Sap.ak. 18-imi pisussanut isumassarsiorfissaq

1. Sap.ak. 18-imi pisussanut isumassarsiorfissaq 2012

2. Sap. ak. 18-ip siunertaa Imigassartoriaatsip eqqartorneqarnissaa Imigassartoriaaseq pillugu oqallitsitsilernissaq

3. Silaarunnani aalakoorneq Drik uden druk Sap. ak. 18-imi sammisaq

4. Silaarunnani aalakoorneq Isumassarsiorfissap imarai: Paasissutissiissutit nutaat ukioq mannalu sap. ak. 18-imut tunngatillugu isumassarsiorfissat. Misiliisimanngitsunut sammisassanik aallartsitsiniarnermi iluaqutissat. Sap. ak. 18-imut najoqqutassiaq: Najukkani pinaveersaartitsinermi siunnersortit, peqqinnissaqarfik, atuarfiit, peqatigiiffiit, innuttaasut allallu sap. ak. 18-imi imigassartaqanngitsumik aaqqissuussinernik imigassap oqallisaanissaanik qitiutitsisunik pilersaarusiorlutillu ingerlatseqqullugit kaammattorneqarput.

5. Silaarunnani aalakoorneq Imigassamik atueriaaseq ajunngitsoq isumaminik takkunneq ajorpoq – imigassartoriaaseq suliffinni, atuarfinni, ikinngutivit akornanni, ilaqutariit ilussinni, sunngiffimmi ornittakkanni, timersoqatigiiffinnilu eqqartorsiuk

6. Silaarunnani aalakoorneq Ukioq manna sap. ak. 18 ataatsimoorussamik tunngaveqartillugu, imigassamik atuineq pillugu pitsaasumik oqallinnissaq periarfissinniarneqarpoq. Imigassamik ajornartorsiuteqarnerup allanut oqallisiginissaa ajornakusoortuuvoq, taamaammat ajornartorsiutit assigiinngitsut oqallisiginissaannut pitsaasumik tunngavissiisut, oqaluuserineqarnissaat pingaaruteqarpoq. Imigassaq pillugu oqaloqatigiinnissaq ajornakusoortoq illit suliffinni, atuarfinni allamiluunniit naapertuuppat, imigassaq pillugu ataatsimoorussanik pitsaasunik siunnersuusiornissamut sap. ak. 18 alloriarnerusinnaavoq siulleq.

7. Silaarunnani aalakoorneq Paasissutissiissutit isumassarsiorfissallu: Sap. ak. 18 nallertinnagu attaviit makku isumassarsiorfiusinnaallutillu atortussanik aallerfiusinnaapput: www.nanoq.gl www.paarisa.gl www.sullissivik.gl www.qaasuitsup.gl www.qeqqata.gl www.sermersooq.gl www.kujalleq.gl Ass. ”imigassaq” ujarliutigisinnaavat

8. Silaarunnani aalakoorneq Sap. ak. 18-imut atatillugu pilersaarusiornermik misilittagaqanngikkuit imal. isumassarsiassanik amigaateqaruit, sarsuatitat tulliuttut ilinnut tunngatitaapput: Sarsuatitat tulliuttut makkuninnga imaqarput: Aaqqissuussiniaraanni suliassat assigiinngitsut ilisimaarisariallit naatsumik nassuiarneqarnerat. Sammisassatut siunnersuutit qanorlu periuseqarluni aaqqissuunneqarsinnaaneri skema atorlugu aaqqissuussat. Sammisat eqimattakkuutaarluni isummanik avitseqatigiiffiusumik ingerlanneqarsinnaapput. Sammisat aalajangersimasunut tunngatitat allanit aamma atorneqarluarsinnaapput.

9. Silaarunnani aalakoorneq Ilaqutariinni imigassamik atuineq: Ilaqutariit qangaanerusoq ullumikkullu Ilaqutariit meerartaat inuusuttaallu Ilaqutariit ataatsimooriaasiat Imigassaq atuarfinni ilinniarfinnilu allani Atuarfiit/ilinniarfiit qanoq isillutik imeriaatsitsinnik allanngueqataasinnaappat? Meeqqeriviit/atuarfiit/ilinniarfiit imigassaq pillugu politikkeqassappat? Suliffik imigassarlu Suna pillugu suliffinni tamani imigassaq pillugu politikkeqartariaqarpa? Tulliuttut ullutsinni inuiaqatigiinni imigassap ajornartorsiutaaneranik tunngaveqartut qulequtassatut siunnersuutaapput. Qulequttat tunngavigalugit imigassamik ajornartorsiuteqarnerup iliuuuseqarfigisinnaanera qanorlu iliornikkut ajornartorsiutip anigorneqarsinnaanera oqalopqatigiissutaasinnaavoq.

