Eskola Agenda 21a Andoainen (2009-2010)

1. Eskola Agenda 21a Andoainen(2009-2010) Energia Andoainen Energia ez dezagun alferrik erabili!!

2. Andoaingo ikastetxeetako ikasleen ordezkariak gara eta ikasturte honetako Eskola Agenda 21aren emaitzak azaltzera gatoz. Andoaingo energiaren nondik norakoak aztertu ditugu eta zenbait egoera hobe daitezkeenez, hainbat proposamen ekarri ditugu. Era berean, energiari lotutako arazoak gutxitzeko guk ere gure konpromisoak hartu ditugu.

3. La Salle-Berrozpe, Aita Larramendi ikastola, Ondarreta eta Leitzaran ikastetxeetako Lehen Hezkuntza eta DBHko ikasle guztiok parte hartu dugu eta bost jarduera egin ditugu ikasmailaren arabera:

4. LEHEN HEZKUNTZA 1. ETA 2. ZIKLOAKGure Kaleetako Argia I eta II Alde batetik, energia behar duten tresnak eta zein energia mota behar duten aztertu zuten. Bestetik, plaza eta kaleetako argiteriaren egoera nolakoa zen ikusi zuten.

5. LH 3. ETA DBH 1. ZIKLOAKKomertzioetan galdezka eta Kalean galdezka Izenak dioen bezala, energiari buruzko galdeketak egin zituzten komertzioen eta herritarren ohiturak ezagutzeko.

6. DBH 2. ZIKLOAAditu bati elkarrizketa Kalean dagoen argiteriaren eta bestelako elektrotresnen azterketa egin zen eta, ondoren, gaian aditua den pertsona batekin bildu ginen ordezkariak gaia hobeto ulertzeko eta genituen zalantzak argitzeko.

7. FOROAK Jardueretan lortutako emaitzak, hots, herriaren egoera, hobekuntza proposamenak eta gure konpromisoak, ikastetxeetan bateratu genituen. Apirilaren 22an herri mailako hiru foro egin ziren Urigain Kultur Etxean zikloka banatuak:

8. Lehen Hezkuntzako 1 eta 2. zikloak Lehen Hezkuntzako 3. eta DBHko 1. zikloak DBHko 2. zikloa Foro hauetan, herri mailako bateratze lana egin zen. Jarraian, lortutako azken emaitzaren berri emango dizuegu:

9. EMAITZAK Herriaren egoera Herrian dagoen argiteriak eta argitasun-mailak desberdintasun nabariak ditu: Farola batzuek goiko aldea estalita dute eta beste batzuek ez; ondorioz, argia etxeetara iristen da. Zenbait tokitan tarte handiegia dago farola batetik bestera, eta beste zenbaitetan, berriz, txikiegia; hala, argitasuna eta iluntasuna tartekatzen dira.

10. Zenbait farolak argi gehiegi ematen dute, eta horrek kontsumoa handitzen du. Beste batzuek, aldiz, argi gutxiegi ematen dute. Farolen argitasunari dagokionez, batzuk nahiko garbi daude baina beste batzuk, berriz, zikin daude. Estalki batzuk ere puskatuta daude.

11. Komertzioak Bi talde bereiz ditzakegu; tabernak eta dendak. Biek fluoreszenteak eta kontsumo txikiko bonbillak erabiltzen dituzte. Orokorrean, denda askok kanpo argiztapena izaten dute; tabernek aldiz ez. Gainera, gauez eta jaiegunetan piztuta uzten dituzte. Orokorrean, dendatan berogailuak erabiltzen dituzte eta aire girotua, berriz, tabernatan.

12. Energia aurrezteko hartzen dituzten beste neurri batzuk ondorengo hauek dira: Tenperatura termostatoaren bidez kontrolatzea. Argiak eta tresneria behar ez direnean itzaltzea. Argiaren potentzia murriztea. ...

13. Herritarrak Energiaren arazoarekin nahiko jabetuta daude eta gehiegizko kontsumoaren ondorioak ezagutzen dituzte. Komertzioen atalean aipatutako neurriez gain beste hauek hartzen dituzte: Garbigailua eta ontzi-garbigailuak beteta erabiltzea. Etxebizitza neguan 18-20 gradutan mantentzea. Elektrotresnak Stand-by posizioan ez uztea. Dutxatzea, bainatu beharrean. ...

14. PROPOSAMENAK 1 Betiko sistema aldatzea eta ahal den neurrian energia berriztagarriak erabiltzea (besteak beste, eguzki panelak jartzea faroletan, eskailera mekanikoetan). 2 Behar den farola kopurua ondo neurtzea, herriko kaleak ondo argiztatuak egotea eta behar den kasuan farolak jartzea. Adibidez, Etxarriko bidea eta kaletxiki ilunegi daude. 3 Farolak soilik beharrezkoa denean piztea, goizetan adibidez ez da beharrezkoa.

