210 likes | 322 Views
Baamh Mienh Nyei Mba’nziu Human’s Heart Ging-Sou Scripture: Maako Mark 4:13-20.
E N D
Baamh Mienh Nyei Mba’nziu Human’s HeartGing-Sou Scripture:Maako Mark 4:13-20
13 Yesu aengx naaic ninh mbuo, "Meih mbuo maiv mengh baeqc naaiv diuh waac-beiv fai? Wuov nyungc, meih mbuo hnangv haaix nor haih mengh baeqc ganh diuh? 14 Haaz nyim nyei mienh haaz nyei nyim se Tin-Hungh nyei kuv fienx. 13 Then Jesus said to them, "Don't you understand this parable? How then will you understand any parable? 14 The farmer sows the word.
15 Maaih deix mienh se hnangv ndortv zuqc jauv wuov deix nyim nor. Mienh haiz liuz kuv fienx, Saadaan liemh zeih daaih zorqv yiem hnyouv wuov deix kuv fienx cuotv mi'aqv. 16 Aengx maaih deix mienh se hnangv ndortv zuqc la'bieiv-lomc nyei nyim. Yietv haiz Tin-Hungh nyei kuv fienx ziouc a'hneiv zipv. 15 Some people are like seed along the path, where the word is sown. As soon as they hear it, Satan comes and takes away the word that was sown in them. 16 Others, like seed sown on rocky places, hear the word and at once receive it with joy.
17 Mv baac se hnangv kuv fienx njiec nzungh maiv ndo, sienx maiv lauh. Ninh mbuo laaix kuv fienx buangh zuqc sic fai zuqc mienh zoux doqc, ninh mbuo ziouc cuotv mi'aqv. 18 Maaih deix mienh yaac hnangv haaz ndortv zuqc njimv-lomc wuov deix nyim. Ninh mbuo haiz Tin-Hungh nyei waac, 17 But since they have no root, they last only a short time. When trouble or persecution comes because of the word, they quickly fall away. 18 Still others, like seed sown among thorns, hear the word;
19 mv baac laaix seix zaangc nyei jauv kuonx hnyouv fai laaix hnamv zinh nyaanh, fai laaix mauv oix duqv nyungc-nyungc ga'naaiv, mbiorngz jienv Tin-Hungh nyei waac, nyim ziouc maiv haih jauh aqv. 19 but the worries of this life, the deceitfulness of wealth and the desires for other things come in and choke the word, making it unfruitful.
20 Mv baac maaih deix mienh hnangv ndortv zuqc ndau-longx wuov deix nyim. Ninh mbuo haiz Tin-Hungh nyei waac ziouc zipv daaih, yaac ziangh duqv gitv. Maaih deix yietc gouv duqv faah ziepc gouv, maaih deix duqv luoqc ziepc gouv, maaih deix duqv yietc baeqv gouv.“ 20 Others, like seed sown on good soil, hear the word, accept it, and produce a crop—thirty, sixty or even a hundred times what was sown."
Biux Mengh Waac Introduction: Baamh mienh mba’nziu maaih 6 nyungc. There are 6 kinds of human hearts
(1) Jauv-hlen mba’nziu (15). Path-way heart (15). Jauv-hlen nyei mba’nziu se biux mengh taux mienh maiv nyunc zipv Tin-Hungh nyei waac bieqc ninh mbuo nyei maengc. Ninh mbuo bun qangx Saa^daan daaih hoic ninh mbuo. Ninh mbuo maiv laengz zipv Tin-Hungh nyei waac yiem ninh mbuo nyei hnyouv. Ging-Sou gorngv naaiv nyungc mienh se “hnangv ndortv zuqc jauv wuov deix nyim nor. Mienh haiz liuz kuv fienx, Saadaan liemh zeih daaih zorqv yiem hnyouv wuov deix kuv fienx cuotv mi'aqv” (vs.15).
Nyungc zeiv se hnangv mingh zoux leiz-baaix, muangx zunh doz nyei waac, nzuonx taux biauv daaih koi diuv, koi mbie hopv, mingh ndouv zinh, dangc foot ball lo haaix nor. Naaiv nyungc mienh nyei hnyouv se hnangv mbuo hiiuz hnaangx daaih zaangh jienv yienv maiv nyanc bun juv daaih nyanc nor. Mbuo mingh muangx, mingh hoqc Ging-Sou, mv baac maiv dorh daaih longc, daux nzuonx mingh zoux waaic sic. Zinh ndaangc maaih i hmuangv mienh mingh couple retreat nzuonx taux biauv daaih hnangv, ziouc nzaeng jaax mborqv jaax aqv.
