1 / 16

Eus eige leedsjes deil 2 november 2008

Eus eige leedsjes deil 2 november 2008. Klikke. In Mestreech woort get aofgezónge in de loup vaan d'n tied. Veur eder gelegenheid had de Mestreechteneer z'n leedsjes. En es ze d'r neet waore daan woorte ze gemaak! Zoe is 'n sjat vaan óngekinde weerde óntstande.

jaime-gilmore
Download Presentation

Eus eige leedsjes deil 2 november 2008

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Eus eige leedsjes deil 2 november 2008 Klikke

  2. In Mestreech woort get aofgezónge in de loup vaan d'n tied. Veur eder gelegenheid had de Mestreechteneer z'n leedsjes. En es ze d'r neet waore daan woorte ze gemaak! Zoe is 'n sjat vaan óngekinde weerde óntstande. Me zuut aon de leedsjes tot de Mestreechteneer 't plezeer zeuk. Meh ouch zien sjagrijn klink drin door. Sóms geit heer middenin e leedsje inins euver op 't Hollands. Dèks is dat e teike tot heer serjeus weurt. De leedsjes weure nogalins op versjèllende menere gezónge. Dat kump umtot ze vaan ginnerasie op ginnerasie móndeling euvergelieverd woorte. En daan wèlt wel ins get veraandere. Iech wins uuch väöl plezeer mèt 't beluustere en zinge vaan dees Mestreechter sjatte. TINY

  3. Dit leedsje (koeplèt 3, 4 en 5 bestónge al) woort gezónge mèt 'nen nuijen teks (koeplèt 1 en 2) nao de staking in 1896 op de febrik vaan Regout. De zäöns vaan d'n awwen hier Regout maakde e pötsje devaan mèt 't benaodeile vaan de wèrrekluij. Um d'n haverklap woort op hunne kejzjem geld ingehawwe, daan veur dit en daan veur dat. En dees kier woort 35 sent in mindering gebrach. Noe moot me weite tot 't loen vaan 'nne jónge wèrrekmaan nog geine gölle per daag waor! 't Laog mer d'r aon wieväöl ervaring heer had en wat heer deeg. Aon "de hinne zien geplök, de vere zien gevloge" kin me zien tot ze ziech behuurlik verneuk voolte. Leuk vin iech de bedreiging tot ze soldaot woorte of nao Charleroi of de kristalfebrik Val Saint Lambert in Luik zouwe goon! Dao waor 't, nao 't sjijnt, get beter geregeld veur de wèrrekluij.

  4. Dit aajd leedsje woort door de zengers vaan de "Mestreechter Staar" ins 'ne kier de ganse nach door gezónge (in fiesstumming), naotot ze d'n hoegste pries gewónne hadde op e kóngkoer in Bergen/Mons. De inwoeners vaan Bergen dachte tot 't us volleksleedsje waor en preze de “patriottische instelling” vaan de Staarzengers. (bronne: Sjarel Thewissen en Joseph Systermans)

  5. Dit leedsje sleit op de kèrremis vaan Meersse boe gans Mestreech nao touw góng. Heer waor in 't oktaaf vaan Sakkerminsdaag. Hijj klikke um mèt te zinge.

  6. 'n Aajd vastelaovendsleedsje vaan oet d'n tied tot Mestreech nog e milletaer Hollands garnizoen had. Me vierde same mèt de piejotte vastelaovend op straot, vendao de Hollandse seldaoteleedsjes. Ouch naotot 't garnizoen hijj weg waor bleve de luij dees leedsjes zinge.

  7. Dit is ouch zoe seldaoteleedsje, zjus wie 't vollegende, "Ach God waar mag mijne minnaar wezen".

  8. Vollegens Sjarel Thewissen is 'retteke poeh‘ of 'retche poeh' de Verbastering vaan 'race de pouce‘ (luizepak).

  9. Zjannètteke is e meisterlik leedsje! 'ne Gouwe knievel mèt zèllevere häörkes draon. Wee bedeenk ziech zoeget grappetigs.

  10. D'n tómbo waor 't mónnemint veur ginneraol Destombes. Dat stoont bijj de pepierfebrik. 't Waor de 'aofwèrrekplek‘ vaan Nèt den Daanjel. Nèt waor 'n heurke oet 't Gräötsje in Wiek. 'ne Kier had Nèt ruizing gekrege mèt eine van häör klante. Dee had zoe aon häör kleijer getrokke tot Nèt verrete en versjäörd op hoes aon góng. Deender Seegers brach häör nao 't polliesieburo. Op dees gebäörtenis woort al gaw e leedsje gemaak. Nèt den Daanjel waor evels de dochter vaan 'nen awwen oosgenger en häör ma (of häör naoberse) waor 'Trui d'n Deur" (deur = stier)

  11. Vaan dit leedsje bestoon miejer versies. Mien versie wiek aof vaan wie 't hijj steit.

  12. Kómpleminte vaan TINY Mèt daank aon Sjarel Thewissen Thei Bovens en alle aw Mestreechtenere www.xs4all.nl/~hfeij

More Related