabi: Gado sabi;) so wan soema ben go na di foe drie hemel. Les 4 - Da Froktoe foe da Jeje - Pasensi

  17. Mi sa… • Mi sa opo mi kownoe stoeroe moro hei leki dem stari foe hemel... Waarschijnlijk dem stari foe hemel de dem engel. Satan ben wani dem engel foe aanbegi hem. • Mi sa sidon toe na tapoe da bergi foe da komakandra, na da sei foe da noord... Now Lucifer wani kom na ini da kantoro foe Gado srefi, en sidon na Hem stoeroe. A ben wani de basi foe dem engel, en foe dem stari. Les 4 - Da Froktoe foe da Jeje - Pasensi

  18. Mi sa… • Mi sa opo go moro hei leki dem wolkoe... Waarschijnlijk disi taki foe da Shenika glori wolkoe foe Gado disi wi feni na ini da Bijbel, pe da glori foe Gado de. Satan wani teki da glori dati gi hemsrefi. • Num. 9:16. En so a ben de ala dei; da wolkoe ben tapoe hem na dei, en a kom gersi wan faja na neti. 17. En te da wolkoe ben opo komopo na da tabernakel, dan baka dati dem pikin foe Israël ben waka go, en da presi pe da wolkoe ben tan, drape dem pikin foe Israël ben meki kampoe. Les 4 - Da Froktoe foe da Jeje - Pasensi

  19. Mi sa… • Mi sa de leki da moro hei wan. A de wan belangrijk sani foe si da nem disi satan gebruiki foe Gado dja. A wani de leki El Elyon, da moro hei wan. Da nem disi wani taki: da moro tranga tranga wan. • Mt. 26:39 En A ben go pikinso na fesi, en A ben fadon na Hem fesi, en A ben begi taki: O Mi Tata, efoe a kan, meki da kan disi pasa Mi; tokoe, no leki fa Mi wani, ma leki fa Joe wani. • Dja wi si wan foe dem bigi verschil na mindri foe satan nanga wi MASRA Jezus, da diri pikin foe Gado. Jezus ben kom foe doe da wani foe Gado, ma didibri ben feti foe doe hem egi wani. Les 4 - Da Froktoe foe da Jeje - Pasensi

  20. Lucifer = stari foe mamanten… • Da nem Lucifer de da Romeini woortoe foe “stari foe mamanten”. Da Hebreewse woortoe helel wani taki da brinki wan. Da woortoe disi sori wi dati da mamanten stari no de foe si moro te da zon opo nanga hem glori. So alwasi didibri kan kom leki da engel foe leti, dem sa jagi hem poti na ini da moro dorosei doengroe presi te da Pikin foe Gado sa kom Les 4 - Da Froktoe foe da Jeje - Pasensi

  21. Satan – wan persoon • Satan de wan troe persoon • Te wi denki dati satan de wan fadon engel komopo foe da wereld foe hemel, wi kan denki dati a abi wan skin - no wan skin foe meti nanga broedoe foe grontapoe, ma kande wan skin foe wan tra sani. Les 4 - Da Froktoe foe da Jeje - Pasensi

  22. Satan – wan persoon • A de wan persoon, en Paulus meki wan verschil na mindri foe dem skin foe hemel nanga dem skin foe grontapoe: • I Kor. 15:39-40 39. Ala meti no de da srefi sortoe; ma libisoema abi wan sortoe meti; tra sortoe meti de gi dem boesi-meti, wan tra sortoe gi dem fisi, en wan tra sortoe gi dem fowroe. 40. En so srefi, tra sortoe skin de na ini loktoe, en trawan na grontapoe; ma da glori foe hemel de wan, en da glori foe grontapoe de trawan. Les 4 - Da Froktoe foe da Jeje - Pasensi

  23. Didibri abi foeroe koni • Te wi leisi da Bijbel, wi kan si dati satan de da moro koni en moro krakti wezen na ini da heelal, en wi noiti moesoe frigiti dati. Wi egi tranga no sa wini. Wi noiti kan wini satan na ini wi egi tranga. Paulus taki: II Kor. 2:11So dati didibri no sa wini wi, bikasi wi sabi hem triki. • A kan wini wi na ini dem momenti disi wi lasi hati, efoe wi kom na wan verschil nanga tra bribiwan. Ma grantangi foe Gado dati da Schepper de moro tranga leki da sani disi A ben meki! Les 4 - Da Froktoe foe da Jeje - Pasensi