15. 4 Energia aurrezteko kanpainak antolatzea herritarrentzat eta komertzioentzat eta informazioa argi azaltzea. 5 Herriko argiteria egokitzea: kontsumo gutxiko bonbillak erabiltzea, farola guztiei goialdea estaltzea, behar den potentzia jartzea etab. Honela, argi-kutsadura murriztuko dugu. 6 Farolek mantentze lanak behar dituztenez, hondatzen diren farolak azkar konpontzea eta garbi mantentzea.

16. 7 Diru-laguntzak ematea elektrotresna ekologikoak eta kontsumo txikiko bonbillak jartzeko. 8 Udala eredugarria izatea, energia aurrezteko ahalegin guztiak egin ditzala; eta horretarako, energia aurrezpen plana egin dezala. 9 Ikerketak egitea garraio publikoaren zerbitzua handitzeko eta autoa ez erabiltzeko. 10 Gabonetan eta jai egunetan argi gutxiago erabiltzea.

17. KONPROMISOAK 1 Argiak, ordenagailuak, irratia, Nintendoa eta bestelakoak behar ez direnean itzaliko ditugu. 2 Elektrotresna guzti horiek botoitik itzaliko ditugu eta ez mandotik, hau da, botoi gorria ez dugu piztuta utziko.

18. 3 Berogailua eta sua beharrezkoa denean piztuko dugu eta beharrezkoa ez baldin bada arropa jantziko dugu. 4 Ura kontrolatuko dugu dutxan, hortzak garbitzerakoan, bizarra mozterakoan, etab., eta dutxan denbora gutxiago pasako dugu gas gutxiago erabiltzeko.

19.  5 Termostatoa erabiliko dugu tenperatura ondo erregulatzeko. 6 Kontsumo txikiko elektrotresnak eta bonbillak erabiliko ditugu, batez ere, denbora luzez piztuta egon behar badute. Denak batera aldatu beharrean, puskatu ahala aldatzen joango gara.

20. 7 Birkargatzen diren pilak, energia aurrezteko alarma duten izozgailuak, mugimendu etengailuak eta antzerakoak erabiliko dugu. 8 Kanpoko argia hobeto aprobetxatuko dugu. Pertsianak altxa eta gortinak irekiko ditugu.

21.  9 Beroa egiten duenean pertsianak jaitsiko ditugu eta hotz egiten duenean leihoak itxita izango ditugu. 10 Tresnak modu egokian erabiliko ditugu eta etxekoei ere gauza bera egin dezaten esango diegu; garbigailua ondo beteta dagoenean jarriko dugu martxan, eskailera elektrikoetan ez dugu stop sakatuko, etab.

22. 11 Energia aurrezteko kanpainak egingo ditugu (panelak, hitzaldiak, etab.) eta udalaren kanpainetan parte hartuko dugu. 12 Garraio publikoa erabiliko dugu eta herrian zehar oinez, bizikletaz edo patinetez ibiliko gara. Mila esker entzuteagatik

23. ALKATEAREN ERANTZUAN Udalak egindakoa: -   Energia berriztagarrien aldeko apustua egin dugu: eguzki panelak jarrita dauzkagu zahar-egoitzan, eguneko zentroan eta orain kiroldegiko harmaila berrian. Leitzarango minizentral hidraulikoa ere mantentzen dugu

24. -   Bukatu berria dugu herriko argiteria aztertzen duen ikerketa. Ikerketa honi esker badakigu non aurrez dezakegun edo non sortzen den kutsadura gehiago. -   Pixkanak-pixkanaka hasi gara kale batzuetako farolak eta lanparak aldatzen energia kontsumoa murrizteko. Esate baterako Aiztondo kalean edo Goiko plazan. . -  

25. -   Zenbait kaletan ere argi hodiak aldatu ditugu korronte kontrolak jarri ahal izateko eta horrela gauen energia aurreztu ahal izateko. -   Udal egoitzetan gero eta kontsumo gutxiko bonbilak jartzen ari dira. Edifizio batzuk kontrolatuta dauzkagu, Bastero kulturgunea adibidez, jakiteko zenbat energia gastatzen duten eta horrela aurrezteko neurriak hartu ahal izateko. -  

26. -   Udalaren konpromisoak: -         Aurten beste kale batzuetako argiteria aldatuko dugu: Rikardo Arregi eta Plazaola kaleetakoa aldatzea jadanik onartuta dago lehenengo fase batean. -  

27. -       Kiroldegiko kontsumoak aztertuko ditugu eta saiatuko gara hara gasa eramaten eta eguzki panelak ere jartzen igerilekuetako ura berotzeko. -         Egindako ikerketan agertzen diren neurriak jarraituko ditugu ezartzen: lanparak aldatu, korrontearen kontrolak ezarri, etab.

28. -         Farolen mantentze plana ere zehaztuko dugu, esaten duzuen bezala, gehiago argi dezaten. -         Azkenik, egiten duguna eta zuek hartzen dituzuen konpromisoak kaleratuko ditugu herritar guztiak konbentzitzeko energia aurrezteko garrantziaz.

29. Eskola Agenda 21a Andoainen(2009-2010) Mila esker etortzeagatik!!