Deuteronomy

1. Pa-khek-lé Siu-tèng-pán Sèng-keng巴克禮修訂版聖經 舊約 《申命記》 第二十五章 Kū-iok Sin-bēng͘-kì Tē jī-cha̍p-gō͘ chiuⁿ Deuteronomy

2. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 1 chat 第一節 Lâng nā ū oan-ke lâi tùi-sìn, koaⁿ-hú phòaⁿ-toàn i, chiū tio̍h tēng gī-lâng chòe-gī, tēng pháiⁿ-lâng chòe-pháiⁿ.人若有冤家來對訊，官府 判斷伊，就tio̍h定義人 做義，定pháiⁿ人做pháiⁿ。

3. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 2 chat 第二節 Pháiⁿ-lâng nā eng-kai siū-phah, sím-phòaⁿ-koaⁿ tio̍h hō͘ i phak tī tōe-ni̍h, tī i ê bīn-chêng, chiàu i ê chōe, chiàu siàu-gia̍h phah i;Pháiⁿ人若應該受phah， 審判官tio̍h hō͘伊仆tī地裡， tī伊ê面前，照伊ê罪， 照數額phah伊；

4. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 3 chat 第三節 to̍k-to̍k thang phah i sì-cha̍p-ē, m̄-thang kè siàu-gia̍h; nā kè siàu-gia̍h, phah I khah-chōe-ē, chiū lí ê hiaⁿ-tī hō͘ lí khòaⁿ-khin.獨獨thang phah伊四十下， m̄-thang過數額；若過數額， phah伊khah-chōe下， 就你ê兄弟hō͘你看輕。

5. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 4 chat 第四節 Gû teh lún gō͘-kak, m̄-thang láng i ê chhùi.牛teh lún五穀， m̄-thang láng伊ê嘴。

6. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 5 chat 第五節 Hiaⁿ-tī saⁿ-kap khiā-khí, kî-tiong nā chi̍t-ê sí bô kiáⁿ, sí-lâng ê bó͘ m̄-thang kè gōa-lâng, i tiōng-hu ê sió-tī tio̍h ji̍p-khì i hia, chhōa i chòe-bó͘, lâi chīn sió-chek ê pún-hūn;兄弟相kap khiā起，其中若一個 死無kiáⁿ，死人ê bó͘ m̄-thang嫁外人， 伊丈夫ê小弟tio̍h入去伊hia， 娶伊做bó͘，來盡小叔ê本份；

7. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 6 chat 第六節 i só͘ siⁿ ê tōa-kiáⁿ, tio̍h sòa-chiap sí ê hiaⁿ ê bêng-hūn, bián-tit i ê miâ tī Í-sek-lia̍t-tiong siau-bia̍t.伊所生ê大kiáⁿ， tio̍h續接死ê兄ê名份， 免得伊ê名tī以色列中消滅。

8. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 7 chat 第七節 Hit-lâng nā m̄ goān-ì chhōa i ê hiaⁿ-só, i ê hiaⁿ-só chiū tio̍h kàu siâⁿ-mn̂g ê tiúⁿ-ló hia kóng, Góa ê tiōng-hu ê sió-tī m̄-khéng tī Í-sek-lia̍t-tiong kā i ê hiaⁿ thoân chi̍t ê miâ-jī, bô beh kā góa chīn sió-chek ê pún-hūn.Hit人若m̄願意娶伊ê兄嫂，伊ê兄嫂就tio̍h 到城門ê長老hia講：我ê丈夫ê小弟 m̄肯tī以色列中kā伊ê兄傳一個名字， 無beh kā我盡小叔ê本份。

9. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 8 chat 第八節 I siâⁿ-lāi ê tiúⁿ-ló chiū tio̍h kiò i lâi, kā i kóng; i nā chip-ì kóng, Góa bô beh chhōa i;伊城內ê長老就tio̍h叫伊來， kā伊講；伊若執意講： 我無beh娶伊；

10. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 9 chat 第九節 i ê hiaⁿ-só chiū tio̍h tī tiúⁿ-ló ê bīn-chêng chiū-kūn i, thǹg hit-lâng kha-ni̍h ê ôe, phùi-nōa tī i ê bīn, kóng, Kìⁿ-nā bô beh ūi-tio̍h hiaⁿ kiàn-li̍p i ê ke ê, tio̍h án-ni khoán-thāi i;伊ê兄嫂就tio̍h tī長老ê面前就近伊， thǹg hit人腳裡ê鞋，phùi-nōa tī伊ê面，講： 見若無beh為tio̍h兄建立伊ê家ê， tio̍h án-ni款待伊；

11. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 10 chat 第十節 tī Í-sek-lia̍t-tiong, i ê miâ beh chheng chòe thǹg-ôe-ê ê ke.tī以色列中，伊ê名 beh稱做thǹg鞋ê ê家。

12. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 11 chat 第十一節 Nā ū nn̄g-lâng saⁿ-phah, kî-tiong chi̍t-lâng ê bó͘ kūn-óa lâi, beh kiù i ê tiōng-hu thoat-lī phah i ê lâng ê chhiú, chhun-chhiú khîⁿ-tiâu hit-lâng ê ē-thé;若有兩人相phah，其中一人ê bó͘ 近óa來，beh救伊ê丈夫 脫離phah伊ê人ê手， 伸手擒tiâu hit人ê下體；

13. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 12 chat 第十二節 chiū tio̍h chām-tn̄g hū-jîn-lâng ê chhiú, ba̍k-chiu m̄-thang khó-lîn i.就tio̍h斬斷 婦人人ê手， 目睭m̄-thang可憐伊。

14. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 13 chat 第十三節 Lí ê tē-á-lāi m̄-thang ū nn̄g-iūⁿ ê phêng-chí, ū-lia̍p tōa, ū-lia̍p sòe;你ê袋á內m̄-thang有 兩樣ê秤子， 有粒大，有粒細；

15. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 14 chat 第十四節 chhù-lāi m̄-thang ū nn̄g-iūⁿ ê chin, táu, ū-ê tōa, ū-ê sòe;厝內m̄-thang有 兩樣ê升、斗， 有ê大，有ê 細；

16. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 15 chat 第十五節 tio̍h ēng chún-chún kong-pêng ê phêng-chí, chún-chún kong-pêng ê chin, táu; thang hō͘ lí tī Iâ-hô-hoa lí Siōng-tè só͘ siúⁿ-sù ê tōe chia̍h tn̂g hè-siū;tio̍h用準準公平ê秤子， 準準公平ê升、斗； thang hō͘你tī耶和華你上帝 所賞賜ê地食長歲壽；

17. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 16 chat 第十六節 in-ūi kìⁿ-nā kiâⁿ chiah ê tāi-chì, kap kiâⁿ put-gī ê, lóng sī Iâ-hô-hoa lí Siōng-tè só͘ iàm-ò͘ⁿ-ê.因為見若行chiah-ê tāi-chì， kap行不義ê， lóng是耶和華 你上帝所厭惡ê。

18. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 17 chat 第十七節 Lí tio̍h kì-tit lín chhut Ai-ki̍p ê sî, A-má-le̍k lâng tī lō͘-ni̍h só͘ khoán-thāi lí ê;你tio̍h記得lín出埃及ê時， A-má-le̍k人tī路裡 所款待你ê；

19. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 18 chat 第十八節 i tī lō͘-ni̍h tú-tio̍h lí, tng lí khùn-khó͘ ià-siān ê sî, ū cháiⁿ-iūⁿ phah lí āu-tūi, chiū-sī tī lí āu-bīn ê loán-jio̍k ê; i iā bô kiaⁿ-ùi Siōng-tè.伊tī路裡tú-tio̍h你，當你困苦 厭倦ê時，有怎樣phah你後隊， 就是tī你後面ê軟弱ê； 伊也無驚畏上帝。

20. Sin-bēng-kì《申命記》Deuteronomy Tē jī-cha̍p-gō͘ chiuⁿ 第二十五章Tē 19 chat 第十九節 Só͘-í kàu Iâ-hô-hoa lí Siōng-tè kiù lí thoat-lī sì-ûi lóng-chóng ê tùi-te̍k, tī Iâ-hô-hoa lí Siōng-tè siúⁿ-sù lí chòe-gia̍p ê tōe, tit-tio̍h pêng-an, hit-sî lí tio̍h chiong A-má-le̍k ê miâ-jī, tùi thiⁿ-ē chhat-siau, m̄-thang bōe-kì-tit.所以到耶和華你上帝救你脫離四圍 lóng總ê對敵，tī耶和華你上帝賞賜你 做業ê地，得tio̍h平安，hit時你tio̍h將 A-má-le̍k ê名字，tùi天下擦消，m̄-thang bōe記得。