A POESÍA ÉPICA LATINA: Virxilio e a “Eneida”

1. A POESÍA ÉPICA LATINA: Virxilio e a “Eneida” ÍNDICE: · Definición de poesía épica · Características da épica · A poesía épica en Roma antes de Virxilio despois de Virxilio Virxilio e a Eneida.

2. 1º.- Definición de poesía épica

3. To\ e)/poj -ouj: narración e)(poj > épico

4. Con que relacionamos en literatura o adxectivo “épico” ? A) A Celestina B) O Lazarillo C) Rosalía de Castro D) Poema de Mio Çid

5. Entón, que é un poema épico?

6. Unha composición poética extensa, de carácter narrativo e temática heróica ou mitolóxica. COMPOSICIÓN EXTENSA EN VERSO NARRA HISTORIAS DE HEROES OU DEUSES

7. 2º.- Características

8. Ten a súa orixe en narracións de carácter oral. Emprega unha versificación maxestuosa e lenta; os autores gregos e romanos empregaron fundamentalmente o hexámetro. Narra as fazañas dos heroes, ou asuntos relacionados coas divinidades. Hexametrica: An online introduction to Latin hexameter verse

9. O primeiro poeta épico con nome propio foi Homero: a Ilíada e a Odisea exerceron unha enorme influencia na creación e desenvolvemento deste xénero literario.

10. Apoesía épica latina ten certas peculiaridades NON NACE DA POESÍA ORAL: É UNHA IMITACIÓN CULTA DA ÉPICA GREGA. O SEU CARÁCTER PATRIÓTICO.

11. 3º.- A poesía épica en Roma

12. Antes de Virxilio Livio Andronico (III a.C.) Escribiu a Odussia, unha tradución da Odisea de Homero ao latín. Nevio (III a.C) É o autor do Bellum Poenicum, poema no que narra a victoria dos romanos na 1ª Guerra Púnica. Ennio (III-II a.C) Era considerado como o gran poeta épico romano antes de que Virxilio escribise a súa Eneida. A obra de Ennio titúlase Annales e conta a historia de Roma desde as súas orixes.

13. Despois de Virxilio Ovidio (I d.C.) É o autor das Metamorfoses, un mosaico de historias mitolóxicas que teñen como punto común o feito de que en todas elas ten lugar unha transformación prodixiosa. Lucano (I d.C) Poetizou na Farsalia a guerra civil na que se enfrontaron Xulio César e Pompeio. Silio Itálico (I d.C) No seu poema titulado Punica narrou as guerras entre romanos e cartaxineses.

14. VIRXILIO

15. 70 a.C. Nace nunha pequena aldea cerca de Mantua Edúcase en Cremona, Milán e Roma. 48 a.C Chega a Nápoles, onde pasará boa parte da súa vida. 19 a.C Morre en Bríndise cando regresaba dunha viaxe por Grecia. Foi sepultado en Nápoles. A vida do gran poeta romano non foi moi apaixoante...

16. A grandeza de Virxilio hai que buscala na súa obra... Antes da Eneida, Virxilio escribira dúas obras importantes... 42-39 a.C. Bucólicas 36-29 a.C. Xeórxicas

17. As Bucólicas é unha obra de te- mática pastoril. Nun ambente idí- lico, namorados pastores cantan as súas preocupacións e os seus amores.

18. As Xeórxicas falan da vida do agricultor, do traballo dos campos. Esta obra está adicada a Mecenas, o poderoso amigo de Augusto.

19. Pero a obra máis coñecida de Virxilio é a Eneida, obra á que o poeta adicou os dez últimos anos da súa vida...

20. A Eneida fora un encargo que o príncipe Octaviano lle fixera a Virxilio. Cando éste, pouco antes de morrer, pediu que a Eneida fose destruida, Octaviano impediuno.

