1 / 16

Eus eige leedsjes deil 2 november 2008

Eus eige leedsjes deil 2 november 2008. In Mestreech woort get aofgezoonge in de loup vaan d'n tied. Veur eder gelegenheid had de Mestreechteneer z'n leedsjes. En es ze d'r neet waore daan woorte ze gemaak! Zoe is 'n sjat vaan oongekinde weerde oontstande.

shiro
Download Presentation

Eus eige leedsjes deil 2 november 2008

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Eus eige leedsjes deil 2 november 2008

  2. In Mestreech woort get aofgezoonge in de loup vaan d'n tied. Veur eder gelegenheid had de Mestreechteneer z'n leedsjes. En es ze d'r neet waore daan woorte ze gemaak! Zoe is 'n sjat vaan oongekinde weerde oontstande. Me zuut aon de leedsjes tot de Mestreechteneer 't plezeer zeuk. Mèh ouch zie sjagrijn klink drin door. Soms geit heer middenin e leedsje inins euver op 't Hollands. Deks is dat e teike dat heer serieus weurt. De leedsjes weure nogalins op versjellende menere gezoonge. Dat kump umtot ze vaan ginneratie op ginneratie mondeling euvergelieverd woorte. En daan wèlt wel ins get veraandere. Iech wins uuch väöl plezeer met 't beluustere en zinge vaan dees Mestreechter sjatte. TINY

  3. Dit leedsje (koeplèt 3,4 en 5 bestoonte al) woort gezoonge met 'nen nuien teks (koeplèt 1 en 2) nao de staking in 1896 op de febrik vaan Regout. De zäöns vaan d'n awwen hier Regout maakde e pötsje devaan met 't benaodeile vaan de werklui. Um d'n haverklap woort op hunne kèsjem geld ingehawwe,daan veur dit en daan veur dat.En dees kier woort 35 sent in mindering gebrach. Noe moot me wète dat 't loen vaan 'nne jonge werkmaan nog geine gölle per daag waor! 't Laog mèr draon wieväöl ervaring heer had en wàt heer deeg. Aon "de hinne zien geplök,de vere zien gevloge" kin me zien dat ze ziech behuurlek belazerd voolte. Leuk vin iech de bedreiging dat ze soldaot woorte of nao Charleroi of de kristalfebrik Val Saint Lambert in Luik zowwe goon! Dao waor 't ,nao 't schijnt, get beter geregeld veur de werklui.

  4. Dit aajd leedsje woort door de zengers vaan de "Mestreechter Staar" ins 'ne kier de ganse nach door gezoonge( in fiesstumming) ,naodat ze d'n hoegste pries gewònne hadde op e concours in Bergen/Mons. De inwoeners vaan Bergen dachte dat 't us volksleedsje waor en preze de "patriottische instelling"vaan de Staarzengers.( bron:Sjarel Thewissen)

  5. Dit leedsje sleit op de kerremis vaan Meersse,boe gans Mestreech nao touw ging. Heer waor in 't oktaaf vaan Sakkermintsdaag. Heij klikke um mèt te zinge.

  6. 'n Aajd vastelaovendsleedsje vaan oet d'n tied dat Mestreech nog e militair Hollands garnizoen had.Me vierde sàme met de piotte vastelaovend op straot, vaandao de Hollandse soldaoteleedsjes.Ouch naodat 't garnizoen hei wèg waor bleve de lui dees leedsjes zinge.

  7. Dit is ouch zoe soldaoteleedsje,sjus wie 't volgende, "Ach God waar mag mijne minnaar wezen".

  8. Volgens Sjarel Thewissen is 'retteke poeh'of 'retche poeh' de verbastering vaan 'race de pouce'(luizepak).

  9. Zjannètteke is e meisterlek leedsje! 'ne Gouwe knievel mèt zilvere häörkes draon,wee bedink ziech zoegèt! De moos mèr trop kaome.

  10. D'n tombeau waor 't monumint veur generaol Destombes.Dat stoond bij 't pepierfebrik. 't Waor de 'aofwerkplek'vaan Nèt den Daanjel.Nèt waor e heurke oet 't Gräötsje in Wiek. 'ne Kier had Nèt ruizing gekrege met eine van häör klante.Dee had zoe aon häör kleijer getrokke dat Nèt verrete en versjäörd op hoes aon ging. Deender Seegers brach häör nao 't pliessiebureau. Op dees gebäörtenis woort al gaw e leedsje gemaak. Nèt den Daanjel waor evels de dochter vaan 'ne awwen oosgenger en häör ma waor 'Trui d'n Deur" (deur=stier)

  11. Vaan dit leedsje bestoon mie versies.Mien versie wiek aof vaan de notatie.

  12. Kompleminte vaan TINY Met daank aon Sjarel Thewissen Thei Bovens en alle aw Mestreechtenere

More Related