1 / 19

Maiv Maaih Haaix Nyungc Haih Nqaeqv Duqv Tin-Hungh Nyei Hnamv Bun Mbuo.

Maiv Maaih Haaix Nyungc Haih Nqaeqv Duqv Tin-Hungh Nyei Hnamv Bun Mbuo. Lomaa 8:31-39 Romans 8:31-39.

khuong
Download Presentation

Maiv Maaih Haaix Nyungc Haih Nqaeqv Duqv Tin-Hungh Nyei Hnamv Bun Mbuo.

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Maiv Maaih Haaix Nyungc Haih Nqaeqv Duqv Tin-Hungh Nyei Hnamv Bun Mbuo. Lomaa 8:31-39 Romans 8:31-39

  2. “Hnangv naaic, mbuo oix zuqc hnangv haaix nor gorngv? Se gorngv Tin-Hungh tengx mbuo, haaix dauh haih caux mbuo doix-dekc? 32 Tin-Hungh liemh maiv nzaeng ninh ganh nyei Dorn, zungv bun ninh weic mbuo zuangx mienh siev maengc. Hnangv naaic, ninh zorqv ninh nyei Dorn ceix bun mbuo, ninh maiv zeiz oix zorqv maanc muotc baeqc baeqc ceix bun mbuo fai? 33 Haaix dauh haih gox Tin-Hungh ginv daaih nyei mienh? Tin-Hungh ganh gorngv ninh mbuo maiv maaih zuiz.

  3. 34 Hnangv naaic, haaix dauh haih dingc ninh mbuo maaih zuiz? Giduc Yesu fai? Giduc Yesu daic mi'aqv. Tin-Hungh yaac bun ninh aengx nangh daaih. Ih zanc ninh zueiz jienv Tin-Hungh nyei mbiaauc maengx tengx mbuo jouh Tin-Hungh. 35 Giduc hnamv mbuo. Maaih haaix nyungc haih zoux bun mbuo nqaeqv duqv ndutv? Naanc zingh fai? Kuonx hnyouv nyei sic fai? Zuqc mienh zoux doqc fai? Ngorc hnaangx fai? Laaix jomc maiv maaih lui-houx zuqv fai? Haih hoic maengc nyei sic fai? Zuqc daix daic fai?

  4. 36 Hnangv Ging-Sou fiev jienv gorngv, "Weic meih yie mbuo ziangh hnoi zuqc mienh daix jienv yiem. Mienh funx yie mbuo hnangv benx oix zuqc daix nyei ba'gi yungh nor." 37 Yiem naaiv deix yietc zungv nzaic zingh, Giduc, dongh hnamv mbuo wuov dauh, bun mbuo hingh jiex nzengc.

  5. 38 Yie sienx dingc Tin-Hungh hnamv mbuo yaac maiv maaih haaix nyungc haih nqaeqv ndutv bun ninh maiv hnamv, maiv gunv ziangh fai daic, fin-mienh fai mienv, haaix nyungc maaih lingc maaih qaqv nyei, ih zanc cuotv daaih nyei sic fai nqa'haav hingv nyei sic, 39 yiem gu'nguaaic lungh fai ga'ndiev ndau nyei, fai haaix nyungc zeix daaih nyei maanc muotc. Tin-Hungh longc mbuo nyei Ziouv, Giduc Yesu, biux mengh ninh hnamv mbuo, yaac maiv maaih haaix nyungc haih nqaeqv ndutv bun Tin-Hungh maiv hnamv.

  6. Biux mengh waac:Yiem gorn taux ih zanc aengx taux nqa’haav hingv, Tin-Hungh mbenc njoux daaih bun mienh. Yiem Lomaa 8:31-39 Baulo naaic siec joux waac...naaiv deix waac ganh dau ganh, mbuo buatc mengh nyei gorngv taux Sienx Yesu nyei mienh nyei njoux en se wuonv nyei, sienx Yesu nyei mienh yaac maaih lamh hnamv dorngx weic maaih Tin-Hungh tengx, maaih Tin-Hungh dorh, maaih ninh nyei EN nzie jienv. Maiv maaih haaix nyungc haih bun Tin-Hungh maiv hnamv sienx ninh nyei mienh.

