Peð á plánetunni Jörð eftir Olgu Guðrúnu Árnadóttur 174 síður Mál og menning 1995

1. ritdómur SÝNISHORN Upp á kant Peð á plánetunni Jörð eftir Olgu Guðrúnu Árnadóttur174 síðurMál og menning 1995 Flestar unglingabækur snúast um líf unglinganna; ást, vini, foreldra, skóla og tilfinningar. Þar sem efni bókanna er svipað er hætta á að þær verði hver annarri lík. Sumar eru einfaldar og fyrirsjáanlegar en aðrar eru frumlegar, bæði framsetningin og textinn. Í hópi þeirra síðarnefndu er bókin Peð á plánetunni Jörð. Í henni tekst höfundinum, Olgu Guðrúnu Árnadóttur, að vinna á frumlegan og nýstárlegan hátt úr gömlu og vel þekktu efni og bókin er mjög skemmtileg fyrir unglinga á ýmsum aldri - og jafnvel fullorðna. Aðalpersóna bókarinnar er Margrét Kristín, kölluð Magga Stína. Hún er hress fjórtán ára stelpa sem er upp á kant við skólakerfið. Hún á auðvelt með að læra en henni leiðist aðgerðarleysið í skólanum. Magga Stína á sér leynilegan ástmann, Matta, en hann á í ástarsambandi við Heiðu, vinsælustu og fallegustu stelpu skólans. Heiða er ekki ofarlega á vinsældarlista Möggu Stínu. Bestu vinir Möggu Stínu eru Vala, Sigga Rósa og Jónas. Vala býr hjá ein-stæðri móður sinni og tveimur systrum. Sigga Rósa á mömmu sem skipar henni að spila á píanóið dag og nótt. Nefið á Jónasi er tveimur númerum of stórt en nefið minnkar og minnkar því betur sem Magga Stína kynnist honum. Magga Stína tekst á við margvísleg vandamál, t.d. skólann. Aðalvandamálið er Hólka handavinnukennari sem heldur að Magga Stína sé með fjórtán þumalputta og greindarvísitöluna núll. Í kringum Hólku skapast ýmis vandamál sem oft leiða til fundar við skólastjórann. Vala, besta vinkona Möggu, á í miklum erfiðleikum því mamma hennar ákveður að flytja til Noregs. Vala er á móti ráðagerð móður sinnar og vill fá að flytja til pabba síns en það vill móðir hennar ekki. Magga Stína tekur að sér að leysa vandamál Völu. Ekki verður söguþráður rakinn frekar en hugkvæmni Olgu Guðrúnar er aðdáunarverð. Peð á plánetunni Jörð er skemmtileg og hressandi bók fyrir krakka á öllum aldri. Söguþráðurinn er í senn fyndinn og spennandi. Aalpersónan er stelpa en bókin á alveg eins erindi til stráka. Hún er vel skrifuð og höfundur kemur hugsunum sínum á framfæri á mjög skemmtilegan hátt. Þrátt fyrir kímni og gleði er bókin full af alvarleik og spennu. Nemendur í 8. bekk Garðaskóla 1997