10. Imigassaq akisussaaffillu: Imigassaq pillugu inatsiseqarneq ullutsinnut naapertuuppa? Inuup nammineq akisussaaffeqarnera qanoq isillugu nukittorsassavarput? Illoqarfitsinni/nunaqarfitsinni qassinik imigassaarniarfeqassaagut/ imerniartarfeqassaagut? Paatsiveerulluni imerneq akuerineqarsinnaava? Suna pillugu taama annertutigisumik imigassartortarpugut? Angerlarsimaffinni eqqissiviilliornerit, nakuusernerit, toqutsinerit kinguaassiuutitigullu atornerluinerit qanoq isiorluta unitsissinnaavagut? Imigassamik ajornartorsiutilinnik katsorsaasarneq: Katsorsartinnissamut neqeroorutit qanoq isumaqarfigaasigit? Katsorsartinnissamut suut periarfissaasariaqarpat? Imigassaq pillugu paasissutissat qanoq iluseqassappat kialu suliarissavai? Silaarunnani aalakoorneq

11. Aaqqissuussinernik pilersaarusiorneq Aaqqissuussinerni annertuuni anikitsuniluunniit suna pisariaqarpa: Piareersarluarneq, suliassarpassuit naammassineqartariaqarmata. Pisariaqarpat suleqatigiissitaliorneq. Suleqatigiissitaq inummik ataatsimik ataqatigiissaarinermik suliassallu isumaqatigiissutit naapertorlugit naammassineqarnissaannik qulakkeerisussamik toqqaasinnaavoq. Pisariaqarpat suleqatigiissitaq peqatigalugu aaqqissuussinermik pilersaarusiorneq. Pilersaarusiornermi peqataasut tamarmik suleqatigiillutik suliassanik assigiinngitsunik naammassinninnissamut imminnut pisussaaffilernerisigut aaqqissuussinerup iluatsilluarnissaa. Pilersaarusiaq makkuninnga imaqarsinnaavoq: Suliassat naammassineqartussat takussutissiornerat Suliassanut assigiinngitsunut akisussaaffilersuineq Suliat naammassineqarnissaannut ullulersuineq Suleqatigisat susassareqatigisallu nalunaarsorlugit takussutissiorneq Aningaasartuutissanut missingersuusiorneq

12. Oqallitsitsinissamik pilersaarusiornermut assersuut Timersoqatigiiffimmi 3. maj 2012 nal. 19.00 - 22.00 oqallitsitsinissamut qaaqqusissut Sammisaq: Qanoq isilluta imigassap pitsaasumik atornissaanut akisussaaqataassaagut: Klub-ini nalliuttorsiornerni Tusarnaartitsinerni annertuuni imigassamik sassaalliinissamut akuersissutitalinni Allani

13. Aaqqissuussinnginnermi ataani suliassat isumaliutigisassatut assersuutaapput: Aaqqissuussineq sioqqutingaatsiarlugu ininik attartorneq/inniminniineq. Ataatsimiinnissaq pillugu nalunaarutinik nivinngaassuinissaq sioqqullugu politiinit allanillu pisumut attuumassutilinnit akuersissutinik pissarsiniarneq. Oqartussaasunit allanit suleqatigisartakkanillu atortussanik pissarsiorneq. Atortussat kissaativit suuneri paasinarsarluarukkit pissarsiatit aamma pitsaasuussapput. Aningaasaliissutaasunit aningaasaateqarfinnilluunniit tapiifffigineqarnissamut tunngaviusinnaasumik aaqqissuussinermut aningaasartuutissanut missingersuusiorneq. Akiliinani tusagassiuutitigut nalunaaruteqarnikkut, najukkami radiokkut oqaluuserineqarnikkut, akiliinani ininik attartornikkut il.il. tapiissuteqarsinnaasunik suleqatigiissitaq takussutissiorsinnaavoq. Aallarniillutik oqaaseqarsinnaasunik allanilluunniit aaqqissuussinermut peqataatikkusutanik attaveqarneq. Suliassatut isumaliutigisassat

