1 / 28

Taqbiliet Maltin (l-ewwel parti) malti.skola.mt

Taqbiliet Maltin (l-ewwel parti) http://malti.skola.edu.mt. A - B - Ċ. A - B - Ċ l-iskutella bil-kafè il-kikkra u l-plattina u n-nannu ma jridx jagħtina. Agħmel xita agħmel!. Agħmel xita agħmel! Ħalli jikber il-ħaxix, il-ħaxix intuh il-mogħża u l-mogħża ttina l-ħalib.

junior
Download Presentation

Taqbiliet Maltin (l-ewwel parti) malti.skola.mt

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Taqbiliet Maltin(l-ewwel parti) http://malti.skola.edu.mt

  2. A - B - Ċ A - B - Ċ l-iskutella bil-kafè il-kikkra u l-plattina u n-nannu ma jridx jagħtina.

  3. Agħmel xita agħmel! Agħmel xita agħmel! Ħalli jikber il-ħaxix, il-ħaxix intuh il-mogħża u l-mogħża ttina l-ħalib. (Il-ħalib intuh lin-nanna u n-nanna tagħmlilna l-ġbejniet)

  4. Ajma żaqqi Ajma żaqqi kemm tuġagħni kilt il-għeneb mhux misjur, iddendilt mal-kannizzata qisni kelb tal-kaċċatur.

  5. Ara Ġejja l-Mewt Għalik! Ara ġejja l-mewt għalik, biex tixwik, biex taqlik, ara ġejja, ara waslet, din id-daqqa min tahielek?

  6. Banni bannozzi (1) Banni bannozzi Ġej il-papà ġej Kollox għal __________ u lill-papà ma ntuh xej’! (minflok il-papà jista’ jingħad it-tata)

  7. Banni bannozzi (2) Banni bannozzi ġejja n-nanna Nozzi. Nozzi ta’ ħdejna biċċa ħobż bil-ġbejna.

  8. Ċuff ċuff il-baħar Ċuff ċuff il-baħar, ommi mir-raħal. Missieri miż-Żejtun għandu baqra u karettun.

  9. Dawra Durella Dawra durella Qasba żigarella Ċoff tal-bellus Ċaqċaqhielu lill-għarus Axxa! Axxa! Għax missieru għamel kaxxa. (jew: Missieru mastrudaxxa / Ma’ rasu għandu faxxa / Issa kulħadd jitbaxxa)

  10. Elf Zalzetta Hawn raġel, qrajt darba f’gazzetta, li jiekol kuljum elf zalzetta. U mbagħad xarba nbid, u jorqod mhux ftit, u jonħor bil-ħoss ta’ trumbetta.

  11. Ġili Ġili Ġa Ġili ġili ġa fuq it-toppu tal-mamà! Igdimha u busha fuq it-toppu tal-għarusa!

  12. Kaxxa Ġugarelli Għandi kaxxa ġugarelli, din mimlija sa fuq nett, għandi I-pupa u l-karozza u tat-te jien għandi sett. Ballun ċkejken u safrani, ors jiċċaqlaq u vapur, hemm xadina qisha ħajja, pupu ħelu fuq mutur.

  13. Lanċa Ġejja Lanċa ġejja u oħra sejra minn Tas-Sliema għal Marsamxett, il-kaptan bil-pipa f’ħalqu jidderieġi l-bastiment. Sewwa sewwa f’nofs ta’ baħar il-kaptan ħassu ħażin, ma kellux min idur miegħu daru miegħu l-baħrin. Agħmillu karta, agħmillu karta, agħmillu karta għal tax-xjuħ!

  14. Mamma Mia Mamma mia* pulizija, Tiħux lili, ħu lil ħija! * Mia, mit-Taljan, tfisser tiegħi

  15. Nannakola Nannakola mur l-iskola, aqbad siġġu u ibda ogħla!

  16. Onġi Onġi Onġella (...tkompli) Xi jrid l-ambaxxatore? Onġi, onġi onġella! Xi jrid l-ambaxxatore? Onġi, o kavallier! Irid tifla* sabiħa. Onġi, onġi onġella! Irid tifla sabiħa. Onġi, o kavallier! Min hija din it-tifla? Onġi, onġi onġella! Min hija din it-tifla? Onġi, o kavallier! Din hija ________ Onġi, onġi onġella! Din hija ________ Onġi, o kavallier! X’se ntuha ’l din it-tifla? Onġi, onġi onġella! X’se ntuha ’l din it-tifla? Onġi, o kavallier! Nagħtuha ġurdien moqli. Onġi, onġi onġella! Nagħtuha ġurdien moqli Onġi, o kavallier! Bum, bum il-bieb, Onġi, onġi onġella! Bum, bum il-bieb, Onġi, o kavallier! Min ġie? Min ġie? Min ġie? Onġi, onġi, onġella! Min ġie, min ġie, min ġie? Onġi, o kavallier! Ġie l-ambaxxatore, Onġi, onġi onġella! Ġie l-ambaxxatore, Onġi, o kavallier! *jista’ jingħad ukoll ‘tifel’

