Eus eige leedsjes Deil 7

1. Eus eige leedsjes Deil 7 Klikke um wijjer te goon

2. In Hier dao is ’n hermenie Die besteit mer oet ’ne maan of twie Refrein: Fiederalala fiederalala fiederalalalala In Hier dao is ’n foetbalklub Die laam en stief ’t veld op krup In Hier dao is ’ne polliesieagent Dee loert de kinder op hun zóndagssent In Hier dao is ’ne groete weeg Dee liekent väöl op ’ne boeteweeg In Hier dao is ’ne Hebios Dao zitte alle steulkes los In Hier dao is ’nen herdershónd Dee löp dao in zien bloete kónt In Hier dao is ’ne Gemeinteraod Dee späölt mèt huive oppe straot Mèt dit leedsje plaogde de Mestreechtenere die vaan Hier. Tot 1970 had Hier ’nen eige Gemeinteraod en zellefs ’nen eige cinema, ”Hebios” geheite. In 1970 woort Hier door Mestreech geannekseerd. Calvérikklaam (1910-1925)

3. Dao lik ’ne vreemde kerel in ’t bèd Troederie-derie-derallala Heer heet ziech zellefs touwgedèk Troederie-derie-derallala. En Nèt heet achter ’t Lómmelefebrik Troederie-derie-derallala De aw Sentroen häör hummekes getik Troederie-derie-derallala. Mèt lómmelefebrik weurt de pepierfebrik bedoeld. Pepier woort o.a. gemaak vaan aw lómmele. De aw Sentroen häör hummekes zalle wel op de bleik gelege höbbe.

4. Komt laten wij een wandeling gaan doen Al in het jeugdig groen Met een meisje van fatsoen 2× Komt laten wij weer vrolijk wezen Komt laten wij weer vrolijk zijn Komt laten wij een wandeling gaan doen Al in het jeugdig groen Met een meisje van fatsoen 2× Hijj weurt André senior bedoeld. Euzen Andréis vreug begós mer neet toen heer 6 of 7 jaor waor !

5. MEZIEK: GOUBLIER (WIJS VAAN ”LE CREDO DU PAYSAN”) Tinus had ’nen hoege nómmer getrokke, Heer mós goon dene noe es seldaot. ’t Ganse hoes dat laog ’t ónderstebove, ’t Ganse dörrep waor ten einde raod. D’n awwen os, dee leet ziech neet mie mèlleke, De roejen haon, dee lag gein eijer mie. En Triene stónt in ’nen hook te beuke: ”M’ne leve Tinus, zeen iech diech daan noets mie ?” Refrein: Triene mie keend, iech zal diech noets vergete, Diech blijfs veur miech op eerd, Altied ’t mieste weerd ! Wied vaan diech weg heet miech ’t lot gesmete. Diech blijfs veur miech op eerd. } Altied ’t mieste weerd. } 2 kier Wied vaan de bös en vaan de heuvelklinge, Wied vaan de häöf en vaan de modderpeul. Wied vaan de weije boe v’r appele gónge stele, Wied vaan dat alles bin iech noe gesjeijd ! Wied vaan mien Triene, boe iech zoe dèks mèt praotde, Wied vaan de plaots boe iech häör ’t ierste zaog. Wied vaan de plek, boe ’ch levensleech aonsjouwde, Wied vaan dat alles bin iech noe gesjeijd ! Vaan 1810 tot 1938 móste deenspliechtige jónges lote um hun deenspliech te vervölle. Wee oetgeloot woort zat z’ne nómmer op z’n patsj en góng vaan plezeer flink aon de rol. Wee ingeloot woort deeg ’t zellefde meh daan vaan sjagrijn. Me kós tot 1898 ouch ’ne ramplassant aonstèlle. Dee woort betaold um d’n ingelote jóng te vervaange.

6. En ’t huidsvleis vaan de boer en ’t huidsvleis vaan de boer. ’t Zien gekapde pieringe en flets ’t tege de moer ! En ’t huidsvleis vaan de boer en ’t huidsvleis vaan de boer. ’t Zien gekapde pieringe en flets ’t tege de moer ! Rikklaam veur ”Kwatta” sjóklaat oet 1951

7. Hop, hop hop mèt de brouwerskaar Jao dat beer is neet good gaar. En ’t begint al gaw te stinke En de kaans ’t neet mie drinke. ’t Is zoe zoer es azien En iech drink nog liever wien. Umslaag vaan e carnavalsleedsje oet 1950

8. Zeve èlle in de brook vaan Fien Al in de brook vaan Fien Al in de brook vaan Fien. Zeve èlle in de brook vaan Fien Al in de brook vaan Fien. Duij ze daan mer in de wasmasjien Al in de wasmasjien Al in de wasmasjien. Duij ze daan mer in de wasmasjien Al in de wasmasjien. Affiesje oet 1911 vaan de SDAP. ’t Algemein Keesrech veur mansluij woort in 1917 ingeveurd. Vrouwe móchte pas in 1919 goon stumme.

