Kū-iok Iok-su-a Tē chhit chiuⁿ

1. Pa-khek-lé Siu-tèng-pán Sèng-keng巴克禮修訂版聖經 Kū-iokIok-su-a Tē chhit chiuⁿ 舊約 《約書亞記》 第七章 JOSHUA

2. Iok-su-a 《約書亞記》JoshuaTē chhit chiuⁿ 第七章Tē 1 chat 第一節 Chóng-sī Í-sek-lia̍t lâng tī eng-kai hiàn ê mi̍h ū hoān-choē; in-ūi Iû-tāi ê chi-phài-tiong, Siā-la̍h ê cheng-sun, Sat-tí ê sun, Ka-bí ê kiáⁿ, A-kan the̍h eng-kai hiàn ê mi̍h; Iâ-hô-hoa chiū siū-khì Í-sek-lia̍t lâng.總是以色列人tī應該獻ê物有犯罪； 因為猶大ê支派中，Siā-la̍h ê曾孫， Sat-tí ê孫，Ka-bí ê kiáⁿ，A-kan the̍h應該獻ê物； 耶和華就受氣以色列人。

3. Iok-su-a 《約書亞記》JoshuaTē chhitchiuⁿ 第七章Tē 2chat 第二節 Iok-su-a tùi Iâ-lī-ko chhe lâng khì Pek-te̍k-lī tang-sì, oá-kūn Pek-a-bûn ê Ai siâⁿ, hoan-hù in kóng, Lín chiūⁿ-khì thau-khoàⁿ hit ê toē; in chiū chiūⁿ-khì thau-khoàⁿ Ai ê siâⁿ.約書亞tùi耶利哥差人去Pek-te̍k-lī 東勢，oá近Pek-a-bûn ê Ai城，吩咐in 講：Lín上去偷看hit-ê地； in就上去偷看Ai ê城。

4. Iok-su-a 《約書亞記》JoshuaTē chhitchiuⁿ 第七章Tē 3 chat 第三節 In tò-lâi kàu Iok-su-a hia, kā i kóng, M̄-bián hō͘ chèng peh-sìⁿ chiūⁿ-khì; tāi-iok nn̄g-saⁿ chheng lâng chiūⁿ-khì phah Ai siâⁿ, chiū hó; m̄-bián lô-tōng chèng peh-sìⁿ khì kàu hia; in-ūi hia ê lâng chió-chió.In tò來到約書亞hia，kā伊講，m̄免hō͘眾 百姓上去；大約兩三千人上去 phah Ai城，就好；m̄免勞動眾百姓 去到hia；因為hia ê人少少。

5. Iok-su-a 《約書亞記》JoshuaTē chhit chiuⁿ 第七章Tē 4 chat 第四節 Tùi án-ni peh-sìⁿ-tiong iok-lio̍k saⁿ-chheng lâng chiūⁿ-khì hia; kéng-jiân tī Ai siâⁿ ê lâng ê bīn-chêng tô-cháu.Tùi án-ni，百姓中約略三千 人上去hia；竟然tī Ai城ê人 ê面前逃走。

6. Iok-su-a 《約書亞記》JoshuaTē chhit chiuⁿ 第七章Tē 5 chat 第五節 Ai siâⁿ ê lâng thâi-sí in iok-lio̍k saⁿ-cha̍p-la̍k lâng; in tùi siâⁿ-mn̂g-chêng tui-koáⁿ in, kàu Sī-pa-lîm tī in lo̍h-kē ê só͘-chāi phah-sí in; chèng peh-sìⁿ chiū sit-táⁿ, loán-jio̍k chhin-chhiūⁿ chúi.Ai城ê人thâi死in約略三十六人； in tùi城門前追趕in，到Sī-pa-lîm tī in落低ê所在phah死in；眾百姓就 失膽，軟弱親像水。

7. Iok-su-a 《約書亞記》JoshuaTē chhit chiuⁿ 第七章Tē 6 chat 第六節 Iok-su-a chiū thiah-li̍h saⁿ; i kap Í-sek-lia̍t êtiúⁿ-ló, tī Iâ-hô-hoa ê kūi-chêng, phak tīthô͘-kha, kàu ê-hng, iā ēng tîn-ai sám tī thâu-khak.約書亞就拆裂衫；伊kap以色列ê長老， tī耶和華ê櫃前，仆tī土腳， 到ê-hng，也用塵埃sám tī頭殼。