  24. Didibri sabi da Bijbel • Ma membre toe dati satan ben gebruiki da Bijbel toe. Na ini da di foe toe tesi, a ben taki foe Ps. 91:11-12 11. Bikasi A sa gi Hem engel opdrakti abra joe, foe kibri joe na ini ala joe pasi. 12. Dem sa hori joe na loktoe na ini dem anoe, so dati joe no naki joe foetoe na wan ston. Foe troe, a ben hari hem komopo foe kontext foe drai hem, en a poeroe wan pisi foe da versi Les 4 - Da Froktoe foe da Jeje - Pasensi

  25. Didibri sabi da woortoe foe Gado • Open. 12:12 Foe dat'ede prisiri, oen hemel, en oen disi libi na dem ini. Heloe foe dem soema disi libi na grontapoe nanga da zee! Bikasi didibri ben saka kom na ondro na oen, en a abi bigi hatibron, bikasi a sabi dati a abi wan sjatoe tem nomo. • Satan sa komopo foe hemel na mindri foe da tem foe bigi trobi, en a sa kom na grontapoe nanga bigi hatibron bikasi a sa sabi dati a abi wan sjatoe tem nomo. Fa a sa sabi? Waarschijnlijk bikasi a ben leisi Daniel 9 fin’fini. Les 4 - Da Froktoe foe da Jeje - Pasensi

  26. Didibri de wan persoon • Didibri abi wani: II Tim. 2:26 En foe dem kan poeroe demsrefi komopo foe da trapoe foe didibri, disi ben hori dem na ini katibo nanga hem wani. • Lostoe: A abi dem doel, sani disi A wani doe: Lk. 22:31En Masra ben taki: Simon, Simon, loekoe, Satan ben wani abi joe, foe a kan wai joe leki aleisi; Les 4 - Da Froktoe foe da Jeje - Pasensi

  27. Didibri abi emotie • Bigi membre: Loekoe na san Paulus taki foe da wroko foe wan preikiman: I Tim. 3:6A no moesoe de njoen na ini bribi, so dati a no sa opo hemsrefi nanga bigi-membre, en fadon na ini da vonisi foe didibri. • .Hatibron: Openbaring 12:12 Foe dat'ede prisiri, oen hemel, en oen disi libi na dem ini. Heloe foe dem soema disi libi na grontapoe nanga da zee! Bikasi didibri ben saka kom na ondro na oen, en a abi bigi hatibron, bikasi a sabi dati a abi wan sjatoe tem nomo Les 4 - Da Froktoe foe da Jeje - Pasensi

  28. Didibri kan organizeer boen fasi • I Tim. 4:1 Now da Jeje taki krin dati na ini dem laasti dei, som soema sa libi da bribi, en dem sa arki na takroe jeje disi sa kori dem nanga dem leri foe dem takroe jeje. • Open. 2:9 Mi sabi joe wroko, nanga joe pina nanga joe mofina libi, (ma joe de goedoe) en Mi sabi fa dem soema kosi Gado disi taki dati dem de Djoe, ma tokoe dem no de Djoe, ma dem de foe da Djoe kerki foe Satan. Les 4 - Da Froktoe foe da Jeje - Pasensi

  29. Didibri abi hem dipi sani… • Open. 2:24Ma Mi taigi oen, nanga dem tra soema disi tan abra na ini Tyatira, so meni leki dem disi no abi dem leri disi, en dem disi no ben sabi dem dipi sani foe Satan, so leki dem taki: Mi no sa poti no wan tra hebi na oen tapoe. Les 4 - Da Froktoe foe da Jeje - Pasensi

  30. Didibri organizeer… • A ben de didibri disi ben opo da fosi opstand tegen Gado. Wi kan si fa a kan organizeer sani boen di a ben wini 1/3 foe dem engel foe hemel foe waka na hem baka: Open. 12:4En hem tere ben srepi di foe drie pisi foe dem stari foe hemel, en a ben trowe dem go na tapoe grontapoe; en da draak ben tanapoe na fesi foe da oema disi ben klari foe meki, foe swari hem pikin so esi leki a ben sa meki hem Les 4 - Da Froktoe foe da Jeje - Pasensi