  7. Hnangv goux yungh nyei ziouv goux longx ninh nyei ba’gi yungh nor, maiv gunv buangh zuqc haaix nyungc kouv naanc, hoic nyei jauv, fai sic mbuo hiuv duqv ninh hnamv mbuo yaac maiv leih mbuo, maiv guangc mbuo, ninh nyei en gaux bun mbuo dongh mbuo buangh zuqc nyei sic. Maiv gunv mbuo laic duqv mbuo buangh nyei maiv maaih haaix dauh haih bieqc hnyouv Tin-Hungh ninh bieqc hnyouv nyei, ninh cau-fim taux nyei, ninh oix meih bungx hnyouv ninh, ninh oix bun meih haih diev duqv dorh meih yangh dongh horpc nyei jauv, duqv hingh nyei jauv…

  8. I. Tin-Hungh Tengx Mbuo (Lomaa 8:31) 1. Se gorngv (Weic) Tin-Hungh tengx mbuo, haaix dauh haih caux mbuo doix-dekc? Hiuv duqv dingc Weic TH caux mbuo tengx mbuo (Saa^daan caux mienv doix-dekc mbuo E^fe^so 6:11-13 gorngv mbuox mbuo oix zuqc zuqv jienv mborqv jaax nyei wuoqc ginc caux yiem ndaamv-lungh zoux hlo nyei, maaih lingc maaih qaqv gunv naaiv hmuangx haic nyei baamh gen wuov deix, caux yietc zungv waaic haic nyei mienv mborqv jaax; 1 Bide 5:8 Oix zuqc ging hnyouv mbungh jienv. Meih mbuo nyei win-wangv, mienv nyei hungh, hnangv sienh nor njunh jienv mingh mingh daaih daaih lorz mienh ngaatc nyanc )

  9. 2. Nzunc baav mbuo laic duqv naaiv dauh wuov dauh maaih mengh hoc mienh haih tengx mbuo, zuov taux mbuo qiemx zuqc nyei ziangh hoc, ninh maiv yiem wuov, maiv haih tengx yietc nyungc.

  10. 3.Tin-Hungh tengx mbuo ndongc haaix? “TH liemh maiv nzaeng ninh ganh nyei dorn ceix bun mbuo. Ninh maiv zeiz oix zorqv maanc muotc baeqc baeqc ceix bun mbuo fai?” (8:32). Maiv maaih haaix dauh haaix nyungc ndongc naaic tengx longx jiex aqv. 4. Ih zanc Yesu Giduc yiem tin-dorngh, ih zanc weic mbuo yiem Tin-Hungh nyei nza'hmien tengx mbuo (Hipv^lu. 9:24)

  11. II. Tin-Hungh maiv guangc mbuo (Lomaa 8:32-37) 1. Sienx Yesu nyei mienh haih bungx hnyouv duqv TH, weic ninh maiv guangc mbuo. Giduc hnamv mbuo. Maaih haaix nyungc (fai haaix dauh) haih zoux bun mbuo nqaeqv duqv ndutv bun TH maiv hnamv mbuo (8:35).

  12. 2. Tin-Hungh biux mengh ninh nyei hnamv, nyei en, ninh nyei qaqv bun mbuo buatc duqv mengh nyei yiem Yesu Giduc, weic ninh hnamv jiex nyei ninh zungv siev duqv bun daic weic div mbuo, maaih haaix nyungc cuotv daaih ninh maiv cauh fim…buatc ninh zoux nyei mbuo haih bungx duqv hnyouv gorngv ninh maiv guangc mbuo dongh mbuo buangh zuqc nyei…

  13. 3. Tin-Hungh fungc haih bun haaix dauh fai haaix nyungc hoic dongh ninh longc ninh nyei dorn zuoqc nyei mienh? Yesu ganh gorngv, Ninh mbuo yiem yie nyei buoz, maiv maaih haaix dauh haih caangv duqv cuotv. 29 Yie nyei Die zorqv ninh mbuo jiu bun yie. Die yaac gauh hlo jiex maanc muotc. Ninh mbuo yiem yie nyei Die nyei buoz, maiv maaih haaix dauh haih caangv duqv cuotv (Yo^han 10:28-29) 4. Tin-Hungh gorngv “Yie yietc liuz maiv leih meih, yietc liuz yaac maiv guangc meih” (Hipv^lu. 13:5; Nzamc Leiz-latc 31:6) Naaiv bun cing gorngv mbuo sienx Yesu nyei mienh maiv zuqc nzauh fai kuonx hnyouv dongh mbuo buangh zuqc nyei sic (Matv^taai 6:25-34)

  14. III. Tin-Hungh nyei EN gaux bun mbuo (Lomaa 8:38-39) 1. Tin-Hungh hnamv mbuo, mbuo oix zuqc sienx dingc yaac oix zuqc hiuv hnangv Baulo nor “maiv maaih haaix nyungc haih nqaeqv ndutv bun Tin-Hungh maiv hnamv mbuo.” (v. 38-39). Nzunc baav mbuo buangh zuqc sic mbuo haaix hnangv jang Tin-Hungh maiv cauh fim taux mbuo fai niv?