  17. (...tkompli) Onġi Onġi Onġella Ħuduha la triduha, għax aħna m’għandniex x’nambuha! Karozza b’erba’ roti, Tagħmel ħoss tat-terremoti. U dana mhux biżżejjed. Onġi, onġi onġella! U dana mhux biżżejjed. Onġi, o kavallier! Nagħtuha... (xi ħaġa kerha) Onġi, onġi, onġella! Nagħtuha... (xi ħaġa kerha) Onġi, o kavallier! Nagħtuha... (xi ħaġa sabiħa) Onġi, onġi onġella! Nagħtuha... (xi ħaġa sabiħa) Onġi, o kavallier!

  18. Pizzi Pizzi Kanna Pizzi pizzi kanna, Dolores ta’ Sant’Anna; Sant’Anna tal-Morina Ħabba biċċa pellegrina. Mgħaref tal-fidda, Bandiera tal-ħarir. Noli kannoli, Insara qaddisin.

  19. Il-Pupa Għandi pupa wisq sabiħa, aħmar wiċċha bħall-peprin. B’par għajnejn minn lewn is-sema, bħalha żgur ma ssibx ħelwin. Il-mamàbħali tlibbisha, mid-drapp stess tal-libsa tiegħi. Oħti ż-żgħira nistħajjilha, meta jien noħroġha miegħi. Fejn immur dejjem noħodha għax mingħajrha ma jien xejn. Minn fejn ngħaddi nisma’ jgħidu: "Dawna donnhom pupi t-tnejn!"

  20. Sinna Basinna Sinna basinna, bajda ħalib. Oqgħod fil-qasrija meta mmut niġi għalik!

  21. Iż-Żunżana Iż-żunżana ddur iddur fuq il-bejt tal-kaċċatur. Meta tasal taħt il-mina tagħmel żinn żann żunn.

  22. Norqod u Nistrieħ Norqod u nistrieħ, noffri ruħi lill-erwieħ. Norqod u nirpoża, noffri ruħi ’l Santa Roża. Norqod u nimtedd, noffri ruħi ’l San Ġużepp.

  23. O Marija Ġulja O Marija Ġulja, oqgħod għarkupptejk. Ħares lejn is-sema u ara min hu ġej. Ġej Ġesù Bambin, qalb il-ward u l-ġiżimin.

  24. Orqod Ibni, Orqod Orqod ibni, orqod (jew Ninni ninni, ruħi ninni) fil-benniena tal-ħarir. Dik ommok il-Madonna u missierek San Ġwakkin.

  25. Paċi Kulaċi Paċi kulaċi, il-Madonna fuq rasi. Kristu fuq l-artal, qed ibierek dawn it-tfal. Dawn it-tfal imberkin, għax se jsiru qaddisin.

  26. Sant’Anna Sant’Anna u San Ġwakkin, il-Madonna u l-Bambin. X’xorti kellha dik Sant’Anna, li l-Bambin sejħilha nanna.

  27. Taqbiliet Maltin oħra ssibhom f’dawn il-kotba: • Maria Grazia Sammut et al (edituri), Taqbil u Għanjiet/Rythm and Rhyme, Il-Kulleġġ San Ġorġ Preca, l-Iskola Primarja tal-Furjana. • Guido Lanfranco, Logħob, Taqbil u Ġugarelli tat-Tfal Maltin sa Nofs is-Seklu Għoxrin, 2006, Wise Owl. • Keith Mayl et al (edituri), Taqbiliet Maltin għall-Kbar u għaż-Żgħar, 2010, Rhymed, Malta. • Bro. Henry, Madwari 2, 1979, Pub.De La Salle. Taf b’xi ktieb ieħor? Ibagħtilna d-dettalji tiegħu ħalli nżiduh mal-lista.

  28. Taqbiliet oħra mmużikati ssibhom fis-sit:http://schoolnet.gov.mt/socialstudies/Rizorsi/inkantaw.htm GRAZZI http://malti.skola.edu.mt

More Related