Kelma tal- Ħajja

1. Kelmatal- Ħajja Frar 2010

2. Jiena hu l-bieb; jekk xi ħadd jidħol ġewwa permezz tiegħi, isalva, u jidħol u joħroġ u jsib fejn jirgħa” (Ġw10,9) .

3. Ġesù jippreżenta ruħu bħala dak li jwettaq il-wegħdiet t’Alla u x-xewqat ta’ ġens li l-istorja tiegħu hi kollha kemm hi mibnija fuq il-patt ma’ Alla tiegħu li qatt ma mar lura minn kelmtu.

4. L-idea tal-bieb tixbaħ u titfisser tajjeb bix-xbieha l-oħra ta’ Ġesù: “Jiena hu t-Triq... Ħadd ma jmur għand il-Missier jekk mhux permezz tiegħi”. Mela tassew li hu t-triq u l-bieb li jwassal għal għand il-Missier, għand Alla nnifsu.

5. Xi tfisser fil-prattika din il-Kelma tal-Ħajja?

6. Ħafna huma l-implikazzjonijiet li wieħed jista’ jasal għalihom meta tħares lejn il-ħafna siltiet tal-Evanġelju li jixbhu lil din is-silta ta’ San Ġwann. Fost dawn għażilna dik li titkellem fuq il-“bieb id-dejjaq” li minnu nippruvaw ngħaddu biex nidħlu fil-ħajja.

7. Għalfejn din l-għażla? Għax jidhrilna li hi dik li forsi l-aktar li tqarribna lejn il-verità li Ġesù jgħid fuqu nnifsu u l-aktar waħda li ddawwalna fuq kif għandna ngħixuha.

8. Ġesù, meta jsir il-bieb miftuħ beraħ, miftuħ kollu kemm hu fuq it-Trinità? Hemm fejn il-bieb tas-Sema jidher jingħalaq għaliH, Hu jsir bieb is-Sema għalina lkoll.

9. Ġesù abbandunat hu l-bieb li permezz tiegħu ssir il-laqgħa perfetta bejn Alla u l-bniedem: għax ixejjen lilu nnifsu Hu jgħaqqad mill-ġdid l-ulied mal-Missier. Hu dak il-vojt (id-daħla tal-bieb) li permezz tiegħu l-bniedem jiltaqa’ ma’ Alla u Alla mal-bniedem.Mela Hu l-bieb id-dejjaq u fl-istess ħin il-bieb miftuħ beraħ, u aħna nistgħu nagħmlu esperjenza ta’ dan.

10. Jiena hu l-bieb; jekk xi ħadd jidħol ġewwa permezz tiegħi, isalva, u jidħol u joħroġ u jsib fejn jirgħa” (Ġw10,9) .

11. Ġesù fl-abbandun tiegħu sar għalina l-mogħdija għal għand il-Missier.Il-parti tiegħu għamilha. Imma biex nirċievu l-benefiċċji ta’ dawn il-grazzji kollha, kull wieħed minna jrid jagħmel il-parti ċkejkna tiegħu, jiġifieri jrid jersaq qrib dak il-bieb u jgħaddi minnu. Kif?

12. Meta ninħasdu b’xi delużjoni jew inweġġgħu b’xi ġrajja kerha jew xi diżgrazzja ta’ bla ħsieb jew xi marda assurda, dejjem nistgħu niftakru fit-tbatija ta’ Ġesù li ħa fuqu dawn il-provi kollha, u eluf oħra magħhom.

13. Iva, Hu jinsab f’kull tbatija li jkollna. Kull tbatija tagħna hija isem tiegħu. Mela ejjew nippruvaw nagħrfu lil Ġesù f’kull taqtigħ il-qalb, f’kull triq dejqa ta’ ħajjitna, f’kull ċirkustanza mudlama, fit-traġedji tagħna u tal-oħrajn, fit-tbatijiet tal-bnedmin li hemm madwarna. Dawn kollha huma Hu, għaliex Hu għamilhom tiegħu.

14. Ikun biżżejjed li bil-fidi kollha tgħidlu: “Int Sidi; m’għandix ġid ieħor ħliefek”. Ikun biżżejjed tagħmel xi ħaġa konkreta biex tħaffiflu t-tbatijiet ‘tiegħu’ fil-foqra u f’dawk li huma mdejqa, biex inti tmur lil hinn mill-bieb, u hemmhekk issib ferħ li qatt ma ġarrabt bħalu f’ħajtek, issib il-milja ġdida ta’ ħajtek.

15. Jiena hu l-bieb; jekk xi ħadd jidħol ġewwa permezz tiegħi, isalva, u jidħol u joħroġ u jsib fejn jirgħa” (Ġw10,9) .

16. Kelma tal-Ħajja”, pubblikazzjoni ta’ kull xahar tal-Moviment tal-Fokolari. Kitba ta’ Chiara Lubich, Frar 1999.Grafika ta’Anna Lollobis-sehem ta’ FrPlacido D’Omina (Sqallija - Italja)Il-Kelma tal-Ħajja hija maqluba f’96 lsien u idjoma fosthom il-Malti, u tilħaq miljuni ta’ persuni madwar id-dinja permezz tal-kitba, radju, TV jew internet Għal kull tagħrif żur is-sit: www.focolare.org ĊENTRI TAL-MOVIMENT TAL-FOKOLARI F’MALTA ‘Stellaelise’, Triq il-Ħuttaf, Kappara Tel: 2138 5801 focolaremt@waldonet.net.mt ‘Vita Nuova’, Triq Agius de Soldanis, Sta. Venera Tel: 2148 6112 vitanuova@waldonet.net.mt