Eus eige kinderleedsjes en aoftelrijmpkes

1. Eus eige kinderleedsjes en aoftelrijmpkes

2. Eun deun dip Kiene kanne kip Kiene kanne botermelk Eun deun dip Öpke döpke Reubesöpke Öpke döpke knaol Moojer heet e nieteköpke Vaajer heet e krabbeköpke Öpke döpke Reubesöpke Öpke döpke knaol.

3. Dit leedsje is e kietelleedsje. Bij "Kiele-wiele-wenske" woort 't kinneke gekieteld. Iech gong nao de mèrret Iech koch 'n kooj E stökske lever veur de bever E stökske long veur de koejong E stökske penske Kiele-wiele-wenske

4. Hot hot bajke Wiele-wiele-wajke Hot hot juuuuu

5. Dao waor ins e menneke Dat sjeet in e penneke Zoen hiel klei keutelke En dat lag heer op e sjeutelke Heer brach 't nao menier den Dis En zag:"Hei is lekkere stokvis". Menier den Dis staok 't in ziene moond En zag:"Foj,foj,dat is kattestroont".

6. 't Regent ,'t zegent De panne valle aof Dao kaome twie boerinnekes en die loupe op en aof. 't Regent, t Zegent De panne weure naat Dao kaome twie boerinnekes die vele op hun gaat.

7. Roed wit blouw de keuning met zien vrouw de keuning met zien kinderkes Roed wit blouw En 't huidsvleis vaan de boer en 't huidsvleis vaan de boer Dat zien gekapde pieringe Flets 't tege de moer Ein twie drei Pieke in de wei Pieke in zien oonderbrook Ein twie drei

8. Ein twie drei veer vijf zes zeve Triene vaan de bok die kaom us tege Triene vaan de bok die leet 'ne keek(sjeet) Nein vaajer dat daon 'ch neet Wee deit 't daan 'nen Aandere maan Wie hèt dee maan Knuipjaan Wie hèt zien vrouw Knuddel in de mouw Wie hèt 't keend Snótsvink

9. Vreuger woort vaan d'n tore vaan 't aajd stadhoes um 10 oor e signaal gebloze. De kleppermaan reep bij zien runde: "Tien ore heet de klok De klok heet tien". De kinder die nog neet nao bed waore zonge 'm daan nao: "Luf d'n hoond zie stertsje op daan kinste ze vötsje zien.

10. Oonder d'n errem Is 't werrem Pie en Pow Pie en Pow Keutel in de mow Oonder d'n errem Is 't werrem Pie en Pow Pie en Pow Goon veer same nao Sint Gillis touw

11. Achter 't stadhoes dao zaot 'n moes Is menier de Wit neet toes? Nein,dee is water hole. Raoj 'ns wee heer tegekaom? Twie iezere mennekes Twie potte en pennekes Twie mennekes zoonder ziel Ach en ach is zestien.

12. Sè niekela petrao deséékoljee apottema de plume de ma mè soeljee sje dieree ma priejijr a mè petiepetao sje dieree ma priejijr pour avwaar de bao-bao venee venee sè niekela venee venee sè niekela venee venee sè niekela tralalala Saint Nicolas patron des ecoliers apportez moi des sucres dans mes deux souliers je serai toujours sage comme un petit mouton je dirai mes prières pour avoir des bonbons Venez venez Saint Nicolas venez venez Saint Nicolas venez venez Saint Nicolas Tralalala

13. Sinterklaos dee heet gezag Veer mage speule Veer mage speule Sinterklaos dee heet gezag Veer mage speule d'n gansen daag Krik krak Sjiemlala Sjiemlala Sjiemlala Krik krak Sjiemlala Sjiemlala

14. Sinterklaos vaan heineve Dee heet 'ne breef gesjreve Mèt zien linkerhand En mèt zien groet verstand Sinterklaos vaan Heugem Vleug op eine vleugel Heer maak de kinder bang En stik ze met 'n spang Sinterklaos dao achter Ging 'ns nao de slachter Koch ziech dao e stumpke En lag 't in e klumpke Sinterklaos vaan oet Hare Dee leet ziech lekker vare Heer rijt vaan taak tot taak Al met e groet gemaak

15. Slaop kinneke slaop D'n moojer is e sjaop D'ne vaajer is 'nen ossekop En este neet stel bis daan krijgste 'rs trop Slaop kinneke slaop D'n meer dat is e sjaop Slaop kinneke slaop Dao achter kump e sjaop Dat sjaop dat heet 'ne zwarte poet En zeet dat 't kinneke slaope moot Slaop kinneke slaop Dao achter kump e sjaop.

