Eus eige leedsjes Deil 10

1. Eus eige leedsjes Deil 10 Klikke um wijjer te goon

2. Geziech op Sint Pieter en Wiek J. De Grave 1670 Vrouw, gef dat keend, veur 'ne sent 'ne lekkeren oliekook. Wèlt d'r 'm dee neet geve daan stek 'm in eur ónderbrook ! Tarara boemetjee D'n dikken dominee Dee heet z'n kónt verbrand Al aon de kachelrand.

3. ‘t Bat J. De Grave Is daan geinen olie, olie, olie, is daan geinen olie, olie op de lamp. Dat die lamp zoe duuster, duuster, dat die lamp zoe duuster brant.

4. Keizer-Karelplein 1839 Touwgesjreve aon Ph. van Gulpen En de bis vaan miech en de blijfs vaan miech en de bis vaan miech allein ! (2 kier) Mama, papa, zèt noe de besjuut mèt muiskes klaor. Mama, papa, d'n oejevaar is dao. En dee gei huidvleis lös, dee krijg gepeersde kop. En v'r vare mèt Anna Fransen de Houtmaos op. En dee gei huidvleis lös, dee it gepeersde kop. En daan goon v'r mèt d'n omnibös de Houtmaos op.

5. Boschstraot 1669 Valentijn Klotz Hijj kómme v'r neet mie Hijj kómme v'r neet mie Hijj kómme ze d'ch aon (d'ne pielewie) d'n duite Hijj kómme v'r neet mie Hijj kómme v'r neet mie Hijj kómme ze d'ch aon d'n sent.

6. Vriethof Touwgesjreve aon Cantagallina De wijs vaan ‘t leedsje is oet 1796. De wäörd zien oet ”Klaos Pompernikkel“ (1856) vaan G. Franquinet. De wien is veur miech väöls te deur Jenever is ouch opgeslage En kump e kindje aon de deur ‘t Moot kóntributie drage. D’n tied is allewijl zoe slech Iech dörref werechtig neet draon dinke Iech vraog uuch is dat daan zoe rech Dat me neet mie ins good kaan drinke.

7. Um de vollegende leedsjes te begriepe moot geer op de huugte zien vaan de tegestellinge die in de Mestreechter binnestad bestónte. De Raomstraot, de Pieterstraot en ‘t Grächsje waore gezwore vijande ! Es die ziech tegekaome waor ‘t altied oorlog. In ‘t vuur vaan de gevechte vloge de pötdeksele door de loch en metser woorte ouch (zoe noe en daan) gebruuk. Mennige koejóng kaom nao zoe gevech gesjendeleerd toes. Dit alles en nog miejer is besjreve in ‘t book vaan nónk Frans (Lahaye), in zien eige beheer oetgegeve in 1951. In ‘t twiede leedsje weurt gesproke euver “Bijjein, bijjein, bijj Krischer op nómmer ein”. Krischer waor ‘nen danszaol op de Bleikerijj. Heer stónt boe denao de Waorekäöringsdeens gestande heet. Dee is noe ouch verdwene.

8. Sint Pieter 1670 J. De Grave Sint Pieter 1670 J.de Grave Veer zien de jónges vaan de Pieterstraot Veer zien vaan iezerendraod. (2 kier) Veer zien de jónges vaan de Pieterstraot Veer zien vaan iezerendraod. Oreij, oreij de Pieterstraot is hijj De Raomstraot kin m'ch stikke Dao goeje ze d'ch mèt brikke. Oreij, oreij en de Pieterstraot is hijj En de Raomstraot kin miech stikke Dao goeje ze d'ch mèt brikke. Es geer nao Sint Pieter gaot Daan moot geer uuch neet versjrikke. Ze goeje uuch mèt stein De mieste (ge)paord mèt brikke. Bijjein, bijjein, Bijj Krischer op nómmer ein. (2 kier)

9. Boschstraot 1740 Touwgesjreve aon J. de Beijer Meister höbder geine zand vendoon ? Moot iech zeker op 'n aander goon ? Miene zand dee is zoe good es eur vrouw ins sjore moot. Koup 'm mer, 'r is gojekoup zeve sent 'ne gansen houp.

10. Kroettore in Wiek 3de kwaart 19de iew Touwgesjreve aon Alex.Schaapkens In de Brökstraot woent 'n juffrouw en die juffrouw heet 'n meid. En die meid die moot vertrèkke umtot ze mèt 'nen tamboer geit. Laot ze mer goon, laot ze mer goon, want die meid heet niks gedoon. Laot ze mer goon, laot ze mer goon, want die meid heet niks gedoon. Hop, hop, hop, de Kommel op Bijj Merieke Franse Kinste lekker danse. Hop, hop, hop, de Boschstraot op Iech kaom Merieke tege 't Waor pas hallef nege. Hop, hop, hop, de Kommel op Mèt Merieke Franse Kinne veer lekker sjanse.

11. Umwalling Wiek mèt rondeel Bloemendaal 1669 Valentijn Klotz Meister Jepkes höbder hieringe ? Nein, nein, nein, die zien verkoch. Achter de winkelbaank ligke de köpkes krijg ze uuch en et ze op ! Maître Jepkes, avez vous d'harengs ? Non, non, non, ils sont vendus. Derrière le winkelbaank se trouvent les têtekes Krijg ze uuch en et ze op !

12. Boschstraot 1848 Touwgesjreve aon Ph. van Gulpen Dee get wèlt höbbe dee moot mer kómme Veer zien allemaol Mestreechter jónge Heiderasasa, heiderasasa Veer houwe mèt 'ne klöppel tege de bèdplaank aon.

13. ‘t Bat 1750. Touwgesjeve aon J. de Beijer De wijs is meugelik vaan Carl Maria von Weber Geef miech nog e dröpke Geef miech nog e dröpke Nein Merie de krijgs geint mie. (2 kier) O Suzanna, was ist das Leben wunderschön O Suzanna, was ist das Leben schön ! Geef us nog e dröpke Geef us nog e dröpke En daan zinge v'r nog e möpke. (2 kier) O Suzanna, was ist das Leben wunderschön O Suzanna, was ist das Leben schön ! Drinke veer nog e dröpke Drinke veer nog e dröpke Oet e beerglaas of e sjöpke. (2 kier) O Suzanna, was ist das Leben wunderschön O Suzanna, was ist das Leben schön ! Dit leedsje stónt 25 jan 1966 in “De Limburger” Sòkkerbeer mèt stekkes, sòkkerbeer mèt stekkes kriege veer bijj Bergmans. (2 kier) Oh Suzanna, wat bistiech leef en wóndersjoen Oh Suzanna, wat bistiech leef en sjoen !

14. Leef luij, dit waor ‘t daan weer ! Geer kint, es geer dat wèlt, nog ins kieke op mien wèbsaajd: http://www.xs4all.nl/~hfeij Um ‘t uuch gemekeliker te make zien alle leedsjes ouch op alfabet gerangsjik. Iech kin ‘t neet hellepe mer veur ze op de saajd aof te speule höb geer “QuickTime” nudig, aanders krijg geer gei geluid. Dat heet neet ederein op ziene kómpjoeter stoon. De link um “QuickTime” evels te downloaden steit op de welkómspagina vaan mien saajd. Mèt Mestreechter kómpleminte, TINY