Pa-khek-lé Siu-tēng-pán Sèng-keng 巴克禮修訂版聖經

1. Pa-khek-lé Siu-tēng-pán Sèng-keng 巴克禮修訂版聖經 Kū-iok舊約Genesis “Chhòng-sè-kì”《創世記》 Tē sì-cha̍p-gō͘ chiuⁿ第四十五章

2. “Chhòng-sè-kì”《創世記》GenesisTē sì-cha̍p-gō͘ chiuⁿ第四十五章 Tē 1 chat 第一節 Iok-sek tī hiah-ê khiā i sin-piⁿ ê lâng ê bīn-chêng lún-boē-tiâu; chiū hoah kóng, Chèng-lâng tio̍h lī-khui goá chhut-khì. Iok-sek chiong i pún-sin hō͘ hiaⁿ-tī jīn-tit ê sî, bô chi̍t-lâng khiā tī i ê bīn-chêng.約瑟tī hiah-ê khiā伊身邊ê人ê面前 忍boē-tiâu；就hoah講，眾人 tio̍h離開我出去。約瑟將伊本身hō͘ 兄弟認得ê時，無一人khiā tī伊ê面前。

3. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 2 chat 第二節 I chiū chhut-siaⁿ toā-khàu; Ai-ki̍p lâng thiaⁿ-kìⁿ, Hoat-ló ê ke ia̍h thiaⁿ-kìⁿ.伊就出聲大哭； 埃及人聽見， 法老ê家亦聽見。

4. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 3 chat 第三節 Iok-sek kā i ê hiaⁿ-tī kóng, Goá sī Iok-sek, goá ê lāu-pē iáu tī-teh mah? I ê hiaⁿ-tī boē-oē ìn, in-ūi tī i ê bīn-chêng lóng kiaⁿ-hiâⁿ.約瑟kā伊ê兄弟講，我是約瑟， 我ê老父iáu tī-teh mah？ 伊ê兄弟boē能應， 因為tī伊ê面前lóng驚惶。

5. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 4 chat 第四節 Iok-sek koh kā i ê hiaⁿ-tī kóng, Chhiáⁿ kiâⁿ-oá-lâi. In chiū oá-lâi. I kóng, Goá sī lín ê sió-tī Iok-sek, chiū-sī lín só͘ boē kàu Ai-ki̍p-ê.約瑟koh kā伊ê兄弟講， 請行oá來。In就oá來。伊講， 我是lín ê小弟約瑟， 就是lín所賣到埃及ê。

6. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 5 chat 第五節 Taⁿ m̄-bián in-ūi boē goá kàu chia lâi iu-būn, lâi ka-kī oàn-hūn; che sī Siōng-tè chhe goá tāi-seng lín lâi, in-ūi beh pó-choân sìⁿ-miā.Taⁿ m̄免因為賣我到chia 來憂悶，來家己怨恨； 這是上帝差我事先lín來， 因為beh保全性命。

7. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 6 chat 第六節 Taⁿ tī chit só͘-chāi ê ki-hng í-keng nn̄g-nî, iáu ū gō͘-nî, bô thang chèng-choh, bô thang siu-sêng.Taⁿ tī chit所在ê飢荒 已經兩年，iáu有五年， 無thang種作，無thang收成。

8. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 7 chat 第七節 Siōng-tè chhe goá tāi-seng lín lâi, ūi-tio̍h beh kā lín lâu chhun ê chéng-cho̍k tī sè-chiūⁿ; koh beh kiâⁿ I toā ê chín-kiù, pó-choân lín ê oa̍h-miā.上帝差我事先lín來， 為tio̍h beh kā lín留chhun ê種族 tī世上；koh beh行伊大ê拯救， 保全lín ê活命。

9. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 8 chat 第八節 Án-ni khoàⁿ-khí-lâi, chhe goá kàu chia ê, m̄-sī lín, chiū-sī Siōng-tè; I koh hō͘ goá chhin-chhiūⁿ Hoat-ló ê pē, choè i choân-ke ê chú, kap koán-lí Ai-ki̍p choân-toē.Án-ni看起來，差我到chia ê， m̄是lín，就是上帝；伊koh hō͘我 親像法老ê父，做伊 全家ê主，kap管理埃及全地。

10. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 9 chat 第九節 Lín tio̍h koáⁿ-kín chiūⁿ-khì goá ê lāu-pē hia, kā i kóng, Lí ê kiáⁿ Iok-sek án-ni kóng, Siōng-tè hō͘ goá choè choân Ai-ki̍p ê chú, chhiáⁿ lo̍h-lâi goá chia, m̄-thang iân-chhiân.Lín tio̍h趕緊上去我ê老父hia， kā伊講，你ê kiáⁿ約瑟án-ni講， 上帝hō͘我做全埃及ê主， 請落來我chia，m̄-thang延chhiân。

11. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 10 chat 第十節 Lí kap lí ê kiáⁿ lí ê sun, kap gû-kûn iûⁿ-kûn, í-ki̍p it-chhè só͘-ū-ê, lóng thang lâi tiàm tī Ko-san ê toē, kap goá saⁿ-kūn.你kap你ê kiáⁿ你ê孫， kap牛群羊群， 以及一切所有ê，lóng thang來 tiàm-tī Ko-san ê地，kap我相近。

12. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 11 chat 第十一節 Goá beh tī-hia hōng-sêng lí; in-ūi iáu ū gō͘ nî ê ki-hng, bián-tit lí, kap lí ê ke-koàn, kap it-chhè só͘-ū-ê lo̍h-po̍h.我beh tī-hia奉承你； 因為iáu有五年ê飢荒， 免得你，kap你ê家眷， kap一切所有ê落薄。

13. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 12 chat 第十二節 Hô-hòng lín ê ba̍k-chiu kap goá ê sió-tī Piān-ngá-bín ê ba̍k-chiu, lóng khoàⁿ-kìⁿ goá kap lín chhin-chhùi tùi lín kóng-oē.何況lín ê目睭kap我ê 小弟便雅憫ê目睭， lóng看見我kap lín 親嘴對lín講話。

14. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 13 chat 第十三節 Lín iā tio̍h chiong goá tī Ai-ki̍p it-chhè ê êng-kng kap lín só͘ khoàⁿ-kìⁿ ê sū, lóng kā goá ê lāu-pē kóng; koh tio̍h koáⁿ-kín chiong goá ê lāu-pē poaⁿ-lâi goá chia.Lín也tio̍h將我tī埃及一切ê 榮光kap lín所看見ê事， lóng kā我ê老父講；koh tio̍h趕緊 將我ê老父搬來我chia。

15. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 14 chat 第十四節 Tùi án-ni, Iok-sek phak tī i ê sió-tī Piān-ngá-bín ê ām-kún thî-khàu; Piān-ngá-bín iā tī i ê ām-kún thî-khàu.Tùi án-ni，約瑟仆tī伊ê小弟 便雅憫ê頷頸啼哭； 便雅憫也tī伊ê頷頸啼哭。

16. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 15 chat 第十五節 I koh kap chèng hiaⁿ-tī chim-chhùi, Phō in thî-khàu; āu-lâi i ê hiaⁿ-tī chiū kap i kóng-oē.伊koh kap眾兄弟chim嘴， 抱in啼哭；後來伊ê兄弟 就kap伊講話。

17. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 16 chat 第十六節 Chit ê hong-siaⁿ thoân kàu Hoat-ló ê keng-lāi, kóng, Iok-sek ê hiaⁿ-tī lâi lah. Hoat-ló kap i ê jîn-sîn lóng hoaⁿ-hí.Chit-ê風聲傳到法老 ê宮內，講，約瑟ê兄弟來lah。 法老kap伊ê人臣lóng歡喜。

18. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 17 chat 第十七節 Hoat-ló kā Iok-sek kóng, Lí tio̍h kā lí ê hiaⁿ-tī kóng, Lín tio̍h án-ni kiâⁿ; chiong mi̍h hō͘ cheng-siⁿ chài; khí-sin khì Ka-lâm toē;法老kā約瑟講， 你tio̍h kā你ê兄弟講， Lín tio̍h án-ni行；將物hō͘ cheng-siⁿ載；起身去迦南地；

19. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 18 chat 第十八節 chiong lín ê lāu-pē, kap lín ê ke-koàn, lóng poaⁿ-lâi goá chia; goá beh chiong Ai-ki̍p toē ê hó-mi̍h hō͘ lín, lín ia̍h thang chia̍h chit só͘-chāi ê san-tin hái-bī.將lín ê老父，kap lín ê家眷， lóng搬來我chia；我beh將 埃及地ê好物hō͘ lín，lín亦thang 食chit所在ê山珍海味。

20. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 19 chat 第十九節 Taⁿ goá bēng-lēng lí, lín tio̍h án-ni choè; tùi Ai-ki̍p toē toà chhia khì, chiong lín ê gín-á, kap bó͘, kap lín ê lāu-pē, lóng poaⁿ-lâi.Taⁿ我命令你，lín tio̍h án-ni做；tùi埃及地帶車去， 將lín ê gín-á，kap bó͘， kap lín ê老父，lóng搬來。

21. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 20 chat 第二十節 M̄-thang khoàⁿ-tāng lín ke-lāi ê mi̍h, in-ūi Ai-ki̍p choân-toē ê hó-mi̍h, lóng sī lín ê.M̄-thang看重lín家內ê物， 因為埃及全地ê好物， lóng是lín ê。

22. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 21 chat 第二十一節 Í-sek-lia̍t ê chèng-kiáⁿ chiū án-ni kiâⁿ. Iok-sek chiàu Hoat-ló ê bēng-lēng hō͘ in chhia, kap lō͘-tiong tio̍h ēng ê chia̍h-mi̍h;以色列ê眾kiáⁿ就 án-ni行。約瑟照法老 ê命令hō͘ in車， kap路中tio̍h用ê食物；

23. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 22 chat 第二十二節 koh hō͘ in chi̍t-lâng chi̍t-thò i-ho̍k; to̍k-to̍k hō͘ Piān-ngá-bín gûn saⁿ-pah, i-ho̍k gō͘-thò.koh hō͘ in一人一套衣服； 獨獨hō͘便雅憫 銀三百，衣服五套。

24. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 23 chat 第二十三節 Sàng in lāu-pē ê mi̍h, kì tī ē-toé; lû-káng cha̍p-chiah, chài Ai-ki̍p ê hó-mi̍h; lû-bú cha̍p-chiah, chài gō͘-kak kap piáⁿ kap chhài, hō͘ in lāu-pē lō͘-ni̍h thang ēng.送in老父ê物，記tī下底；驢káng 十隻，載埃及ê好物；驢母 十隻，載五穀kap餅kap菜， hō͘ in老父路裡thang用。

25. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 24 chat 第二十四節 Iok-sek chiū chhe i ê hiaⁿ-tī tò-khì, in chiū khí-sin; koh kā in kóng, Lín m̄-thang tī lō͘-ni̍h oan-ke.約瑟就差伊ê兄弟tò去， in就起身；koh kā in講， Lín m̄-thang tī路裡冤家。

26. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 25 chat 第二十五節 In tùi Ai-ki̍p chiūⁿ-khì, lâi kàu Ka-lâm toē, in lāu-pē Ngá-kok hia.In tùi埃及上去， 來到迦南地， in老父雅各hia。

27. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 26 chat 第二十六節 Kā i kóng, Iok-sek iáu tī-teh, koh koán-lí Ai-ki̍p choân-toē. Ngá-kok sim hūn-khì, in-ūi m̄ sìn in ê oē.Kā伊講，約瑟iáu tī-teh， koh管理埃及全地。 雅各心暈去， 因為m̄信in ê話。

28. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 27 chat 第二十七節 In chiū chiong Iok-sek tùi in só͘ kóng ê oē, lóng kā i kóng; i koh khoàⁿ-kìⁿ Iok-sek só͘ chhe-lâi beh chài i ê chhia, in lāu-pē Ngá-kok ê sim oa̍h-khí-lâi.In就將約瑟對in所講ê話， lóng kā伊講；伊koh看見約瑟 所差來beh載伊ê車， in老父雅各ê心活起來。

29. “Chhòng-sè-kì”《創世記》Genesis Tē sì-cha̍p-gō͘ chiuⁿ第四十五章 Tē 28 chat 第二十八節 Í-sek-lia̍t kóng, Hó lah; goá ê kiáⁿ Iok-sek iáu tī-teh, thàn goá iáu-bē sí, goá beh khì khoàⁿ-i.以色列講，好lah； 我ê kiáⁿ約瑟iáu tī-teh， thàn我iáu未死， 我beh去看伊。