Guðni Gíslason, fjölmiðlanefnd Rótarýumdæmisins: Fjölmiðlastefna Rótarýs á Íslandi

1. Guðni Gíslason, fjölmiðlanefnd Rótarýumdæmisins:Fjölmiðlastefna Rótarýs á Íslandi

2. Samskipti við fjölmiðla Samskipti við fjölmiðla byggjast á tengslum og upplýsingaflæði. Efni sem fjölmiðlum er sent þarf því að vera skýrt og greinargott. Upplýsingaflæði Rótarýs felst helst í ritun frétta á heimasíðu sem sendar eru til fjölmiðla. Heimasíða Rótarýumdæmisins og rótarýklúbbanna er kjörinn vettvangur fyrir fjölbreyttar fréttir úr starfinu og góð æfing áður en fréttir eru sendar annað. Fjölmiðlanefnd Rótarýumdæmisins • Guðni Gíslason

3. Samskipti við fjölmiðla • Í samskiptum við fjölmiðla skal gæta réttsýni og þess að samskiptin séu trúanleg og tímanleg. Trúverðugleiki Rótarýhreyfingarinnar á Íslandi er lykillinn að því að efla og treysta orðstír Rótarýs og ímynd samtakanna út á við. Hafið í huga að samskipti við fjölmiðla eru vandasöm en alls ekki flókin. • Hafið fjórprófið í huga við vinnslu frétta. „Er það satt og rétt? Er það drengilegt? Eykur það velvild og vinarhug? Er það öllum til góðs?“. • Forseti hvers klúbbs ber ábyrgð á því efni sem frá klúbbnum fer. Skýrt þarf að vera hver semur og sendir fréttaefni frá klúbbunum. • Leggið áherslu á að koma fréttnæmum atburðum til fjölmiðla af starfi Rótarýs. Fréttir af peningagjöfum, styrkjum, heiðrunum og sérstökum verkefnum eiga erindi til fjölmiðla. • Gætið þess að nafn rótarýklúbbsins eða hreyfingarinnar komi alltaf fram í fréttatilkynningunni.  • Hafið í huga: • Að tengja öll verkefni klúbbanna við markmið Rótarýs og þau má finna á www.rotary.is • Þema hvers mánaðar má finna á www.rotary.is Fjölmiðlanefnd Rótarýumdæmisins • Guðni Gíslason

4. Hagnýt atriði • Nýtið heimamiðla vel, þeir eru viljugastir til að birta fréttir frá klúbbunum. • Gefið fjölmiðlum kost á að senda myndatökumenn og fréttamenn á staðinn ef við á. Látið vita af merkilegum viðburðum í tíma. • Gleymið ekki ritnefnd Rótarývefsins (ritnefnd@rotary.is) sem aðstoðar við að tengja frétt á  klúbbsíðu hvers rótarýklúbbs við forsíðu Rótarývefsins. • Sendið fréttatilkynningu snemma að morgni ef tilkynningin á að birtast á vefmiðlum eða í landsblöðunum þann dag. • Sendið fréttatilkynningu á héraðsfréttablöð, bæjarblöð og landsmálafjölmiðla. • Forgangsröðun: Fylgið fréttatilkynningum eftir með símtali til fréttamanna. • Kynningarstjóri Rótarý aðstoðar klúbba við fréttir ef þörf er á. Fjölmiðlanefnd Rótarýumdæmisins • Guðni Gíslason

5. Myndir • Takið alltaf stafrænar myndir. Takið fleiri en færri  þannig að hægt sé að velja úr og takið þær bæði á „portrait“ og „landscape“ formi. Eða sendið mynd með fréttatilkynningu sem er tengd atburðinum eða efninu. • Finna má myndir úr almennu rótarýstarfi á rotary.org • Getið höfunda mynda. • Myndir þurfa að hæfa þeim miðlum sem sent er til. Í prentmiðla þarf að tryggja að myndir séu nægilega stórar. Best er að senda þær eins og þær koma beint úr myndavélinni. • Sendið myndir alltaf sem fylgiskjöl á jpg sniði, aldrei í Word, Powerpoint eða PDF skjölum • Myndir úr lifandi starfi eru alltaf skemmtilegri en uppraðað fólk. Hafið fjölmiðilinn í huga þegar þið takið myndir. Fjölmiðlanefnd Rótarýumdæmisins • Guðni Gíslason

6. Um textann • Byrjið á aðalatriðunum fyrst í textanum. Aukaatriðin koma síðar. Hver, hvað, hversvegna og hvenær, þarf að hafa í huga. Hafið setningar stuttar og skýrar. • Gætið þess að nafn Rótarýklúbbsins eða hreyfingarinnar komi alltaf fram í fréttatilkynningunni. • Forðist langar fréttatilkynningar, þær mega alls ekki vera lengri en ein A4 síða. Ef þið skrifið langan texta (þó ekki meira en eina A4) hafið skýra kaflaskiptingu. Ef blaðamaður þarf að stytta texta er betra að gefa kost á að sleppa heilum köflum en halda aðalatriðunum inni sem er í fyrsta eða fyrstu köflunum. • Forðist klisjur og endurtekningar. Málsháttum og orðtökum ætti að sleppa í textanum. Notið sagnorð sem mest. • Dragið út t.d. 3 punkta með því sem mikilvægast er í fréttinni, efst í fréttatilkynningu. • Þegar fréttatilkynningar eru sendar út þá þurfa upplýsingar um tengil að vera neðst í fréttatilkynningunni. • Nafn tengiliðs, netfang og sími þurfa að koma fram • Skrifið aldrei „Fréttatilkynning“ í efnisorð tölvupóstsins (subject) heldur frekar: „Rótarýklúbburinn færir Sjúkrahúsinu gjöf“. • Vandið stafsetningu og málfar. Látið lesa yfir frétt eða fréttatilkynningu áður en hún er send út. Fjölmiðlanefnd Rótarýumdæmisins • Guðni Gíslason

7. Rotary.is og Rotary Norden • Ritstjórn Rotary Norden tekur gjarnan við efni úr starfi klúbbanna. Hafið samband við íslenska ritstjórann, Markús Örn Antonsson og hann tekur ykkur fegins hendi. • Útnefning heiðursfélaga og Paul Harrisfélaga á líka heima í Rotary Norden. Þar þarf aðeins lítinn texta og góða mynd. Slíkar fréttir birtast gjarnan undir „Vimmel“ aftast í blaðinu. (Ath. slíkar fréttir eiga líka erindi á www.rotary.is) • Gleymið ekki ritnefnd Rótarývefsins (ritnefnd@rotary.is) sem aðstoðar við að tengja frétt á klúbbsíðu hvers rótarýklúbbs við forsíðu Rótarývefsins. Fjölmiðlanefnd Rótarýumdæmisins • Guðni Gíslason

8. Hvernig við skrifum Rótarý? • Stór stafur þegar við tölum um Rótarý sem hreyfingu og alltaf ó og ý nema í Rotary International • Lítill stafur í rótarýfélagi, rótarýklúbbur en stór í heiti klúbbs, t.d. Rótarýklúbbur Reykjavíkur. • Umdæmið okkar heitir Rótarýumdæmið á Íslandi - stundum nefnt Rótarý á Íslandi. Fjölmiðlanefnd Rótarýumdæmisins • Guðni Gíslason

9. Takk fyrir Fjölmiðlanefnd Rótarýumdæmisins • Guðni Gíslason

10. Takk fyrir Fjölmiðlanefnd Rótarýumdæmisins • Guðni Gíslason