Irudi batzuk beste batzuen gainean:

1. Irudi batzuk beste batzuen gainean: Materiala: Geoplanoa Koloreetako goma elastikoak. Helburua: Forma geometrikoekin elkargune eta barneratze nozioak ezarri. Garapena: Ikasleak irudien barneratze eta elkargune nozioetaz intuitiboki jabetzea da ariketa honen xedea. Horretarako, pausu hauek jarraituko ditugu: Ikasleek libreki aukeratutako irudi bat gauzatuko dute. Irudi hori desegin gabe, beste kolore bateko irudi ezberdin bat egitea proposatuko diegu. Argibide gehiagorik eman gabe.

2. Zer gertatu da? 5 egoera desberdinekin topatu al gaitezke: Bi irudiek gune komunik ez izatea eta barneratuta ez egotea. Gune komunik ez izatea baina bata bestean barneratuta egotea. Irudiak gune batean gurutzatzea. Alde komun bat izatea (bi irudiak). Hauek gurutzatzea. Aldaerak adierazi, ikasleak aurreko 5 egoerak gauzatu dezatela.

3. Simetriak: Materiala: Geoplanoa Koloreetako goma elastikoak. Helburua: Simetrien eraiketa. Garapena: Geoplanoan egindako forma geometrikoetaz baliatuz, simetriaren nozioa landu. Goma batekin geoplanoa erditik moztuko dugula esango diegu ikasleei; <Horma bat egingo dugu eta simetriaren ardatza izango da.> Orain, irudi bat osatuko dugu. Eta hau, paretara ahalik eta gehin hurbilduko dugu. Simetriaren ardatzerako irudi tangenteak egiten hasiko gara. Jarraian, irudi berbera egingo dugu baina hormaren atzean eta beste albora begiratuz. Hau da:

4. Irudiak berdin-berdinak diren ala ez egiaztatzeko eskatuko diegu. Horretarako, iltzeak eta laukitxoak zenbatu beharko dituzte. Berdinak ez izatekotan (bi irudiak), ikasleak akatsak konpondu beharko dituzte, irudiak berdin-berdinak izan arte. Jarraian, beste irudi batzuekin eta tamaina ezberdinak erabiliz aurreko prozedura errepikatuko dugu. Antzeko iharduerak egingo ditugu, simetriaren ardatza aldatuz. Ikasleak ariketa hau ardatz zehatz batekin erlazionatu ez dezaten.

5. Laberintoen jolasa: Materiala: Geoplanoa. Koloreetako goma elastikoak. Paper koadrikulatutako ereduak. Helburua: Orientazio espaziala plano batean. Garapena: Ikasleak geoplanoaren espazio guztiarekin ohitu eta honekiko ekintza guztiak orientatzea da lortu nahi dena. Horretarako: Laberintoak eraikitzea, bideak edo errepideak sortuz eta hauetatik ateratzeko bidea aurkituz. Haurrei geoplanoaren ertz batetik hasi behar direla argitu behar zaie. Adibidez; ezkerreko gainaldetik hasi eta aurkako alboan bukatu; eskuineko azpiko bazterrean. Nahi duten iltzeetatik goma bat pasatzeko esango diegu, hori bai, azkenean behetik atera behar dira. Ibilbide guztia egin ondoren, atzamarrekin bidea jarraitu beharko dute irteeraraino.

6. Ibilbideaz hitz egingo dugu: “Zenbat iltzetatik pasa dira?”, “Norantza doa orain bidea?”. Gora edo behera joaten diren jakin behar dute, baita ere, zenbat koadrikula daude norabide bakoitzeko. Adibidez; bi eskuinetara, orain hiru behera, bat ezkerretara, bi gora,...

7. Geoplano berdinean, bide berri bat egin daiteke, beste kolore bateko gomarekin. Eta, gainera, bi bideen arteko gurutzegune edo elkarguneak landu daitezke. Ariketa hau, gero eta konplexuagoa egingo da goma ezberdinekin bide ezberdinak egin ahala. Bukatzeko, paper koadrikulatuetako laberintoak erabili daitezke, ikasleak hauek beraien geoplanoetan eratzeko.

