Kū-iok Sat-b ó -jíⁿ K ì (II) Tē cha̍p-jī chiuⁿ

1. Pa-khek-lé Siu-tèng-pán Sèng-keng巴克禮修訂版聖經 Kū-iokSat-bó-jíⁿ Kì (II)Tē cha̍p-jī chiuⁿ 舊約 《撒母耳記下》 第十二章 II Samuel

2. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 1 chat 第一節 Iâ-hô-hoa chhe Ná-tan khì kìⁿ Tāi-pi̍t; i kàu i hia, kā i kóng, Tī chi̍t ê siâⁿ ū nn̄g-lâng, chi̍t-ê hó-gia̍h, chi̍t-ê sòng-hiong.耶和華差Ná-tan去見大衛； 伊到伊hia，kā伊講，Tī一個城有 兩人，一個好額，一個sòng-hiong。

3. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 2 chat 第二節 Hó-gia̍h-ê ū gû iûⁿ chin-choē;好額ê 有牛羊真choē；

4. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 3 chat 第三節 sòng-hiong lâng bô sím-mi̍h, chí-ū chi̍t chiah iûⁿ-chéng-á, chiū-sī i só͘ boé lâi chhī ê, i kap i tī-hia, kap i ê kiáⁿ saⁿ-kap tióng-toā, chia̍h i só͘ chia̍h-ê, lim i ê poe, khùn tī i ê heng-chêng, khoàⁿ i chhin-chhiūⁿ ka-kī ê cha-bó͘-kiáⁿ.sòng-hiong人無甚麼，只有一隻 羊種á，就是伊所買來飼ê，伊kap伊tī-hia， kap伊ê kiáⁿ相kap長大，食伊所食ê， lim伊ê杯，睏tī伊ê胸前， 看伊親像家己ê cha-bó͘-kiáⁿ。

5. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 4 chat 第四節 Ū chi̍t ê chhut-goā lâng kàu hó-gia̍h lâng hia, hó-gia̍h lâng m̄-kam tùi i ê iûⁿ-kûn gû-kûn chhú lâi pī-pān hō͘ lâng-kheh chia̍h; hoán-tńg chhú sòng-hiong lâng ê iûⁿ-á, pī-pān lâi hō͘ lâng-kheh chia̍h.有一個出外人到好額人hia， 好額人m̄甘對伊ê羊群牛群 取來備辦hō͘人客食； 反tńg 取sòng-hiong人ê羊á， 備辦來hō͘人客食。

6. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 5 chat 第五節 Tāi-pi̍t toā siū-khì hit-lâng, kā Ná-tan kóng, Goá kí éng-oa̍h ê Iâ-hô-hoa lâi chiù-choā, kiâⁿ chit ê tāi-chì ê lâng tio̍h sí;大衛大受氣hit人，kā Ná-tan講， 我kí永活ê耶和華來chiù-choā， 行chit-ê tāi-chì ê人tio̍h死；

7. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 6 chat 第六節 tio̍h pê i ê iûⁿ-á sì-pē; in-ūi i kiâⁿ chit ê sū, iā in-ūi i bô lîn-bín ê sim.tio̍h賠伊ê羊á 四倍； 因為伊行chit-ê事， 也因為伊無憐憫ê心。

8. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 7 chat 第七節 Ná-tan kā Tāi-pi̍t kóng, Lí chiū-sī hit-lâng. Iâ-hô-hoa Í-sek-lia̍t ê Siōng-tè án-ni kóng, Goá ēng iû boah lí choè Í-sek-lia̍t ê ông, kiù lí thoat-lī Sò-lô ê chhiú.Ná-tan kā大衛講，你就是hit人。 耶和華以色列ê上帝án-ni講， 我用油抹你做以色列ê王， 救你脫離掃羅ê手。

9. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 8 chat 第八節 Goá koh ēng lí ê chú ê chhù-the̍h hō͘ lí, ēng lí ê chú hiah ê bó͘ kau tī lí ê heng-chêng; koh ēng Í-sek-lia̍t kap Iû-tāi ke hō͘ lí; chiah-ê nā iáu lia̍h-choè sió-khoá, Goá oē ke-thiⁿ chit-hō hit-hō hō͘ lí.我koh用你ê主ê厝宅hō͘你， 用你ê主hiah-ê bó͘交tī你ê胸前；koh用 以色列kap猶大家hō͘你；chiah-ê若iáu掠做 小khoá，我會加添chit號hit號hō͘你。

10. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 9 chat 第九節 Lí siáⁿ-sū khoàⁿ-khin Iâ-hô-hoa ê bēng-lēng, kiâⁿ I só͘ khoàⁿ-choè pháiⁿ ê sū? lí ēng to thâi-sí Hek-lâng O͘-lī-à, chiū-sī chioh A-bûn lâng ê to thâi-sí i, koh chhoā i ê bó͘ choè lí ê bó͘.你啥事看輕耶和華ê命令， 行祂所看做pháiⁿ ê事？你用刀thâi死 Hek人烏利亞，就是借A-bûn人ê刀 thâi死伊，koh娶伊ê bó͘做你ê bó͘。

11. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 10 chat 第十節 Taⁿ to-kiàm beh éng-oán bô lī-khui lí ê ke, in-ūi lí khoàⁿ-khin Goá, chhoā Hek-lâng O͘-lī-à ê bó͘ choè lí ê bó͘.Taⁿ刀劍beh永遠無離開你ê家， 因為你看輕我， 娶 Hek人烏利亞ê bó͘做你ê bó͘。

12. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 11 chat 第十一節 Iâ-hô-hoa koh án-ni kóng, Khoàⁿ ah, Goá beh tùi lí ê ke heng-khí chai-ē kong-kek lí; Goá beh tī lí ê ba̍k-chiu-chêng, ēng lí hiah ê bó͘ hō͘ lí ê chhù-piⁿ, i beh tī chheng-thian pe̍k-ji̍t kap lí hiah ê bó͘ tâng-pâng.耶和華koh án-ni講，看ah， 我beh對你ê家興起災厄攻擊你； 我beh tī你ê目睭前，用你hiah-ê bó͘ hō͘你ê厝邊，伊beh tī青天白日 kap你hiah-ê bó͘同房。

13. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 12 chat 第十二節 In-ūi lí tī àm-tiong kiâⁿ i, chóng-sī Goá beh tī chheng-thian pe̍k-ji̍t, tī Í-sek-lia̍t chèng-lâng ê bīn-chêng, kiâⁿ chit ê sū.因為你tī暗中行伊，總是我 beh tī青天白日，tī以色列 眾人ê面前，行chit-ê事。

14. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 13 chat 第十三節 Tāi-pi̍t kā Ná-tan kóng, Goá ū tek-choē Iâ-hô-hoa. Ná-tan kā Tāi-pi̍t kóng, Iâ-hô-hoa í-keng tû-khì lí ê choē, lí boē tì-kàu sí.大衛kā Ná-tan講，我有 得罪耶和華。Ná-tan kā大衛講， 耶和華已經除去你ê罪， 你boē致到死。

15. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 14 chat 第十四節 Chóng-sī in-ūi lí kiâⁿ chit ê sū, hō͘ Iâ-hô-hoa ê tùi-te̍k ū siat-to̍k ê in-iû, só͘-í i kā lí só͘ siⁿ ê kiáⁿ tek-khak sí.總是因為你行chit-ê事， hō͘耶和華ê對敵有褻瀆ê因由， 所以伊kā你所生ê kiáⁿ的確死。

16. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 15 chat 第十五節 Ná-tan chiū tò-khì in chhù. Iâ-hô-hoa phah O͘-lī-à ê bó͘ kā Tāi-pi̍t só͘ siⁿ ê eⁿ-á, i chiū phoà-pīⁿ chin siong-tiōng.Ná-tan就tò去in厝。 耶和華 phah烏利亞ê bó͘ kā大衛所生ê嬰á， 伊就破病真傷重。

17. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 16 chat 第十六節 Tāi-pi̍t chiū ūi-tio̍h hit ê kiáⁿ kî-tó Siōng-tè. Tāi-pi̍t koh kìm-chia̍h, ji̍p lāi-bīn thong-mî tó tī toē--nih.大衛就為tio̍h hit-ê kiáⁿ祈禱上帝。 大衛koh禁食， 入內面thong暝倒tī地裡。

18. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 17 chat 第十七節 I ke-tiong hiah ê lāu-lâng khí-lâi, kàu i ê sin-piⁿ, beh hû i tùi toē khí-lâi; chóng-sī i m̄-khéng, iā bô beh kap in saⁿ-kap chia̍h.伊家中hiah-ê老人起來，到伊ê 身邊，beh扶伊tùi地起來；總是伊 m̄肯，也無beh kap in相kap食。

19. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 18 chat 第十八節 Kàu tē-chhit ji̍t gín-ná sí; Tāi-pi̍t ê jîn-sîn m̄-káⁿ kā i kóng gín-ná sí lah; in-ūi in kóng, Gín-ná iáu oa̍h-teh ê sî, lán khǹg i, i siōng-chhiáⁿ m̄-thiaⁿ lán ê oē, nā kā i kóng gín-ná sí, i siong-sim beh kàu cháiⁿ-iūⁿ?到第七日gín-ná死；大衛ê人臣m̄敢 kā伊講gín-ná死lah；因為in講，Gín-ná iáu 活teh ê時，咱勸伊，伊尚且m̄聽咱ê話， 若kā伊講gín-ná死，伊傷心beh到怎樣？

20. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 19 chat 第十九節 Tāi-pi̍t khoàⁿ-kìⁿ i ê jîn-sîn chī-bú-chī-chū teh kóng, Tāi-pi̍t chiū chai gín-ná í-keng sí. Tāi-pi̍t chiū mn̄g i ê jîn-sîn kóng, Gín-ná sí--lah mah? In kóng, Sí--lah.大衛看見伊ê人臣chī-bú-chī-chū teh講，大衛就知gín-ná已經死。 大衛就問伊ê人臣講， Gín-ná死lah mah？In講，死lah。

21. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 20 chat 第二十節 Tāi-pi̍t chiū tùi toē--nih khí-lâi, soé sin-khu, boah iû, oāⁿ-saⁿ, ji̍p Iâ-hô-hoa ê tiān kèng-pài; jiân-āu tò-khì i ê chhù. I hoan-hù lâng pâi mi̍h tī i ê bīn-chêng, i chiū chia̍h.大衛就tùi地裡起來，洗身軀， 抹油，換衫，入耶和華ê殿敬拜； 然後tò去伊ê厝。伊吩咐人排物 tī伊ê面前，伊就食。

22. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 21 chat 第二十一節 Jîn-sîn mn̄g i kóng, Lí só͘ kiâⁿ--ê sī cháiⁿ-iūⁿ? Gín-ná oa̍h--teh ê sî, lí kìm-chia̍h thî-khàu; gín-ná sí, lí hoán-tńg khí-lâi chia̍h.人臣問伊講， 你所行ê是怎樣？ Gín-ná活teh ê時，你禁食啼哭； gín-ná死，你反tńg起來食。

23. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 22 chat 第二十二節 Tāi-pi̍t kóng, Gín-ná iáu oa̍h--teh, goá kìm-chia̍h thî-khàu, in-ūi goá phah-sǹg kóng, Kiám-chhái Iâ-hô-hoa lîn-bín goá, hō͘ gín-ná oa̍h--teh, iā káⁿ.大衛講，Gín-ná iáu活teh， 我禁食啼哭，因為我 phah算講，Kiám-chhái耶和華 憐憫我，hō͘ gín-ná活teh，也敢。

24. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 23 chat 第二十三節 Gín-ná í-keng sí, goá kìm-chia̍h beh siáⁿ-sū? goá kiám oē hō͘ i tò-tńg--lâi mah? goá beh khì i hia, i boē-oē lâi goá chia.Gín-ná已經死，我禁食beh啥事？ 我kiám會hō͘伊tò-tńg來mah？ 我beh去伊 hia，伊boē會來我chia。

25. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 24 chat 第二十四節 Tāi-pi̍t an-ùi i ê bó͘ Poa̍t-sī-pa, ji̍p--khì kap i tâng-pâng, i chiū siⁿ-kiáⁿ; chiū kā i hō-miâ kiò Só͘-lô-bûn;大衛安慰伊ê bó͘ Poa̍t-sī-pa， 入去kap伊同房，伊就生kiáⁿ； 就kā伊號名叫所羅門；

26. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 25 chat 第二十五節 Iâ-hô-hoa iā thiàⁿ i, chiū thok sian-ti Ná-tan kā i hō miâ kiò Iâ-tí-tí-a, in-ūi Iâ-hô-hoa thiàⁿ i.耶和華也疼伊，就託先知 Ná-tan kā伊號名叫Iâ-tí-tí-a， 因為耶和華疼伊。

27. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 26 chat 第二十六節 Iok-ap kong A-bûn lâng ê La̍h-pa, chhú in ê kiaⁿ-siâⁿ.約押攻A-bûn人ê La̍h-pa， 取in ê京城。

28. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 27 chat 第二十七節 Iok-ap chhe sù-chiá khì kìⁿ Tāi-pi̍t kóng, Goá kong La̍h-pa, í-keng chhú i ê chúi-siâⁿ.約押差使者去見大衛講， 我攻La̍h-pa， 已經取伊ê水城。

29. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 28 chat 第二十八節 Taⁿ lí tio̍h chū-chi̍p kî-û ê peh-sìⁿ lâi, chat-iâⁿ kong chit ê siâⁿ lâi chhú i; kiaⁿ-liáu goá chhú chit ê siâⁿ, lâng chiū ēng goá ê miâ lâi kiò i.Taⁿ你tio̍h聚集其餘ê百姓來， 紮營攻chit-ê城來取伊； 驚了我取chit-ê城， 人就用我ê名來叫伊。

30. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 29 chat 第二十九節 Tāi-pi̍t chiū chū-chi̍p chèng peh-sìⁿ, khì La̍h-pa kong-kek, lâi chhú i.大衛就聚集眾百姓， 去La̍h-pa攻擊， 來取伊。

31. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 30 chat 第三十節 I chhú in ê ông thâu-khak-téng ê bián-liû, i ê kim tāng chi̍t tha-liân-tek, koh siuⁿ pó-chio̍h; chiong chit-ê lâi tì tī Tāi-pi̍t ê thâu-khak. I koh tùi siâⁿ-lāi chhú chin-choē châi-bu̍t.伊取in ê王頭殼頂ê冕旒， 伊ê金重一tha-liân-tek，koh鑲寶石； 將chit-ê來戴tī大衛ê頭殼。 伊koh tùi城內取真choē財物。

32. Sat-bó-jíⁿKì (II)《撒母耳記下》II SamuelTē cha̍p-jī chiuⁿ 第十二章Tē 31 chat 第三十一節 Koh lia̍h hiah ê siâⁿ ê peh-sìⁿ chhut-lâi, hō͘ in ēng kù-á, kap thih-pē, í-ki̍p thih ê pó͘-thâu choè khó͘-kang, á-sī tī hiā-iô tio̍h-boâ; i khoán-thāi A-bûn lâng hiah ê siâⁿ lóng sī án-ni. Tāi-pi̍t chiū kap chèng peh-sìⁿ tò-khì Iâ-lō͘-sat-léng.Koh掠hiah-ê城ê百姓出來， hō͘ in用鋸á，kap鐵耙，以及 鐵ê斧頭做苦工，á是tī瓦窯tio̍h磨； 伊款待A-bûn人hiah-ê城lóng是án-ni。 大衛就kap 眾百姓tò去耶路撒冷。