8. Iok-su-a 《約書亞記》JoshuaTē chhit chiuⁿ 第七章Tē 7 chat 第七節 Iok-su-a kóng, Ai-ah, Chú Iâ-hô-hoa ah, Lí siáⁿ-sū chhoā chiah ê peh-sìⁿ kè chit ê Iok-tàn, chiong goán kau tī A-mô͘-lī lâng ê chhiú, hō͘ goán bia̍t-bô ah? Khó-sioh goán bô lia̍h tiàm tī Iok-tàn hit-pêng choè kàu-gia̍h.約書亞講：Aiah，主耶和華ah，你啥事chhoā chiah-ê百姓過chit-ê約旦，將阮交tī A-mô͘-lī人ê手，hō͘阮滅無ah？可惜 阮無掠tiàm tī約旦hit-pêng做夠額。

9. Iok-su-a 《約書亞記》JoshuaTē chhit chiuⁿ 第七章Tē 8 chat 第八節 Chú ah, Í-sek-lia̍t lâng í-keng tī tùi-te̍k ê bīn-chêng oa̍t-tńg-sin cháu, goá iáu ū sím-mi̍h thang kóng ah?主ah，以色列人已經tī對敵 ê面前oa̍t-tńg身走，我iáu 有甚麼thang講ah？

10. Iok-su-a 《約書亞記》JoshuaTē chhit chiuⁿ 第七章Tē 9 chat 第九節 In-ūi Ka-lâm lâng kap chit só͘-chāi it-chhè khiā-khí ê peh-sìⁿ thiaⁿ-kìⁿ, chiū beh ûi-khùn goán, tû-bia̍t goán ê miâ tī toē-chiūⁿ; hit-sî Lí ūi-tio̍h Lí ê toā-miâ beh cháiⁿ-iūⁿ ah?因為迦南人kap chit所在一切khiā起ê 百姓聽見，就beh圍困阮，除滅 阮ê名tī地上；hit時你為tio̍h 你ê大-名beh怎樣ah？

11. Iok-su-a 《約書亞記》JoshuaTē chhitchiuⁿ 第七章Tē 10 chat 第十節 Iâ-hô-hoa kā Iok-su-a kóng, Khí-lâi, lí siáⁿ-sū án-ni phak tī toē-ni̍h ah?耶和華kā約書亞講：起來， 你啥事án-ni仆tī地裡ah？

12. Iok-su-a 《約書亞記》JoshuaTē chhit chiuⁿ 第七章Tē 11 chat 第十一節 Í-sek-lia̍t hoān-choē, ûi-poē Goá só͘ bēng-lēng in ê iok, chhú eng-kai hiàn ê mi̍h, iā thau-the̍h, iā kiâⁿ khúi-chà, khǹg tī in ê ke-khì-tiong.以色列犯罪，違背我所命令 in ê約，取應該獻ê物， 也偷the̍h，也行詭詐， khǹg tī in ê家器中。

13. Iok-su-a 《約書亞記》JoshuaTē chhit chiuⁿ 第七章Tē 12 chat 第十二節 In-ūi án-ni Í-sek-lia̍t lâng tī tùi-te̍k ê bīn-chêng khiā-boē-tiâu; in tī tùi-te̍k ê bīn-chêng oa̍t-tńg-sin cháu, sī in-ūi in chiâⁿ-choè siū chiù-chó͘; lín nā bô chiong eng-kai hiàn ê mi̍h, tùi lín tiong-kan tû-khì, Goá chiū bô koh kap lín saⁿ-kap tī-teh.因為án-ni以色列人tī對敵ê面前 hiā-boē-tiâu；in tī對敵ê面前oa̍t-tńg身走， 是因為in成做受咒詛；lín若無將 應該獻ê物，tùi lín中間除去， 我就無koh kap lín相kap tī-teh。

14. Iok-su-a 《約書亞記》JoshuaTē chhitchiuⁿ 第七章Tē 13 chat 第十三節 Lí khí-lâi, hō͘ peh-sìⁿ chheng-khì, kā in kóng, Lín tio̍h ka-kī chheng-khì pī-pān bîn-á-ji̍t; in-ūi Iâ-hô-hoa Í-sek-lia̍t ê Siōng-tè án-ni kóng, Í-sek-lia̍t ah, lín iáu-bē kau-chhut hit ê mi̍h, chiū tī tùi-te̍k ê bīn-chêng lín beh khiā-boē-tiâu.你起來，hō͘百姓清氣，kā in講：Lín tio̍h 家己清氣備辦明á日；因為耶和華 以色列ê上帝án-ni講：以色列ah， lín iáu未交出hit-ê物，就tī對敵 ê面前lín beh khiā-boē-tiâu。