  31. Didibri organizeer • Didibri sa tiri en de na fesi foe da laasti opstand tegen Gado: Open. 20:7-9 7. En te dem doesoen jari kaba, dem sa loesoe Satan komopo foe hem doengroe-oso, 8. En a sa go na doro foe kori dem natie disi de na dem fo hoekoe foe grontapoe, Gog nanga Magog, foe tjari dem kom makandra foe feti; da nomroe foe dem soema ben de leki da santi foe da zee. 9. Dem ben komopo foe da bradi foe grontapoe, en dem ben go lontoe da kampoe foe dem santawan, nanga da lobi foto; en faja ben saka komopo foe Gado na ini hemel, en a ben swari dem. Les 4 - Da Froktoe foe da Jeje - Pasensi

  32. Dem nem foe Satan • Satan (tegenstander) disi de da nem dem kari hem moro foeroe leki iniwan trawan - 52 leisi na ini da Bijbel. • .Didibri (bedriegiman - da soema disi pori wi nem) 35 leisi • .Da fesiman foe da makti na loktoe: Efesi 2:2Na ini dem dei na wi baka, oen ben waka na da pasi foe grontapoe, na da fasi foe da fesiman foe da makti na ini da loktoe, da jeje disi wroko now na ini dem pikin foe tranga-jesi. Les 4 - Da Froktoe foe da Jeje - Pasensi

  33. Dem nem foe Satan • Da gado foe disi grontapoe: II Kor. 4:4Disi da gado foe disi grontapoe ben breni da prakseri foe dem soema disi no bribi, so dati da leti foe da glori boen njoensoe foe Kristus, disi de da prenki foe Gado, no man skijn gi dem. • .Da kownoe foe dede: Heb. 2:14 Foe dat'ede, sinsi dem pikin abi skin nanga broedoe, Hemsrefi ben teki da srefi fasi toe, so dati doro da dede A ben sa figi hem disi ben abi da krakti foe dede poeroe, dati wani taki, didibri; Les 4 - Da Froktoe foe da Jeje - Pasensi

  34. Dem nem foe Satan • Da fesiman foe da grontapoe disi: Jn. 12:31 Da kroetoe foe grontapoe de now; now dem sa poeroe da fesiman foe disi grontapoe trowe. • .Da hedeman foe doengroe Efesi 6:12 Bikasi wi no feti agensi skin nanga broedoe, ma agensi dem fesiman, agensi dem maktiwan, agensi dem hedeman foe doengroe foe disi grontapoe, agensi jeje takroedoe na ini hei presi. (Mi bribi dati disi taki foe moro foeroe takroe jeje toe) Les 4 - Da Froktoe foe da Jeje - Pasensi

  35. Dem nem foe Satan • Leviatan: (da wan disi libi na ini da zee foe libisoema) Jes. 27:1Na da dei dati, MASRA sa strafoe leviatan, da lowe sneki, da kron sneki nanga Hem bigi tranga howroe; en A sa kiri da bigi meti disi de na ini da zee. • .Lucifer (soema disi tjari leti, brinki wan) Jes. 14:12 O fa joe ben fadon komopo foe hemel, O Lucifer, manpikin foe mamanten! Fa A ben koti joe trowe na tapoe da gron, joe disi ben meki dem natie kom swaki! Les 4 - Da Froktoe foe da Jeje - Pasensi

  36. Dem nem foe Satan • Draak: Open. 12:7 En wan feti ben de na ini hemel; Michaël nanga hem engel ben feti agensi da draak; en da draak nanga hem engel ben feti, • .Koriman: Open. 20:10En dem ben trowe didibri disi ben kori dem na ini da zee foe faja nanga swarfoe, pe da meti nanga dem falsi profeti de, en a sa pina dei nanga neti foe teego. • .Apollyon (soema disi pori efoe figi poeroe) Open. 9:11En wan kownoe ben de na dem tapoe, disi de da engel foe da peti disi no abi gron, en hem nem na ini Hebreewse tongo de Abaddon, en na ini Grieki tongo, a de Apollyon. (A de didibri efoe wan foe dem wrokoman foe hem) Les 4 - Da Froktoe foe da Jeje - Pasensi