21. Quen era Octaviano, e por que estaba tan interesado na redacción e conservación da Eneida?

22. Durante os últimos setenta anos, Roma vivira un período convulso de guerras civis, intrigas políticas e asesinatos.

23. Guerra Social Guerra civil entre Pompeio e César Guerra civil e dictadura de Sila Rebelión de Espartaco Bruto e Casio contra Marco Antonio e Octaviano Octaviano contra Marco Antonio e Cleopatra

24. Finalmente, despois da morte de Marco Antonio e o suicidio de Cleopatra, Octaviano convertérase no amo absoluto da República Romana.

25. Para xustificar ante o pobo romano o seu poder absoluto, Octaviano iniciou, coa axuda de Mecenas, unha intensa campaña propagandística destinada á auto-glorificación e a lexitimación do seu reximen. Octaviano necesitaba demostrar que estaba ao frente de Roma por vontade dos deuses, e que tiña a misión sagrada de salvar a República.

26. Por vontade do Senado, concédeselle o apelativo de “Augusto”.

27. Os poetas do círculo de Mecenas colaboraron na sacralización da figura de Augusto, o salvador de Roma. O ti, nacido dos bondadosos deuses, eximio protector da liñaxe de Rómulo: estás ausente xa fai demasiado tempo; Volve. Devolve a luz, bo caudillo, á túa patria. (Horacio)

28. Para reforzar a súa imaxe de novo Rómulo, Augusto necesitaba un novo poema épico que substituise ao de Ennio e que fose símbolo dunha nova Roma que renacía das súas cinsas. Virxilio, que xa era un poeta de éxito, foi o elexido para levar a cabo ese traballo. A Eneida foi o resultado. Durante os últimos dez anos da súa vida, Virxilio adicou todos os seus esforzos a ese proxecto que finalmente non chegou a rematar.

29. Na Eneida, Virxilio toma como protagonista a Eneas,un héroe da antiga guerra de Troia. A elección dese tema permitíalle presentar o seu poema como unha especie de continuación dos poemas épicos de Homero. Hai que ter en conta que Virxilio non se dirixe só aos romanos, senón a todos os lectores cultos do Imperio, que coñecían ben a Ilíada e a Odisea.

30. Estrutura e argumento da Eneida Está dividida en 12 libros: - Os seis primeiros narran as viaxes de Eneas ata chegar ao Lacio. - Os seis últimos narran as guerras que Eneas tivo que manter en Italia. Os seis primeiros libros lembran á Odisea, os seis últimos á Ilíada.

31. Libro I: A causa dunha tormenta, as naves de Eneas chegan a Cartago. Alí atopan á raíña Dido. Libros II e III: Durante a cea, Eneas narra a destrución de Troia e a súa chegada a Cartago. Libro IV: Nunha cacería, Dido e Eneas gorécense da choiva nunha cova. Confésanse o seu amor. Poucos días despois, por mandato dos deuses, Eneas parte de Cartago e Dido suicídase. Libro V: Eneas chega a Sicilia, onde organiza uns xogos en memoria do seu pai Anquises, morto durante a viaxe. Libro VI: Eneas descende ao Hades acompañado pola Sibila de Cumas. Alí, Anquises cóntalle o futuro da súa estirpe.

32. Libro VII: Eneas chega ao Lacio. O rei Latino promételle a man da súa filla Lavinia. Turno decláralle a guerra. Libro VIII: Alianza de Eneas con Evandro. Vulcano fabrica para Eneas un escudo no que se representa o futuro de Roma. Libros IX, X e XI: Guerra entre Turno e Eneas Libro XII: Eneas mata a Turno.

33. Na Eneida, Virxilio deixa claro que o destino de Roma estaba escrito desde antes da súa fundación. Utiliza elementos tradicionais como a guerra de Troia e a lenda da chegada de Eneas ao Lacio, pero aporta o uso da profecía para falar do futuro do pobo romano.

34. Ao converter a Eneas en personaxe central do destino de Roma favorecía a imaxe de Xulio César e do seu herdeiro, Octaviano. a lenda dicía que a gens Iulia descendía de Iulo, o fillo de Eneas.

35. Aínda que Virxilio non puido darlle os retoques finais, a Eneida é unha obra de excepcional calidade literaria. O amor de Dido, o descenso de Eneas ao Hades ou o relato da destrución de Troia inspiraron a poetas e artistas de todos os tempos.