15. Iok-su-a 《約書亞記》JoshuaTē chhit chiuⁿ 第七章Tē 14 chat 第十四節 Bîn-á-chá-khí lín tio̍h chiàu lín ê chi-phài kūn-chêng lâi; Iâ-hô-hoa só͘ chhú ê chi-phài, tio̍h chiàu chong-cho̍k kūn-chêng lâi; Iâ-hô-hoa só͘ chhú ê chong-cho̍k, tio̍h chiàu ke-koàn kūn-chêng lâi; Iâ-hô-hoa só͘ chhú ê ke-koàn, tio̍h chiàu jîn-teng, chi̍t-ê chi̍t-ê kūn-chêng lâi.明á早起lín tio̍h照lín ê支派近前來； 耶和華所取ê支派，tio̍h照宗族 近前來；耶和華所取ê宗族，tio̍h照 家眷近前來；耶和華所取ê家眷， tio̍h照人丁，一個一個近前來。

16. Iok-su-a 《約書亞記》JoshuaTē chhitchiuⁿ 第七章Tē 15 chat 第十五節 Siū chhú-tio̍h ê lâng, ū eng-kai hiàn ê mi̍h tī i hia, i kap i só͘-ū-ê, tio̍h siū hé sio; in-ūi i ū poē Iâ-hô-hoa ê iok, koh in-ūi i tī Í-sek-lia̍t tiong ū kiâⁿ gōng-gōng ê sū.受取tio̍h ê人，有應該獻ê物tī伊hia， 伊kap 伊所有ê，tio̍h受火燒；因為伊有背 耶和華ê約，koh因為伊tī以色列中 有行戇戇ê事。

17. Iok-su-a 《約書亞記》JoshuaTē chhit chiuⁿ 第七章Tē 1 6chat 第十六節 Thiⁿ-kng, Iok-su-a chá-chá khí-lâi, hō͘ Í-sek-lia̍t lâng chiàu chi-phài kūn-chêng lâi; chhú-tio̍h-ê sī Iû-tāi chi-phài;天光，約書亞早早起來， hō͘以色列人照支派近前來； 取tio̍h-ê是猶大支派；

18. Iok-su-a 《約書亞記》JoshuaTē chhit chiuⁿ 第七章Tē 1 7chat 第十七節 hō͘ Iû-tāi ê chong-cho̍k kūn-chêng-lâi, chiū chhú-tio̍h Siā-la̍h ê chong-cho̍k; hō͘ Siā-la̍h chong-cho̍k ê jîn-teng chi̍t-ê chi̍t-ê kūn-chêng lâi, chiū chhú-tio̍h Sat-tí;Hō͘猶大ê宗族近前來， 就取tio̍h Siā-la̍h ê宗族；hō͘ Siā-la̍h 宗族ê人丁一個一個近前來， 就取tio̍h Sat-tí；

19. Iok-su-a 《約書亞記》JoshuaTē chhit chiuⁿ 第七章Tē 18 chat 第十八節 hō͘ i ê ke chiàu jîn-teng chi̍t-ê chi̍t-ê kūn-chênglâi, chiū chhú-tio̍h Iû-tāi chi-phài ê lâng siā-la̍h ê cheng-sun, Sat-tí ê sun, Ka-bí ê kiáⁿ A-kan.Hō͘伊ê家照人丁一個一個近前來， 就取tio̍h猶大支派ê人Siā-la̍h ê曾孫，Sat-tí ê孫，Ka-bí ê kiáⁿ A-kan。

20. Iok-su-a 《約書亞記》JoshuaTē chhit chiuⁿ 第七章Tē 19 chat 第十九節 Iok-su-a tùi A-kan kóng, Goá ê kiáⁿ, goá khǹg lí tio̍h kui êng-kng Iâ-hô-hoa Í-sek-lia̍t ê Siōng-tè, tī I ê bīn-chêng jīn-choē, chiong lí só͘ choè ê sū kā goá kóng, m̄-thang tùi goá ún-moâ.約書亞對A-kan講：我ê kiáⁿ，我勸你tio̍h 歸榮光耶和華以色列ê上帝， Tīi祂ê面前認罪，將你所做ê事kā 我講：m̄-thang對我隱瞞。

21. Iok-su-a 《約書亞記》JoshuaTē chhit chiuⁿ 第七章Tē 20 chat 第二十節 A-kan ìn Iok-su-a kóng, Goá si̍t-chāi tek-choē Iâ-hô-hoa Í-sek-lia̍t ê Siōng-tè; goá só͘ choè ê sū sī án-ni, án-ni;A-kan 應約書亞講： 我實在得罪 耶和華以色列ê上帝； 我所做ê事是án-ni，án-ni；

