1 / 9

Ikusi denak

Nahasteak bereizteko metodoak nahastea osatzen duten substantzien propietate fisiko (besteak beste, dentsitatea, irakite-tenperatura, disolbagarritasuna, agregazio-egoera, etab.) desberdinetan oinarritzen dira . Jarraian, gehien erabiltzen diren metodoetako batzuk aztertuko ditugu:.

rudolf
Download Presentation

Ikusi denak

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Nahasteak bereizteko metodoak nahastea osatzen duten substantzien propietate fisiko (besteak beste, dentsitatea, irakite-tenperatura, disolbagarritasuna, agregazio-egoera, etab.) desberdinetan oinarritzen dira . Jarraian, gehien erabiltzen diren metodoetako batzuk aztertuko ditugu: Bereizketa-metodoak nahaste heterogeneoetan Bereizketa-metodoak nahaste homogeneoetan Ikusi denak Ariketak

  2. Bereizketa-metodoak nahaste heterogeneoetan Iragazketa Nahastea osatzen duten substantzien partikulen tamaina desberdinean oinarritzen da. Solido bat likido batetik bereizteko erabiltzen da, solidoa likido horretan disolbagarria ez denean. Horretarako, nahastea material porotsu batetik igaroarazten da (papera, oihalak, etab.): poroa baino handiagoak diren partikulak material horretan geratuko dira. Laborategian, inbutu batean jarritako iragazki-papera erabiltzen da. Harea eta ura Iragazki-paper bat prestatzea Harea Harea eta ura Ura Ura Ura

  3. Bereizketa-metodoak nahaste heterogeneoetan Dekantazioa Metodo horren oinarria da nahaste homogeneoa osatzen ez duten bi likidoren (hau da, bi likido nahastezinen) dentsitate desberdina. Bi likidoak bereizteko, dekantazio-inbutu batean botako ditugu, eta jalkitzen utziko ditugu, dentsitate txikieneko likidoa beste likidoaren gainean egon arte. Bi likidoak bereizi direnean, inbutuaren giltza irekiko dugu, eta dentsitate handieneko likidoa prezipitatu-ontzi edo matraze batean jasoko dugu, irudian ageri den moduan. Dentsitate txikieneko likidoa inbutuaren goiko aldetik aterako dugu, txorrota itxi eta gero. Olioa Ura Ura

  4. Bereizketa-metodoak nahaste heterogeneoetan Bereizketa magnetikoa Teknika horren oinarria zenbait substantziaren propietate magnetikoak dira. Eremu magnetiko bat (iman bat) aplikatzen da, imanak erakarritako substantziak nahastetik ateratzeko. Metodo hori hondakinen tratamendurako lantegietan erabiltzen da, zaborretako metalak bereizteko.

  5. Bereizketa-metodoak nahaste heterogeneoetan Sedimentazioa Metodo hori, dekantazioa bezala, nahastea osatzen duten substantzien dentsitate desberdinean oinarritzen da. Bi metodoen arteko aldea da sedimentazioak aukera ematen duela solidoak likidoetatik bereizteko. Metodo horretan, nahastea jalkitzen uzten da, solidoak hondora joan arte, dentsitate handiagoa baitute. Prozesu hori bizkortu daiteke, zentrifugagailu bat erabiliz (ikus argazkia). Zentrifugagailuan, nahastea abiadura handian birarazten da, solidoak hondoan bizkor meta daitezen.

  6. Bereizketa-metodoak nahaste homogeneoetan Destilazioa Nahasteen osagaien irakite-tenperatura desberdinean oinarritzen da. Elkarrekin disolbagarri diren likidoak bereizteko erabiltzen da. Destilazioa egiteko, nahastea matraze batean berotzen da. Sortzen den lurruna irakite-tenperatura txikieneko substantziarena da, lehenen lurruntzen baita. Lurrun horiek hozgarritik zehar igaroarazten dira –ur hotzeko zirkuitu batean sartutako hodi bat da–, kondentsatu egiten dira, eta horri esker, matraze batean bil ditzakegu. Termometroa Hozgarria Hustubidera Alkohol-lurrunak Alkohola + ura Alkohola Ur hotza

  7. Bereizketa-metodoak nahaste homogeneoetan Kristalizazioa Likido batean disolbatutako solidoak bereizteko teknika da, eta hau du oinarri: nahaste bateko osagaien disolbagarritasuna aldatu egiten dela, tenperatura aldatzean. Horretarako, disoluzioa berotzen da, uraren zati bat kentzeko, eta jalkitzen uzten da kristalizadore batean (beirazko ontziak dira, azalera handikoak). Denbora apur bat igaro eta gero, likidoa hoztu egingo da, eta solidoak berriz, kristalak eratuko ditu hondoan, haren disolbagarritasuna txikitu delako.

  8. Bereizketa-metodoak nahaste homogeneoetan Kromatografia Hau da teknika horren oinarria: mugimenduan dagoen disolbatzaile batek arrastatzean, disoluzio bateko osagaiak abiadura desberdinean mugitzen direla ingurune porotsu batean zehar. Teknika hori egiteko modu bat da iragazki-paper baten muturra sartzea disoluzioa duen ontzian. Disolbatzaileak, iragazki-papera bustitzean eta paperean gora egitean, disoluzioaren osagaiak arrastatzen ditu. Osagai horiek, abiadura desberdinean mugitzen direnez, kolore desberdineko zerrendak utziko dituzte iragazki-paperean.

  9. Ariketak Nola bereiziko zenuke karraka-hautsen eta zerrautsaren nahaste bat? Gatza bota duzu ur-baso batean. Berreskuratu al daiteke gatza? Adierazi zer prozedura erabiliko zenukeen hori egiteko. Lohiz eta olioz osatutako lagin bat hartuko dugu. Adierazi zer egingo zenukeen osagaiak bereizteko. Zer da destilazioa? Asmatu prozedura bat, errotuladore edo bolaluma baten tinta substantzia purua ala nahastea den jakiteko. Oharra: izan kontuan tinta alkoholean disolbatzen dela; uretan, ez.

More Related