  37. Dem nem foe Satan • Beelzebub (fesiman foe dem takroe jeje) Mt. 12:24Ma di dem Fariseeman ben jere disi, dem ben taki: Da soema disi no jagi takroe jeje poeroe boiti doro Beëlzebul, da hedeman foe dem takroe jeje. • .Belial (fisti, feti sondro foe tapoe) II Kor. 6:15En sortoe akkorderi Kristus abi nanga Belial? En sortoe pisi wroko wan bribisoema abi nanga wan soema disi no de bribi? Les 4 - Da Froktoe foe da Jeje - Pasensi

  38. Dem nem foe Satan • Da ogri wan: Mt. 13:38 Da pranigron de grontapoe; da boen siri de dem pikin foe da kownoekondre; ma dem takroe pransoen de dem pikin foe da ogriwan; • .Da tesiman: I Tess. 3:5Bikasi foe disi, di mi no ben man hori misrefi moro langa, mi ben seni hem go foe sabi fa oen bribi de, en efoe da tesiman ben feni wan fasi foe tesi oen, en wi wroko ben de foe soso. Les 4 - Da Froktoe foe da Jeje - Pasensi

  39. Dem nem foe Satan • Da klagiman foe dem brada foe wi: Open. 12:10En mi ben jere wan tranga stem taki na ini hemel taki: Now verloesoe nanga tranga nanga da kownoekondre foe wi Gado nanga da krakti foe Hem Kristus de kom; bikasi dem fringi da klagiman foe wi brada trowe, disi ben klagi dem na fesi foe wi Gado dei nanga neti. • .Wan engel foe leti: II Kor. 11:14En disi no de wan verwondroe sani, bikasi Satan hemsrefi kenki foe gersi wan engel foe leti. Les 4 - Da Froktoe foe da Jeje - Pasensi

  40. Dem nem foe Satan • Wan leiman & wan kiriman Jn. 8:44Oen de foe oen tata, didibri, en oen de doe dem lostoe foe oen tata. A ben de wan kiriman sinsi da bigin, en a no ben tan na ini da waarheid, bikasi da waarheid no de na hem ini kwet'kweti. Te a taki leitori, a taki foe hemsrefi, bikasi a de wan leiman, nanga da tata foe lei. • Da feanti: Mt. 13:39 Da feanti disi ben zaai dem de didibri; Les 4 - Da Froktoe foe da Jeje - Pasensi

  41. Dem nem foe Satan • Wan krasi leeuw: I Pet. 5:8Tan nanga krin ai nanga krin hede, bikasi oen feanti, didibri, de leki wan krasi leeuw disi waka lontoe foe soekoe soema a kan swari. Les 4 - Da Froktoe foe da Jeje - Pasensi

  42. Dem wroko foe Satan • A proberi foe sori hemsrefi leki Gado: Satan wroko na wan koni fasi foe sori hemsrefi leki Gado. Wi denki foeroe leisi abra satan leki a de da soema disi tanapoe agensi dem plan foe Gado, en disi de troe. Ma som leisi da moro boen fasi foe tapoe wan sani de foe sori joesrefi krosibei na da srefi fasi. Les 4 - Da Froktoe foe da Jeje - Pasensi

  43. Dem wroko foe Satan • Mi bribi dati satan wroko moro effective na ini da fasi disi leki foe kom direkt tegen Gado. Kande a wroko doro wan preikiman disi sori hemsrefi leki wan man foe Gado, ma a no bribi na ini da broedoe foe Kristus, na ini da waarheid foe da Bijbel, en da hopoe foe da libi foe teego. Disi kan doe moro foe satan leki efoe da preikiman ben sori hemsrefi leki wan bigi ogriman. Satan no lobi Gado, ma a wani gersi hem: Les 4 - Da Froktoe foe da Jeje - Pasensi

  44. Satan prei Gado • Da falsi drie-in-eenheid Satan prei leki Gado da Tata, da antikristus sori hemsrefi leki Gado da Pikin, en da falsi profeti sori hemsrefi leki da Santa Jeje. • Open. 13:2En da meti disi mi ben si ben de leki wan tigri, en hem foetoe ben gersi dem foetoe foe wan beer, en hem mofo ben de leki da mofo foe wan leeuw, en da draak ben gi hem krakti, hem kownoe-stoeroe, nanga bigi makti na hem. • 16:13 En mi ben si drie takroe jeje disi gersi todo komopo foe da mofo foe da draak en foe da mofo foe da meti en foe da mofo foe da falsi profeti. Les 4 - Da Froktoe foe da Jeje - Pasensi

