1 / 15

Siang-Hnyangx, Siang-Fiem-Fingx

Siang-Hnyangx, Siang-Fiem-Fingx

kevina
Download Presentation

Siang-Hnyangx, Siang-Fiem-Fingx

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Siang-Hnyangx, Siang-Fiem-Fingx Ging-Sou: Lomaa 12:1-2: “Gorx-youz aac, Tin-Hungh ndongc naaic korv-lienh mbuo, yie ziouc tov! meih mbuo zorqv ganh fungx bun Tin-Hungh hnangv ziec nyei ga'naaiv nor, mv baac maaih maengc nyei, cing-nzengc nyei, dongh ninh a'hneiv nyei ga'naaiv. Hnangv naaiv zoux se horpc nyei, weic zien-zien nyei zaangc Tin-Hungh.

  2. 2 Baamh mienh zoux sic maiv horpc Tin-Hungh, maiv dungx zuotc ninh mbuo nyei nyungc zoux. Mv baac oix zuqc bun Tin-Hungh goiv nzengc meih mbuo nyei hnyouv caux hnamv nyei jauv, duqv siang-nyungc zeiv. Hnangv naaic meih mbuo haih hiuv duqv Tin-Hungh nyei za'eix, haaix nyungc se longx nyei, Tin-Hungh a'hneiv nyei, dunh yunh nyei za'eix.

  3. Biux Mengh Waac: Mbuo bieqc siang-hnyangx daaih aqv. Nyungc-Nyungc zungv jiex gorn benx Siang nyei ga’naaiv, maiv gunv gorngv lomc zangc ga’naaiv, fai saeng-kuv hieh zoih, nyungc-nyungc ga’naaiv jiex gorn cuotv, fai yungz, norqc yaac jiex gorn ndaucjaux, gaeng-zuangx ga’naaiv yaac jiex gorn cuotv siang nyei. Ndiangx yaac jiex gorn cuotv siang-normh nyiemc nzueic. Mbuo yaac horpc zuqc jiex gorn goiv yienc mbuo nyei fiem-fingx. Loz nyei fiem-fingx benx waaic nyei jauv, mbuo oix zuqc tiuv, oix zuqc zorc benx longx nyei, nzueic nyei, dongh mienh buatc, mienh yaac oix nyei jauv. Mbuo oix zuqc bun Tin-Hungh goiv yienc mbuo nyei ziangh maengc.

  4. I. Siang-Hnyangx Siang-Hnyouv (1)Yesu gorngv oix duqv siang-hnyouv mbuo oix zuqc “siang-yungz jiex” (Yo^han 3:3,5) (2) “Haaix dauh caux Giduc juangc maengc ziangh, wuov dauh benx siang-zeix daaih nyei mienh. Loz nyei nyungc-nyungc jiex nzengc, yietc zungv benx siang nyei daaih aqv.” (2 Ko^lin^to 5:17).

  5. (3)Yesu gorngv mbuox sienx ninh wuov deix Yiutai Mienh, "Se gorngv meih mbuo zanc-zanc ei jienv yie njaaux nyei waac zoux, meih mbuo za'gengh zoux yie nyei sai-gorx. Meih mbuo ziouc hiuv duqv zien leiz. Zien leiz yaac oix bungx nqoi meih mbuo." (Yo^han 8:31-32) • (4) Kungx Tin-Hungh ganh haih bun mbuo siang-hnyouv: “Yie oix bun ninh mbuo maaih nduqc diuc hnyouv (fai siang-hnyouv), yaac bun ninh mbuo maaih siang lingh wuonh. Yie oix zorqv nqoi hnangv la'bieiv ngaengc nyei hnyouv aengx bun mau nyei, muangx waac nyei hnyouv (E^se^ken 11:19; 36:26 Yie oix ceix siang-hnyouv bun meih mbuo).

  6. II. Siang-Hnyangx Siang-Hnamv (1)Yesu gorngv siang-yungz jiex daaih nyei mienh maaih siang-hnyouv. Maaih siang hnyouv nyei mienh oix zuqc maaih siang-hnamv, naaiv se longc jienv jiex nyei lingc (Matv^taai 22:37 “Oix zuqc longc nzengc hnyouv, longc nzengc za'eix, longc nzengc cong-mengh hnamv Ziouv, meih nyei Tin-Hungh”). (2) Yesu gorngv, “Ih zanc yie bun diuh siang-lingc meih mbuo, mbuox meih mbuo laanh oix zuqc hnamv laanh. Yie hnangv haaix nor hnamv meih mbuo, meih mbuo oix zuqc hnangv wuov nor laanh hnamv laanh” (Yo^han 13:34)

  7. (3) Ziouv hiuv duqv mbuo hnamv ninh fai maiv hnamv nyei. (Yo^han 5:42) Yesu gorngv, “Yie hiuv duqv meih mbuo, yaac hiuv duqv yiem meih mbuo nyei hnyouv meih mbuo maiv hnamv Tin-Hungh.” (4) Se gorngv haaix dauh maiv hnamv Ziouv, bun ninh zuqc zioux aqv … (1 Ko^lin^to 16:22)