  15. 2. Mbuo maaih lamh kaux, hnamv yiem Yesu. Baulo gorngv taux ziex nyungc zeiv cuotv daaih bun cing gorngv TH nyei en gaux bun mbuo dongh mbuo buangh zuqc nyei sic. (35) Naanc zingh fai? Kuonx hnyouv nyei sic fai? Zuqc mienh zoux doqc fai? Ngorc hnaangx fai? Laaix jomc maiv maaih lui-houx zuqv fai? Haih hoic maengc nyei sic fai? Zuqc daix daic fai? (38-39) Yie sienx dingc Tin-Hungh hnamv mbuo yaac maiv maaih haaix nyungc haih nqaeqv ndutv bun ninh maiv hnamv, maiv gunv ziangh fai daic, fin-mienh fai mienv, haaix nyungc maaih lingc maaih qaqv nyei, ih zanc cuotv daaih nyei sic fai nqa'haav hingv nyei sic, (39) yiem gu'nguaaic lungh fai ga'ndiev ndau nyei, fai haaix nyungc zeix daaih nyei maanc muotc. Tin-Hungh longc mbuo nyei Ziouv, Giduc Yesu, biux mengh ninh hnamv mbuo, yaac maiv maaih haaix nyungc haih nqaeqv ndutv bun Tin-Hungh maiv hnamv. )

  16. 3. 2 Ko^lin^to 12:9 Tin-Hungh gorngv mbuox Baulo “Meih duqv yie nyei en ziouc gaux aqv. Weic zuqc meih mau nyei ziangh hoc yie nyei qaqv se gauh henv jiex.” 4. Dongh mbuo hnoi-hnoi buangh zuqc nyei kouv naanc, sic, kuonx hnyouv nyei jauv, maiv dungx hnamv gorngv naaic se hoic nyei jauv mv baac buatc ziangh bun cing gorngv Tin-Hung haih hinc ninh nyei EN, ninh nyei Hnamv, ninh nyei korh lienh yiem mbuo nyei maengc.

  17. Setv Mueiz Waac: Dorh Ging-Sou Nyei Waac Daaih Longc Nyei Jauv: 1. Yesu mbuox ninh nyei sai-gorx mbuo “Yiem naaiv baamh gen meih mbuo maaih kouv naanc, mv baac gunv bungx hnyouv. Yie hingh jiex baamh gen mi'aqv” (Yo^han 16:33) naaiv deix kouv naanc maaih deix zungv zuqc daic, maiv gunv buangh haaix nyungc, oix zuqc hiuv dingc gorngv maiv maaih haaix nyungc haih nqaeqv Tin-Hungh nyei hnamv bun taux mbuo, naaiv se mbuoqc horngh nyei hnamv, zoix hlo nyei en. Tin-Hungh tengx mbuo, ninh maiv guangc mbuo, ninh nyei en gaux bun mbuo, wuov nyungc mbuo fungc zuqc kuonx hnyouv taux mbuo buangh zuqc nyei. Hnangv Lomaa 8:28 gorngv nor, “Mbuo hiuv duqv Tin-Hungh bun hnamv ninh, dongh ei ninh nyei za'eix heuc daaih wuov deix, yiem maanc sic duqv longx”

  18. 2. Mbuo oix zuqc bungx hnyouv Ziouv caux ninh laengz nyei waac. Dongh mbuo buangh zuqc sic, kouv naanc, kuonx hnyouv nzauh nyei jauv oix zuqc daaih nitv fatv Ziouv. Dorh nyungc-nyungc meih buangh zuqc nyei mingh mbuox ninh…Tin-Hungh maiv leih meih maiv guangc meih, se gorngv meih haix Tin-Hungh leih go meih se weic meih mingh leih go ninh, maiv zeiz ninh leih go meih.

  19. 3. Yie oix naaic gaax meih mbuo, meih mbuo buangh nyei sic, kouv naanc, nyauv nyei jauv, zuqc hoic nyei jauv, naaiv deix sic zoux bun meih mbuo gauh nitv Tin-Hungh fai? Fai gauh leih go Tin-Hungh? Maiv dungx leih go Tin-Hungh dongh meih mbuo qiemx zuqc ninh gauh camv jiex nyei ziangh hoc…se gorngv meih maiv gaengh buangh zuqc sic, meih zaih dangh nziouv zanc zuqc buangh nyei, deix baav meih ih zanc buangh jienv nyei, deix baav meih koqv buangh baac…maiv gunv haaix nyungc oix zuqc jangx jienv, maiv maaih haaix nyungc haih nqaeqv bun Tin-Hungh maiv hnamv mbuo. Tin-Hungh hnamv mbuo bun mbuo hingh jiex nzengc nyungc-nyungc. I^saa^yaa gorngv“Maiv dungx gamh nziex gunv bungx hnyouv Ziouv” (I^saa^yaa 12:2)

More Related