  45. Didibri abi hem kerki • A de troe dati na ini da V.S. nanga omeni tra presi wi abi omeni doesoen kerki disi kari da nem foe Kristus ben dem no bribi tapoe da broedoe foe Kristus, efoe da Bijbel, efoe da hopoe foe da libi foe teego. Wi kan kari dem wan sortoe kerki foe didibri. • Open. 2:9 Mi sabi joe wroko, nanga joe pina nanga joe mofina libi, (ma joe de goedoe) en Mi sabi fa dem soema kosi Gado disi taki dati dem de Djoe, ma tokoe dem no de Djoe, ma dem de foe da Djoe kerki foe Satan. Les 4 - Da Froktoe foe da Jeje - Pasensi

  46. Satan abi hem falsi leri • A abi hem leri so srefi leki Gado abi Hem leri - leki evolutie, communisme, fascisme, nazisme, atheisme, materialisme, en moro foeroe toe de dem leri foe satan. Wi kan feni na dem mindri: verloesoe doro boen wroko, fri lobi, abortie te joe wani, homosexualiteit. Wi kan taki dati didibri abi hem leri, en a ben ontwikkel dem toe. • I Tim. 4:1Now da Jeje taki krin dati na ini dem laasti dei, som soema sa libi da bribi, en dem sa arki na takroe jeje disi sa kori dem nanga dem leri foe dem takroe jeje. Les 4 - Da Froktoe foe da Jeje - Pasensi

  47. Satan tjari falsi leri kom • I Tim. 4:1-61. Now da Jeje taki krin dati na ini dem laasti dei, som soema sa libi da bribi, en dem sa arki na takroe jeje disi sa kori dem nanga dem leri foe dem takroe jeje. 2. Dem taki lei na ini falsi fasi; dem konsensi ben bron nanga wan faja-isri. 3. Dem tapoe soema foe trow, en dem taki dati dem no moesoe njan wantoe njanjan, disi Gado ben meki foe ala soema disi bribi en sabi da waarheid moesoe teki dem nanga grantangi. Les 4 - Da Froktoe foe da Jeje - Pasensi

  48. Satan tjari falsi leri… • 4. Bikasi ibri sani disi Gado ben meki de boen, en a no de wan sani foe trowe, efoe wi teki hem nanga grantangi, 5. Bikasi a ben kom santa nanga da woortoe foe Gado nanga begi. 6. Efoe joe meki dem brada membre dem sani disi, joe sa de wan boen wrokoman foe Jezus Kristus disi ben gro na ini dem woortoe foe bribi nanga boen leri, en joe ben waka krosibei na dem baka. Les 4 - Da Froktoe foe da Jeje - Pasensi

  49. Satan abi hem kibri-tori • Gado sori wi som foe dem kibri-tori, ma trawan a no sori. So Gado abi Hem kibri-tori, en satan abi di foe hem toe. Paulus taki na ini II Tess. 2:7 Bikasi da kibri-tori foe sondoe wroko kaba; nomo da soema disi hori hem baka sa go doro te leki dem poeroe hem foe da pasi. • Open. 2:24 Ma Mi taigi oen, nanga dem tra soema disi tan abra na ini Tyatira, so meni leki dem disi no abi dem leri disi, en dem disi no ben sabi dem dipi sani foe Satan, so leki dem taki: Mi no sa poti no wan tra hebi na oen tapoe. Les 4 - Da Froktoe foe da Jeje - Pasensi

  50. Satan abi hem kownoe-stoeroe • Genesis 11, wi si dati da centrum foe da makti foe satan ben de na ini Babylon. Da toren foe Babel de wan bewijs. Som soema bribi dati na ini da tem foe Ezekiel, satan ben froisi dati go na Tyrus, en foe dat’ede Gado ben taki nanga satan doro da kownoe foe Tyrus. Na ini dem dei foe da apostel Paulus, a gersi dati a ben froisi na distrikt Asia na da foto Pergamos. Johannes ben skrifi gi dem soema disi ben libi drape. Les 4 - Da Froktoe foe da Jeje - Pasensi

More Related