  8. III. Siang-Hnyangx Siang-Hingh (1) Mbuo duqv hingh jiex daic nyei qaqv weic Yesu Giduc - “Mv baac laengz zingh Tin-Hungh, ninh bun mbuo weic mbuo nyei Ziouv Yesu Giduc duqv hingh.” (1 Ko^lin^to 15:57) (2)“Weic zuqc Tin-Hungh nyei naamh nyouz dauh dauh hingh jiex baamh gen mi'aqv. Bun mbuo duqv hingh jiex baamh gen, se mbuo nyei sienx fim. Haaix dauh haih hingh jiex baamh gen? Se dongh sienx Yesu zoux Tin-Hungh nyei Dorn wuov dauh hnangv.”(1 Yo^han 5:4)

  9. (3)Yiem naaiv deix yietc zungv nzaic zingh, Giduc, dongh hnamv mbuo wuov dauh, bun mbuo hingh jiex nzengc (Lomaa 8:37). Tin-Hungh hnamv mbuo maiv maaih haaix nyungc haih ngaeqv ndutv Tin-Hungh nyei hnamv. (4)Mbuo laanh laanh mienh maaih nyungc yiem mbuo nyei maengc dongh mbuo oix hingh…weic Yesu bun mbuo duqv hingh mbuo oix zuqc ziangh hnangv duqv hingh nyei mienh. Mbuo oix zuqc hingh haaix nyungc? Hingh jiex zuiz caux waaic sic nyei jauv.

  10. IV. Siang-Hnyangx Siang-Lorz (1) Weic mbuo sienx Yesu nyei mienh “Meih mbuo oix zuqc zunv hnyouv hnamv gu'nguaaic nyei sic, maiv zeiz yiem naaiv baamh gen nyei sic” (Ko^lo^si 3:1-2). (2) Yesu gorngv mbuox ninh nyei sai-gorx mbuo, “Haaix dauh oix gan yie mingh oix zuqc siev jienv ninh ganh, ndaam jienv ninh nyei ziepc nzaangc jaax gan yie mingh” (Matv^taai 16:24).

  11. (3) “Haaix dauh oix zoux hlo jiex, wuov dauh oix zuqc zoux zuangx mienh nyei nouh” (Maako 10:44). (4) Tin-Hungh ei jienv taaih ninh wuov deix nyei hnyouv oix nyei zoux ziangx. Ninh yaac muangx haiz ninh mbuo heuc jienv tov ziouc njoux ninh mbuo (Singx Nzung 145:19). (5) Maiv dungx mueic jieqv orqv mienh, yaac maiv dungx maaih hnyouv oix caux ninh mbuo yiem (Cong-mengh Waac 24:1).

  12. Setv Mueiz Waac: Dorh Ging-Sou Daaih Longc Nyei Jauv (1) Siang-hnyangx, siang-hnyouv…Maaih nduqc diuc jauv dongh mbuo haih duqv siang hnyouv se mbuo oix zuqc ei jienv Ging-Sou nyei waac zoux. Bide gorngv, “Meih mbuo ei jienv zien leiz zoux ziouc bun meih mbuo nyei hnyouv cing-nzengc daaih yaac za'gengh hnamv sienx Yesu nyei gorx-youz. Hnangv naaic meih mbuo oix zuqc longc nzengc hnyouv laanh hnamv laanh.Meih mbuo se ganh siang-yungz jiex, maiv zeiz yiem haih daic nyei buonv yungz, se yiem maiv haih daic nyei buonv yungz. Weic zuqc meih mbuo kaux Tin-Hungh yietc liuz ziangh jienv nyei doz ganh siang-yungz jiex.” (1 Bide 1:22-23).

  13. (2) Siang-hnyangx siang-hnamv…Mbuo hnamv Tin-Hungh yaac hnamv mienh weic zuqc Tin-Hungh hnamv mbuo ndaangc (1 Yo^han 4:19). (3) Siang-hnyangx siang hingh, Tin-Hungh bun mbuo duqv hingh weic Yesu Giduc (1 Ko^lin^to 15:57). (4) Siang-hnyangx siang-hlengx, weic mbuo benx siang zeiz daaih nyei mienh, loz nyei nyungc-nyungc jiez nzengc, mbuo oix zuqc hlengx yiem Tin-dorngh nyei jauv, maiv zeiz hlengx yiem baamh gen nyei (Ko^lo^si 3:1-2).

  14. (5) Siang-hnyangx, siang-fiem-fingx, siang-eix-leiz, “Tin-Hungh nyei za'eix se oix meih mbuo zoux kuv sic dangv jienv hngongx nyei mienh gorngv nyei pa'lipa'laaix waac. 16 Meih mbuo zoux bungx nqoi nyei mienh ziouc oix zuqc hnangv bungx nqoi nyei mienh yiem nor. Mv baac maiv dungx longc bungx nqoi nyei leiz zoux haaix nyungc waaic sic. Oix zuqc ziangh jienv zoux Tin-Hungh nyei nouh. 17 Oix zuqc taaih dauh dauh mienh. Oix zuqc hnamv sienx Yesu nyei gorx-youz. Oix zuqc gamh nziex Tin-Hungh, taaih Tin-Hungh, yaac oix zuqc taaih hungh diex.” (1 Bide 2:15-17)

  15. Next Week Sermon January 13, 2013 Topic: Growing In God Hlo Yiem Tin-Hungh 2 Bide 1:1-15

More Related