(2) La’bieiv-ndau nyei mba’nziu (16-17). Rocky-ground heart. (16-17). La’biev-ndau nyei mba’nziu se biux mengh taux maiv ziepc zuoqv hnyouv nyei mienh. Naaiv nyungc mienh maiv bun Tin-Hungh nyei waac yiem ninh mbuo nyei maengc, ninh mbuo ngaengc jienv hnyouv maiv bun Tin-Hungh nyei waac goiv yienc ninh mbuo nyei maengc. Naaiv nyungc mienh se maaih i setv, maaih setv se laaix sienx Yesu nyei jauv zuqc mienh zoux doqc hoic, caux buangh zuqc sic fai kouv naanc nyei jauv ziouc tuix bouc aqv, weic maiv maaih gorn-ndoqv hnangv ga’naaiv zuangx cuotv yiem la’bieiv-lomc nor, mv maaih nie camv, ziangh maiv duqv lauh.
Maaih setv se ngaengc jienv hnyouv maiv muangx Tin-Hungh nyei waac, maiv bun Ging-Sou nyei waac zorc ninh mbuo nyei maengc. Ninh mbuo mingh zoux leiz-baaix, mingh hoqc Ging-Sou, muangx Ging-Sou, haiz Ging-Sou gorngv zuqc ninh mbuo zoux nyei sic nor, ninh mbuo ziouc butv qiex maiv mingh zoux leiz-baaix aqv. Gong-Sou gorngv, naaiv nyungc mienh se “hnangv ndortv zuqc la'bieiv-lomc nyei nyim. Yietv haiz Tin-Hungh nyei kuv fienx ziouc a'hneiv zipv. Mv baac se hnangv kuv fienx njiec nzungh maiv ndo, sienx maiv lauh. Ninh mbuo laaix kuv fienx buangh zuqc sic fai zuqc mienh zoux doqc, ninh mbuo ziouc cuotv mi'aqv (vs. 16-17).
(3) Njimv-lomc nyei mba’nziu (18-19). Thorny heart. (18-19). Njimv-lomc nyei mba’nziu se biux mengh taux mauv zinh zoih nyei mienh. Naaiv nyungc mienh laaix mauv zinh zoih nyei jauv guangc Tin-Hungh, guangc maiv mingh zoux leiz-baaix, maiv mingh fuh sux Tin-Hungh. Ninh mbuo bun zinh nyaah gunv jienv ninh mbuo, ninh mbuo maiv haih daaih nitv fatv Tin-Hungh, se hnangv gaeng-zuangx nor, zuqc njimv mbiorngz jienv ziouc maiv ziangh biouv gitv. Naaiv nyungc mienh yaac bun mauv zinh nyaanh nyei jauv gunv jienv ninh mbuo nyei maengc, zoux bun ninh mbuo maiv haih hlo yiem Tin-Hungh nyei en.
Ging-Sou gorngv, naaiv nyungc mienh se “hnangv haaz ndortv zuqc njimv-lomc wuov deix nyim. Ninh mbuo haiz Tin-Hungh nyei waac, mv baac laaix seix zaangc nyei jauv kuonx hnyouv fai laaix hnamv zinh nyaanh, fai laaix mauv oix duqv nyungc-nyungc ga'naaiv, mbiorngz jienv Tin-Hungh nyei waac, nyim ziouc maiv haih jauh aqv. (Vs. 18-19).Naaiv nyungc mienh nyei fiem-fingx, sienx Yesu nyei jauv laic duqv haih butv zoih, fuh sux Tin-Hungh nyei jauv laic duqv haih duqv zoux hlo gunv mienh, duqv mengh dauh mengh hoc, mv baac maiv zeiz hnangv naaic.
Naaiv nyungc mienh se maaih i diuc hnyouv, yoc oix zunc baamh gen nyei jauv, yoc oix zunc Tin-Hungh nyei jauv, I nyungc zungv baengc jienv ninh mbuo, setv mueiz laaix mauv zinh nyaanh nyei jauv, zoux bun ninh mbuo suei leiz go Tin-Hungh, maaih deix zungv siangx tuix bouc maiv sienx Yesu.