16. 't Volgende leedsje is hiel aajt. Umstreeks 't jaor 1200 woort 't al gezoonge in Gent. Zoe weurt 't gezoonge en gespäöld: Ei keend,mesjuffelke,steit allein tegeneuver de aander kinder,die in 'n lang rij hand in hand stoon opgesteld,met 't gezich nao mesjuffelke. Oonder 't zinge make de kinder 8 peskes nao veure en denao weer 8 peskes nao achtere. De oneve couplètte weure door de kinder gezoonge,de eve door mesjuffelke. Op 't leste weurt ei keend aongeweze es de "allerleefste". Dat geit daan neve mesjuffelke stoon . 't Speul begint vaan väöre aof aon,zjus zoe lang tot alle kinder euvergehaold zien. Iech höb dit späölselke in mien jäög mèt väöl plezeer gespäöld. Jaomer dat iech 't daonao noets mie höb hure zinge. Klikke

17. 1 Vanwaar komt gij getreden mesjuf mesjuf mesjuffelke Vanwaar komt gij getreden mesjuffelke? 5 Voor wie zal die wel wezen mesjuf mesjuf mesjuffelke Voor wie zal die wel wezen mesjuffelke? 2 Ik kom van onder de aarde mesjuf mesjuf mesjuffelke Ik kom van onder de aarde mesjuffelke. 6 Voor mijnen allerliefste mesjuf mesjuf mesjuffelke Voor mijnen allerliefste mesjuffelke. 3 Wat hebt gij daarvan meegebracht mesjuf mesjuf mesjuffelke Wat hebt gij daarvan meegebracht mesjuffelke? 7 Wie is uw allerliefste mesjuf mesjuf mesuffelke Wie is uw allerliefste mesjuffelke? 4 Een mand met gouden rozen mesjuf mesjuf mesjuffelke Een mand met gouden rozen mesjuffelke. 8 Dit is mijn allerliefste mesjuf mesjuf mesjuffelke Dit is mijn allerliefste mesjuffelke.

18. Drei keuninge drei keuninge geef miech 'ne nuien hoed mienen awwe is verslete miene vaajer maag 't neet wete mien moojer heet gei geld drei keuninge in 't veld

19. Iech höb e wit-zwart spiegelke gevoonde Ich höb 't aon mien hertsje geboonde Kieromme,kieromme En (Maike) drejt zich ins um En es (Maike) ziech heet umgedrejd Dat heet häör vaajer of häör moojer häör gelierd Kieromme,kieromme En veer drejje us allemaol um.

20. Tösse Dreikeuninge en de Vastelaovend trokke de kinder vaan Sint Pieter met 'nen verseerden tak bedelentere langs de hoezer. Volgens miene maan, dee dao woende, kraoge ze in zienen tied vaan de mieste lui e paar sent. Heije heije klödsje zoe dik es e hödsje zoe dik es 'n boen God gief loen Hei woent 'ne rieke maan dee us wel get geve kaan welt heer us niks geve heer zal neet lang mie leve D'n hoegen hiemel is opegedoon geef us get en laot us goon Veer höbbe nog niks gehad vaan 't verreke z'ne start Laot 't metske zinke snij mer vaan de sjinke laot 't metske haange snij mer vaan de laange heije heije hödsje

21. Iech weit niks zéker euver de gesjiedenis vaan dit leedsje Mèh, iech höb wel mien gedach heieuver! Vreuger ,veur 1874 (Kinderwetsje vaan van Houten), werkde kinder oonder de 12 jaor ouch snachs in de febrik vaan Regout. Umtot ze deks nog haaf slepe es ze um 12 oor snachs naor hun sjiech mooste goon,zàtte peer of meer hun wel ins op de blouwe leistein vaan de Sint Mattheiskerk um wakker te weure. Mesjien waor Anna ouch zoe kinneke. En Anna zat op de blauwe steen blauwe steen, blauwe steen En Anna zat op de blauwe steen blauwe steen

22. Kompleminte vaan Wiel Mestreech, november 2008