Deuteronomy

1. Pa-khek-lé Siu-tèng-pán Sèng-keng巴克禮修訂版聖經 Kū-iok Sin-bēng͘-kì Tē cha̍p-saⁿ chiuⁿ 舊約 《申命記》 第十三章 Deuteronomy

2. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 1 chat 第一節 Lín tiong-kannā ū sian-ti, á-sībāng-kìⁿ bāng-ê khí-lâi, tùi lín hián-chhutsîn-jiah, kî-sū, chiū tùi lín kóng,Lín中間若有先知，á是夢見 夢ê起來，對lín顯出神蹟、 奇事，就對lín講，

3. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 2 chat 第二節 Lán lâi-khì thàn lí pêng-sò͘ só͘ m̄-bat ê pa̍t ê Siōng-tè, lâi ho̍k-sāi in, i só͘ hián-bêng ê sîn-jiah kî-sū, chiū nā èng-giām,咱來去thàn你平素所m̄-bat ê 別ê上帝，來服事in，伊所顯明ê 神蹟奇事，就若應驗，

4. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 3 chat 第三節 lí iā m̄-thang thiaⁿ hit ê sian-ti, á-sī hit ê bāng-kìⁿ-ê ê ōe; in-ūi Iâ-hô-hoa lín Siōng-tè teh chhì lín, ài chai lín sī chīn-sim chīn-sèng thiàⁿ Iâ-hô-hoa lín ê Siōng-tè á-bô.你也m̄-thang聽hit-ê先知，á是hit-ê 夢見ê ê話；因為耶和華lín上帝 teh試lín，ài知lín是盡心盡性疼 耶和華lín ê上帝á無

5. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 4 chat 第四節 Lín tio̍h sūn-thàn Iâ-hô-hoa lín ê Siōng-tè, kèng-ùi I, siú I ê kài-bēng, thiaⁿ I ê ōe, ho̍k-sāi I, kiat-liân I.Lín tio̍h順thàn耶和華lín ê上帝， 敬畏祂，守祂ê誡命，聽祂ê話， 服事祂，結聯祂。

6. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 5 chat 第五節 Hit ê sian-ti, á-sī hit ê bāng-kìⁿ bāng-ê, í-keng ēng ōe pōe-ge̍k Iâ-hô-hoa lín ê Siōng-tè, chiū-sī chhōa lín chhut Ai-ki̍p tōe, sio̍k-hôe lín thoat-lī chòe lô͘-châi ê ke ê, in án-ni beh pu̍ih lín lī-khui Iâ-hô-hoa lí ê Siōng-tè só͘ bēng-lēng lí kiâⁿ ê lō͘, lí chiū tio̍h hō͘ i sí; án-ni tùi lín tiong-kan tû-khì hit ê pháiⁿ.Hit-ê先知，á是hit-ê夢見夢ê，已經用話悖逆 耶和華lín ê上帝，就是chhōa lín出埃及地， 贖回lín脫離做奴才ê家ê，in án-ni beh拔lín 離開耶和華你ê上帝所命令你行ê路，你就tio̍h hō͘伊死；án-nit ùi lín中間除去hit-ê pháiⁿ。

7. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 6 chat 第六節 Nā sī lí tâng-bú ê hiaⁿ-tī, á-sī lí ê kiáⁿ, lí ê cha-bó͘-kiáⁿ, á-sī lí sim-hôai-tiong ê bó͘, á-sī chhin-chhiūⁿ lí sìⁿ-miā ê pêng-iú, àm-chīⁿ ín-iú lí, kóng, Lán lâi-khì ho̍k-sāi pa̍t ê Siōng-tè, chiū-sī lí kap lí ê lia̍t-chó͘ pêng-sò͘ m̄-bat-ê;若是你同母ê兄弟，á是你ê kiáⁿ，你ê cha-bó͘-kiáⁿ， á是你心懷中ê bó͘，á是親像你性命ê 朋友，暗靜引誘你，講：咱來去服事別ê 上帝，就是你kap你ê列祖平素m̄-bat-ê；

8. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 7 chat 第七節 sī lí sì-ûi chiah ê kok ê Siōng-tè, lī-khui lín kūn, á lī-khui lín hn̄g, tùi chit ê tōe-ke̍k kàu hit ê tōe-ke̍k ê,是你四圍chiah-ê國ê上帝， 離開lín近，á離開lín遠， tùi chit-ê地極到hit-ê地極ê，

9. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 8 chat 第八節 lí m̄-thang thàn i, m̄-thang thiaⁿ i, ba̍k-chiu m̄-thang sioh i, lí m̄-thang khó-lîn i, iā m̄-thang khǹg-ba̍t i;你m̄-thang thàn伊，m̄-thang聽伊， 目睭m̄-thang惜伊， 你m̄-thang可憐伊， 也m̄-thang khǹg密伊；

10. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 9 chat 第九節 lí tek-khak tio̍h hō͘ i sí; lí tio̍h chòe-thâu hē chhiú beh hō͘ i sí, jiân-āu chèng peh-sìⁿ iā hē chhiú;你的確tio̍h hō͘伊死； 你tio̍h做頭下手beh hō͘伊死， 然後眾百姓也下手；

11. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 10 chat 第十節 lí tio̍h ēng chio̍h-thâu tìm hō͘ i sí; in-ūi i siūⁿ beh pu̍ih lí lī-khui Iâ-hô-hoa lí ê Siōng-tè, chiū-sī chhōa lí chhut Ai-ki̍p tōe, chòe lô͘-châi ê ke ê.你tio̍h用石頭tìm hō͘伊死；因為 伊想beh拔你離開耶和華你ê上帝， 就是chhōa你出埃及地， 做奴才ê家ê。

12. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 11 chat 第十一節 Chiū Í-sek-lia̍t chèng-lâng beh thiaⁿ-kìⁿ lâi kiaⁿ; bô koh kiâⁿ chit-hō pháiⁿ-tāi tī lín tiong-kan.就以色列眾人beh 聽見來驚；無koh行chit號 pháiⁿ-tāi tī lín中間。

13. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 12 chat 第十二節 Tī Iâ-hô-hoa lí Siōng-tè só͘ siúⁿ-sù lí khiā-khí chiah ê siâⁿ ê chi̍t-ê, lí nā thiaⁿ-kìⁿ kóng,Tī耶和華你上帝所賞賜你 khiā起chiah-ê城ê一個， 你若聽見講：

14. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 13 chat 第十三節 Ū húi-lūi tùi lín tiong-kan chhut, pu̍ih khiā-khí in ê siâⁿ ê lâng, kóng, Lán lâi-khì ho̍k-sāi pa̍t ê Siōng-tè, lín chêng só͘ m̄-bat ê;有匪類tùi lín中間出， 拔khiā起in ê城ê人，講： 咱來去服事別ê上帝， lín前所m̄-bat ê；

15. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 14 chat 第十四節 lí chiū tio̍h thàm-thiaⁿ, chhâ-khó, siông-sè mn̄g; khòaⁿ ah, kó-jiân sī chin, chún-chún ū chit-ê khó-ò͘ⁿ ê sū kiâⁿ tī lín tiong-kan;你就tio̍h探聽、查考、 詳細問；看ah，果然是真， 準準有chit-ê可惡ê事 行tī lín中間；

16. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 15 chat 第十五節 lí tek-khak tio̍h ēng to thâi-sí khiā-khí hit ê siâⁿ ê peh-sìⁿ, chiong i í-ki̍p i só͘-ū-ê, i ê cheng-siⁿ, it-chīn ēng to bia̍t i;你的確tio̍h用刀thâi死khiā起 hit-ê城ê百姓，將伊以及伊所有ê， 伊ê cheng-siⁿ，一盡用刀滅伊；

17. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 16 chat 第十六節 lí tio̍h ēng só͘ chhiúⁿ hit ê siâⁿ ê mi̍h, thia̍p tī koe-chhī-ni̍h, ēng hé sio hit ê siâⁿ kap só͘ chhiúⁿ it-chhè ê mi̍h, hō͘ Iâ-hô-hoa lí ê Siōng-tè; hit ê siâⁿ éng-éng chòe thô͘-tui, bô thang koh khí.你tio̍h用所搶hit-ê城ê物，疊tī街市裡， 用火燒hit-ê城kap所搶一切ê物， hō͘耶和華你ê上帝； hit-ê城永永做土堆，無 thang koh起。

18. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 17 chat 第十七節 Hit ê eng-kai húi-bia̍t ê mi̍h, lóng m̄-thang chi̍t-tiám-á tiâu tī lí ê chhiú; hō͘ Iâ-hô-hoa soah I ê tōa siū-khì, un-tián lí, lîn-bín lí, hō͘ lí ke-thiⁿ lâng-gia̍h, chiàu I tùi lí ê lia̍t-chó͘ só͘ chiù-chōa ê;Hit-ê應該毀滅ê物，lóng m̄-thang一點á tiâu tī你ê手；hō͘耶和華soah伊ê大受氣， 恩典你，憐憫你，hō͘你加添人額， 照伊對你ê列祖所chiù-chōa ê；

19. Sin-bēng-kì《申命記》Deuteronomy Tē cha̍p-saⁿ chiuⁿ 第十三章Tē 18 chat 第十八節 in-ūi lí thiaⁿ Iâ-hô-hoa lí Siōng-tè ê ōe, siú I it-chhè ê kài-bēng, chiū-sī góa kin-á-ji̍t só͘ bēng-lēng lí ê, lâi kiâⁿ Iâ-hô-hoa lí ê Siōng-tè só͘ khòaⁿ-chòe hó-ê.因為你聽耶和華你上帝ê話， 守祂一切ê誡命，就是我今á日 所命令你ê，來行耶和華 你ê上帝所看做好ê。