22. Iok-su-a 《約書亞記》JoshuaTē chhit chiuⁿ 第七章Tē 21 chat 第二十一節 goá tī só͘ chhiúⁿ ê châi-bu̍t-tiong khoàⁿ-kìⁿ chi̍t-niá Sī-ná ê súi-saⁿ, gûn nn̄g-pah sià-khek-le̍k, kim chi̍t-tiāⁿ, tāng gō͘-cha̍p sià-khek-le̍k, goá tham chiah ê mi̍h, chiū the̍h i, taⁿ tâi tī goá ê pò͘-pîⁿ-lāi ê thô͘-kha-ē, gûn tī i ê ē-toé.我tī所搶ê財物中看見一領Sī-ná ê súi衫，銀兩百sià-khek-le̍k，金一tiāⁿ，重 五十sià-khek-le̍k，我貪 chiah-ê物，就the̍h伊， taⁿ tâi tī我ê布棚內ê土腳下，銀tī伊ê下底。

23. Iok-su-a 《約書亞記》JoshuaTē chhit chiuⁿ 第七章Tē 22 chat 第二十二節 Iok-su-a chiū chhe lâng khì, in chiū khì, kàu i ê pò͘-pîⁿ; khoàⁿ ah, hit ê mi̍h kó-jiân khǹg tī i ê pò͘-pîⁿ-lāi, gûn tī ē-toé.約書亞就差人去，in就去， 到伊ê布棚；看ah，hit-ê物果然 khǹg tī伊ê布棚內，銀tī下底。

24. Iok-su-a 《約書亞記》JoshuaTē chhit chiuⁿ 第七章Tē 23 chat 第二十三節 In chiū tùi pò͘-pîⁿ-lāi the̍h-chhut-lâi, toà kàu Iok-su-a kap Í-sek-lia̍t chèng-lâng hia, hē tī Iâ-hô-hoa ê bīn-chêng.In就tùi布棚內the̍h出來， 帶到約書亞kap以色列眾人 hia，hē tī耶和華ê面前。

25. Iok-su-a 《約書亞記》JoshuaTē chhit chiuⁿ 第七章Tē 24 chat 第二十四節 Iok-su-a kap Í-sek-lia̍t chèng-lâng, chiong Siā-la̍h ê cheng-sun A-kan, kap hit ê gûn, hit kiāⁿ saⁿ, hit tiāⁿ kim, kap i ê kiáⁿ, cha-bó͘-kiáⁿ, gû, lû, iûⁿ, pò͘-pîⁿ, í-ki̍p i it-chhè só͘-ū-ê, lóng toà kàu A-kat ê soaⁿ-kok.約書亞kap以色列眾人，將Siā-la̍h ê 曾孫A-kan，kap hit-ê銀，hit 件相衫，hit tiāⁿ金， kap伊ê kiáⁿ、cha-bó͘-kiáⁿ、牛、驢、羊、布棚， 以及伊一切所有ê，lóng帶到A-kat ê山谷。

26. Iok-su-a 《約書亞記》JoshuaTē chhit chiuⁿ 第七章Tē 25 chat 第二十五節 Iok-su-a kóng, Lí siáⁿ-sū hāi goán? kin-á-ji̍t Iâ-hô-hoa iā beh hāi lí. Tùi án-ni Í-sek-lia̍t chèng-lâng ēng chio̍h-thâu tìm-sí i; ēng hé sio in, chiong chio̍h-thâu tìm in.約書亞講：你啥事害阮？今á日 耶和華也beh害你。Tùi án-ni，以色列 眾人用石頭tìm死伊； 用火燒in，將石頭tìm in。

27. Iok-su-a 《約書亞記》JoshuaTē chhit chiuⁿ 第七章Tē 26 chat 第二十六節 Chèng-lâng tī i ê téng-bīn thia̍p chi̍t toā-tui ê chio̍h, kàu tī kin-á-ji̍t; tùi án-ni Iâ-hô-hoa siu-hoê I ê toā siū-khì. Só͘-í hit só͘-chāi miâ-kiò A-kat ê soaⁿ-kok, kàu kin-á-ji̍t.眾人tī伊ê頂面疊一大堆ê石， 到tī今á日；tùi án-ni，耶和華收回祂ê 大受氣。所以hit所在名叫 A-kat ê山谷，到今á日。