(4) Faah ziepc gouv longx nyei mba’nziu (20). 30 times-good heart (20). Faah ziepc gouv mba’nziu nyei mienh. Naaiv nyungc mienh bun Tin-Hungh nyei waac bieqc ninh mbuo nyei hnyouv taux faah ziepc gouv hnangv. Aengx maaih cietv ziepc gouv corc bun zuiz fai aapv eix gunv jienv nyei. Ninh mbuo longc faah ziepc gouv ninh mbuo nyei maengc fuh sux Tin-Hungh. Maaih cietv ziepc gouv longc fuh sux zuiz.
Ging-Sou gorngv, naaiv nyungc mienh se hnangv, “ndortv zuqc ndau-longx wuov deix nyim. Ninh mbuo haiz Tin-Hungh nyei waac ziouc zipv daaih, yaac ziangh duqv gitv. Maaih deix duqv faah ziepc gouv.” Naaiv nyungc mienh, kungx maaih faah ziepc gouv nyei hnyouv bun Tin-Hungh hnangv, maiv zeiz zien-zien ziepc zuoqv hnyouv fuh sux. Ninh mbuo bun Tin-Hungh longc ninh mbuo nyei maengc taux faah ziepc gouv hnangv. Maaih cietv ziepc gouv corc bun zuiz longc jienv nyei.
(5) Luoqc ziepc gouv longx nyei mba’nziu (21). 60 times-good heart (21).Luoqc ziepc gouv mba’nziu nyei mienh. Naaiv nyungc mienh bun Tin-Hungh nyei waac bieqc ninh mbuo nyei hnyouv taux luoqc ziepc gouv hnangv. Aengx maaih feix ziepc gouv corc bun zuiz fai aapv eix gunv jienv nyei. Ninh mbuo longc luoqc ziepc gouv ninh mbuo nyei maengc fuh sux Tin-Hungh.
Maaih feix ziepc gouv longc fuh zuiz. Ging-Sou gorngv naaiv nyungc mienh se, “hnangv ndortv zuqc ndau-longx wuov deix nyim. Ninh mbuo haiz Tin-Hungh nyei waac ziouc zipv daaih, yaac ziangh duqv gitv. Maaih deix duqv luoqc ziepc gouv." Naaiv nyungc mienh zoux longx nyei jauv, duqv taux luoqc ziepc gouv hnangv, aengx maaih feix ziepc gouv corc liouh jienv bun zuiz longc.
(6) Yietc baeqv gouv longx nyei mba’nziu (21-22). 100times-good heart (21-22). Yietc baeqv gouv mba’nziu nyei mienh. Naaiv nyungc mienh bun Tin-Hungh nyei waac bieqc ninh mbuo nyei hnyouv taux yietc baeqv gouv. Eix-leiz se bun Tin-Hungh gunv nzengc ninh mbuo nyei maengc mi’aqv. Ninh mbuo longc nzengc ninh mbuo nyei hnyouv fuh sux Tin-Hungh. Ninh mbuo maiv hnamv taux baamh gen nyei haaix nyungc jauv aqv, naaiv nyungc mienh se hnangv Feix Orn Dorc, Naix Luaangh Dorc, Dr. Henry, aengx caux ziex dauh missionary nor.
Ging-Sou gorngv, “Mv baac maaih deix mienh hnangv ndortv zuqc ndau-longx wuov deix nyim. Ninh mbuo haiz Tin-Hungh nyei waac ziouc zipv daaih, yaac ziangh duqv gitv. Maaih deix duqv yietc baeqv gouv." Naaiv nyungc mienh, ninh mbuo duqv zipv liuz Tin-Hungh nyei njoux en nyei kuv, longc nzengc hnyouv sienx, longc nzengc hnyouv fuh sux Tin-Hungh, ninh mbuo maiv hnamv taux baamh gen nyei haaix nyungc jauv, yaac maiv bun haaix nyungc daaih nqaeqv ninh mbuo caux Tin-Hungh.
Setv Mueiz Waac: Ih hnoi nyei Ging-Sou biux mengh mbuox mbuo taux baamh mienh maaih nyei 6 nyungc mba’nziu. Meih hnamv daaih meih maaih nyei se dongh haaix nyungc mba’nziu? Mbuo duqv bun Tin-Hungh nyei waac gunv nzengc mbuo nyei maengc nyei fai? Kuv mba’nziu se bun Tin-Hungh nyei waac haih ziangh biouv gitv. Naaiv nyungc jauv bun Tin-Hungh duqv njang-laangc. Waaic nyei mba’nziu se bun zuiz longc zoux zuiz nyei nouh. Pouh tong mba’nziu se bun deix Tin-Hungh nyei waac bieqc, bun deix zuiz bieqc.