14. Suliassatut isumaliutigisassat Aaqqissuussineq pillugu najukkanni innuttaasunut paasissutissiineq: • Tusagassiorfinnut nalunaaruteqarneq. Tusagassiorfinnut nalunaarut ima suliarineqartarpoq: • Aaqqissuussinermi sammisaq imarisaalu siulliullugit nassuiarneqassapput. • Aaqqissuussinermut suna siunertaava sunalu pillugu pingaaruteqarpa. • Attavigisinnaasat oqarasuaataasa normui qarsaasiakkullu attavii naggasiunneqassapput. • Aaqqissuussineq pillugu tusagassiorfinnut nalunaarut qupperneq A4 ataaseq sinnernagu takissuseqassaaq qaaqqusissullu ilanngunneqarsinnaalluni. • Aaqqissuussinermi susoqarnissaanut pilersaarummik, qaaqqusissutinik nassiussuinnginnermi piareersimasussamik, najoqqutassiortoqassaaq. Tamatumunnga assersuutaasinnaasoq sarsuatitami tulliuttumi takuneqarsinnaavoq. • Aaqqiissuussinermut qaaqqusissut nalunaarulluunniitnajukkami aviisimi sapaatip akunneranut saqqummersartumi ilanngunneqarsinnaasoq suliarineqassaaq, aviisi illoqarfimmi nutaarsiassanut nivinngaavinnut allanulluunniit nivinngarneqassaaq.

15. Aaqqissuussinermi najoqqutassaq

16. Aaqqissuussinerup naliliivigineqarnissaa Naliliineq annertuumik pingaaruteqarpoq. Matumani pisut suut iluatsittut suullu iluatsinngitsut tunngavigalugit tullissaani aaqqissuussineq pitsaanerusumik pilersaarusiorsinnaavat iluatsinnerullugulu. Naliliineq ima aaqqissuunneqarsinnaavoq: Aaqqissuussinermi suut iluatsinnersut suullu iluatsinnginnersut pillugit suleqatigiissitaq naliliisinneqarsinnaavoq. Naliliineq aningaasaliisunut tapersersuisunullu allanut nassiunneqarsinnaavoq. Naliliineq ukiup tulliani sap. ak. 18-imi aaqqissuinissamut atorneqarsinnaavortaaq. Aaqqissuussinissami iluaqutissat sap.ak.18-illu pilersaarusiorneqarnera pillugit naliliineq Peqqissutsimut Naalakkersuisoqarfimmut nassiunneqartariaqarportaaq. Taamaasiornikkut ukiup tulliani sap. ak. 18-ip imarisassaanik pitsanngorsaasinnaassaagut suullu iluatsittut iluatsippallaanngitsullu paasisaqarfigisinnaalissavagut. Naliliinermi makku misissorneqarsinnaapput: Aaqqissuussinermi siunertaasoq anguniagassatullu siunniussaasoq Suut iluatsippat? Suullu iluatsippallaanngillat? Suut tulliani pitsaanerusinnaappat? Aaqqissuusinermi anguniagassatut siunniussagut anguagut? Allat

17. Attavigisassat Peqqissutsimut Naalakkersuisoqarfik sap. ak. 18 pillugu ukioq manna perngaammik paasissutissiisuuvoq. Paasissutissat sukumiinerusut piniarukkit oqarasuaammut unnga 34 50 00 sianerlutit uku attavigikkit: Kontorfuldmægtig Jan Berthelsen Siunnersorti Sofie Jessen Taamatuttaaq kajumissaarneqarputit najukkanni pitsaaliuinermut siunnersorti oqarasuaatikkut attavigeqqullugu: Qaasuitsup Kommunia 94 78 00 Qeqqata Kommunia 70 21 00 Kommuneqarfik Sermersooq 36 70 00 Kommune Kujalleq 70 41 00

18. 2012-imi sap. ak. 18-imi aaqqissuussinerit iluatsilluariuk