8. Ereduen kopiaketa: Materiala: Geoplanoa. Tamaina desberdinetako koloreetako gomak. Ereduak; paper koadrikulatuetan. Helburua: Sormenaren garapena irudien osaketaren bidez. Orientazio espaziala plano batean. Garapena: Ariketa hau kopiaketan oinarritzen da eta orientazio espaziala eskatzen du. Irudien, objektuen edo animalien ereduak irudikatu behar dituzte geoplanoan. Ereduak paper koadrikulatuan egon behar dira, koadrikula handiarekin. Irudiak sinpleak eta ezagunak izango dira. Hots, oinarrizko forma geometrikoez osatutako konposizioak izango dira. Horrela, objektu ezagunak sorutz: etxea, zuhaitza, txakurra, etabar.

9. Ikasleak laguntzeko, irudi sinpleen deskonposaketarekin hasi gaitezke. Kolore ezberdinetako gomak erabiliz; irudiaren zati bakoitzerako. Horrela, irudikatzeko erraza den kolore askotako irudi bat izango da. Kopiaketen ariketak menperatu ondoren, ikasle bakoitza bere irudi propioa egiteko gai izango da. Ereduen zailtasun maila, ikasleen gaitasunaren arabera handituko da.

10. Zenbakiak egiten ditugu: Materiala: Geoplanoa. Koloreetako gomak. Ereduak. Helburua: Digitoen ezagutza. Trazuaren orientazioa, espazio grafikoan. Garapena: Erloju digitalak eta objektu elektronikoak direla eta, haurrak lerro zuzenez egindako digitoekin ohituta daude. Ariketa honetan, beraz, 10 digitoak egin beharko dituzte, geoplanoaren koadrikulekin. Paper koadrikulatuetako ereduak erabili daitezke edota arbelean digitoak marraztu, ikasleei lerro bakoitza koadrikula bati dagokiola argituz. Haurrak digito guztiak beraien geoplanoetan irdudikatzen saiatuko dira. Lehenengo, ereduak zuzenean kopiatuz eta gero, eredurik gabe. Hau da:

12. Azalerak neurtzen ditugu: Materiala: Geoplanoa. Koloreetako goma elastikoak. Helburua: Koadrikulen bitartez, azalerak neurtzen hastea. Garapena: Geoplanoa oso baliabide egokia da irudi geometrikoen azaleraren nozioa barneratzeko. Ariketa honetan, haurrak bere arreta irudiaren barnealdean jarri beharko du, azaleren neurketan hasieratuz. Irudiaren barnean dauden koadrikulak zenbatuko dira, irudi horren azalera neurtzeko. Hasieran, isolatuta dauden irudiak neurtuko dituzte. Laukiarekin eta laukizuzenarekin hasiko dira (koadrikula osoekin osatuta daudelako). “Zenbat koadrikula ditu lauki honek?”. Beste era batera ere neurtu dezakete azalera, hain zuzen ere, iltzeak zenbatuz.

13. Oraingo honetan, irudiei buelta emango diegu eta geoplanoa 180º biratuko dugu, azalera mantentzen dela egiaztatzeko. Horretarako, hainbat galdera egingo dizkiegu; “ Zenbat laukitxo dauzka orain irudiak? Berdina al da? Handiagoa da? Txikiagoa da?...” Ondoren, bi irudien arteko konparaketak egingo dituzte. “Zein da handiagoa? Koadrikula bakoitzean gomets bat jarri ezkero, zein irudik beharko luke gomets gehiago?”

14. GEGOPLANOAREN ERABILERARAKO ORIENTABIDE PRAKTIKOAK Klasean, tamaina ezberdinetako geoplanoak edukitzea komenigarria da. Ikasle bakoitzak bere geoplanoa izatea izango litzateke egokiena; horretarako, gurasoengana edota iazko ikasleengana jo dezakegu. Geoplanoaren eraketa sendoa izan behar du, urte askotan erabili ahal izateko. Haurrek goma elastikoekin jolastu behar dute, sortzen dieten ikara kentzeko, gomaren hauskaiztasuna egiaztatzeko eta ohitura hartzeko. Ariketa hau, kontrol psikomotorerako egokia da. Geoplanoa klasean gordeko da, istripurik ez egoteko. Geoplanoa taldeka ala bakarka erabili daiteke. Adibidez, ahozko iruzkinen fasea, binaka ala taldeka egin behar da.