9. Hakke stónt te kakke op ’t heukske vaan de Brakke En toen kaome twie klabakke en die naome Hakke mèt ! Frisse stónt te pisse in d’n hoof vaan de Klarisse En toen kaome twie pelisse en die naome Frisse mèt ! Sije stónt te speije in de Wolderse kóntreije En toen kaome twie lakejje en die naome Sije mèt ! Niete stónt te sjiete in d’n hoof vaan de Zjezwiete En toen kaome twie bandiete en die naome Niete mèt ! Pluime stónt te fluime boe de bere wel ’ns druime Twie die snie op gónge ruime naome Pluime stiekem mèt ! Jeuke stónt te beuke bijj de nonne in de keuke En toen kaome twie zoe ’n leuke en die naome Jeuke mèt ! Knolske drónk ei bolske op de Mèrret bijj Pie Knolske En toen veulde ze aon ze polske en ze naome Knolske mèt ! Dasse stónt te plasse in de Staar achter de basse En toen kaome twie paljasse en die naome Dasse mèt ! Kleine stónt te grijne bijj z’n Ma achter de gardijne En toen kaome twie hiel fijne en die naome Kleine mèt ! Meeze waor aon ’t peze, wouw de berreg op goon sjeze En toen kaome twie Sjieneze en die naome Meeze mèt ! Bolle laog te rolle mèt de maog vaan Oswald Kolle En toen kaome twie aw snolle en die naome Bolle mèt ! Dit leedsje is gegreujd in de loup vaan d’n tied. D’r kaome ederskier miejer koeplètte bijj. ’t Kouplèt vaan ”Bolle” sjijnt gemaak te zien door Sjarel Thewissen. Oswald Kolle waor ’ne seksgoeroe oet deen tied.

10. Wee zouw dörreve spotte mèt de keuning zien piejotte, zal de bak in goon dee zal de bak in goon. Wee zouw dörreve spotte mèt de keuning zien piejotte zal de bak in goon. Wee zouw dörreve kakke op de keuning zien gemakke, zal de bak in goon dee zal de bak in goon. Wee zouw dörreve kakke op de keuning zien gemakke zal de bak in goon. Hijj weurt gesproke euver ”de keuning” zien piejotte. Keuning Willem III is gestorreve in 1890. Dit zouw dus e leedsje kinne zien vaan veur deen tied !!

11. Iech maag veur mien mojer neet vrijje Mer iech daon ’t toch Iech daon ’t toch. Iech maag veur mien mojer neet vrijje Mer iech daon ’t toch Iech daon ’t toch. Miene leefste heet gezag Tot heer kump um hallef ach Op ’t heukske vaan de Groete Grach. Iech maag veur mien mojer neet vrijje Mer iech daon ’t toch Iech daon ’t toch.

12. Meister Jepkes höbder hieringe ? Nein, nein, nein die zien verkoch. Achter de winkelbaank ligke de köpkes. Krijg ze uuch en et ze op ! In de dertiger jaore, tijjdens de krisis, deeg mevrouw Colijn (vrouw vaan de minister - prizzedent) de vollegende oetspraok bedoeld veur de oetkieringstrèkkers: "Aon vèsköpkes zit nog zoeväöl vèsvleis dat geer dat röstig kint gebruke es geer gein sent höb um vès te koupe". ’t Verhaol geit tot ’n aontal raozetige wèrrekloeze ’n enorm laojing vèsköp in häören hoof gekieperd heet. Of de oetspraok vaan mevrouw Colijn get mèt ’t leedsje te make heet, weit iech neet. Dit is ’n affiesje oet 1906 veur ’n tentoenstèlling vaan de Mestreechse sjèlder Henri Goovaers. (Zjus, dee boe dee weeg nao genump is, d’n Henri Goovaersweeg !)

13. Vleremoes kóm saoves toes Iech zal diech e bèdsje make Vaan twie gesjäörde lakes Vaan twie gesjäörde kösses En dao kinste good op röste Dit leedsje woort door de kinder gezónge es ze ’n fleermoes zaoge vlege. De volwassene zónge in plaots vaan ”gesjäörde” ’n aander woord wat neet zoe fetsounlik waor en wat iech hijj mer neet zal neume. De POLAR febrik stónt in Mestreech en maakde vröchtesappe. In 1951 woort ze euvergenómme door o.a. Amstel en Heineken.

14. Bijj Lies Bosch al in dee groete zaol Dao is nog plaots veur us allemaol. Meh neet allein veur de groete luij Dao zien versjeije blozers bijj. Viva d’n ölleger, viva d’n ölleger Viva d’n ölleger vaan Lies Bosch. Viva d’n ölleger, viva d’n ölleger Viva d’n ölleger al vaan Lies Bosch. Es vreuger woort aongekóndig: ”Mèt groet orkes” daan wis me tot ’nen ölleger späölde. Waor spraoke vaan: ”Klein orkes” daan zaot dao ’ne monikaspeuler of eine mèt ’n fiejool.

15. Leef luij, Dit waor ’t weer veur dees kier. Iech gaon door tot iech gein leedsjes mie höb ! Al de PPS-kes, tot noe touw gemaak, stoon allewijl op mien saajd: http://www.xs4all.nl/~hfeij Dao kint geer ouch de leedsjes ein veur ein beluustere of de PPS-kes, die geer nog neet höb, downloade. Kómpleminte vaan TINY Mestreech, juli 2009